პარასკევი, ივნისი 2, 2023
spot_img
Homeსიახლეებიპოლიტიკა"რიგგარეშე სხდომაზე კენჭისყრა რომ ვერ შედგა, არის უპასუხისმგებლობ" - ხათუნა სამნიძე

“რიგგარეშე სხდომაზე კენჭისყრა რომ ვერ შედგა, არის უპასუხისმგებლობ” – ხათუნა სამნიძე

spot_img

რიგგარეშე სხდომაზე კენჭისყრა რომ არ შედგა, ამის საფუძველი ერთი სიტყვით შემიძლია აღვწერო – ესაა უპასუხისმგებლობა, – ამის შესახებ ჟურნალისტებთან “რესპუბლიკური პარტიის” თავმჯდომარე ხათუნა სამნიძემ განაცხადა, რითაც გამოეხმაურა სასამართლოსთან დაკავშირებით საგამოძიებო კომისიის შექმნის საკითხს და ლევან ხაბეიშვილის და ანა წითლიძის მიერ ქვეყნის დატოვებას.

მისი თქმით, იყვნენ დეპუტატები, რომლებმაც ამ საკითხის გამო გადადეს ვიზიტები. სამნიძე აღნიშნავს, რომ ახლა მნიშვნელოვანია, მომავალ სასესიო კვირას, როცა ამ საკითხზე კენჭისყრა იქნება, ყველა დეპუტატი დარბაზში იყოს.

“როცა გაიგზავნა წერილი პრეზიდენტთან, მას ორივე დეპუტატის – წითლიძის და ხაბეიშვილის ხელმოწერაც ჰქონდა. მათ იციან, რომ ხელმოწერის შემდეგ პრეზიდენტს 48 საათი აქვს სხდომის ჩასანიშნად. მათი ხელმოწერით დასტურდება, რომ იცოდნენ სავარაუდო სხდომის თარიღი და ამის მიუხედავად დატოვეს ქვეყანა. იმდენად მნიშვნელოვანი მგონია საგამოძიებო კომისიის შექმნა, რომ ვიზიტის გაუქმებაც ნორმალური იქნებოდა. ახლა არსებითია ორივე მათგანმა და თითოეულმა დეპუტატმა პარლამენტში განაცხადოს, რომ მორიგ სხდომაზე, როცა ჩაინიშნება კენჭისყრა, ყველა იქნება დარბაზში,”- განაცხადა სამნიძემ.

ის, ასევე, გამოეხმაურა ინფორმაციას იმასთან დაკავშირებით, რომ მიხეილ სააკაშვილს პოლონეთი თავისუფლებისთვის გაწეული ბრძოლისთვის ჯილდოს გადასცემს და აღნიშნა, რომ საკამათო არ არის, რომ წინა ხელისუფლების დროს ქვეყანაში პროგრესი იყო, თუმცა უკანა პლანზე გადაინაცვლა ადამიანის უფლებებმა.

“მე არ ვიცი, რას და რა პერიოდს ეხება, მაგრამ ზოგადად “ვარდების რევოლუციის” შემდეგ ქვეყანაში პროგრესი რომ იყო, ამაზე არ მგონია ვიკამათოთ. თუმცა, მალევე “ნაციონალური მოძრაობის” ხელისუფლების დროს პროგრესზე გაკეთდა პრიორიტეტი და უკანა პლანზე გადაიწია ადამიანის უფლებებმა, რამაც გამოიწვია უამრავი პრობლემა ადამიანის უფლებებთან დაკავშირებით,” – განაცხადა სამნიძემ.

spot_img
მსგავსი სიახლეები
- რეკლამა -
Google search engine

TOP სიახლეები