ამერიკულ გაზეთ „უოლ სთრით ჯორნელში“ (The Wall Street Journal) გამოქვეყნებულია სტატია სათაურით „როგორ შედის რუსეთში ის დასავლური პროდუქცია, რომლებზეც სანქციებია დაწესებული“ (ავტორები – გიორგი კონჩევი, პოლ ჰენონი და ლოურენს ნორმანი).
როგორც სტატიაშია აღნიშნული, დასავლელი ჩინოვნიკების განცხადებით, ზოგიერთი ყოფილი საბჭოთა რესპუბლიკის ტერიტორია ამერიკული და ევროპული კომპიუტერული ელექტრონულ-ინტეგრალური სქემების („ჩიპების“) რუსეთში გადასაგზავნ მსხვილ პუნქტებად გადაიქცნენ. 2022 წელს რუსეთის მეზობელ ქვეყნებში მკვეთრად იმატა პროდუქციის იმპორტმა, რომელიც შემდგომ რუსეთში იგზავნებოდა. საერთო მოცულობით, ევროკავშირში და აშშ-ში დამადებული პროდუქციის იმპორტი სომხეთში, საქართველოში, ყირგიზეთში, უზბეკეთში და ყაზახეთში გასულ წელს 24 მილიარდ დოლარამდე გაიზარდა (2021 წელს მხოლოდ 14 მილიარდს აღწევდა). თავის მხრივ, მათ გააფართოვეს რუსეთში ექსპორტი 15 მილიარდი დოლარით.
