ალექსი პეტრიაშვილი სოციალურ ქსელში უკრაინაში მიმდინარე მოვლენებს ეხმაურება:
“გრძელდება კარგი ამბების მოსვლა ფრონტიდან, განსაკუთრებით ბახმუტის ფლანგებიდან, კონკრეტულად კი სამხრეთიდან. არ ვიჩქაროთ და ემოციას არ ავყვეთ, მაგრამ დაბეჯითებით შეგვიძლია ვთქვათ, რომ ჩვენები კლეშჩეევკაში და კურდიუმოვკაში შევიდნენ და უკვე შიგნით დასახლებების ფარგლებში ომობენ ურდოსთან! უფრო მეტ და უფრო მაგარ ამბებს თავად შეიარაღებული ძალების ოფიციალური დადასტურების შემდეგ გავიგებთ;
– ზაპოროჟიეს ფრონტზეც გვაქვს წინსვლა; ნელა, მაგრამ მყარად მიიწევენ წინ ჩვენები;
რეალურად მთელი ურდო უკრაინაში ჰყავს პუტლერს და ჩატოვებს კიდეც ბოლომდე. დარჩება მასკოვია ჩევეკებს და ბანდ.ფორმირებებს;
ტანკების რაოდენობაში, ბლუმბერგის ცნობით, უკვე გადავასწარით. ჩვენებს ჰყავთ უკვე 1500 (ჰყავდათ 978), ხოლო ურდოს ჰყავს 1400 (ჰყავდა 3400). აი დემილიტარიზაციაც ამას ჰქვია, მკტარია ნაღდი პუტლერი, ორეულებმა ოურიეს.
ორეულებს თავისი ეყოფათ და რუსულმა რუბლმა კი ნაღდად ოურია, უფრო სწორედ თავი წაიქცია. 1 დოლარი – 93 რუბლი, 1 ევრო -102 რუბლი. არ გაჩერდე რუბლიკო, არააა!
პრიგოჟინიადა გრძელდება. ბაწკამ, ჟენია პიტერში დააწვა, შეიძლება ამ წუთას მასკვაშიც იყოსო. თამასუქებიც დაიბრუნა, ფიშტოების კოლექციაც – ლენინის მავზოლეუმთან თუ დასელფა სისხლიანი კუვალდით მხარზე გადებული, ვინ ხართ ჩემები აქეთო, არც ეგ გაგიკვირდეთ.
გუშინ დილით პრეზიდენტი ზელენსკი სოფიაში იყო. კაი ამბავი ისაა, რომ ბულგარეთი ნატო-ს 22-ე წევრი ქვეყანაა, რომელმაც ხელი მოაწერა უკრაინასთან მისი გაწევრიანების მხარდაჭერის დეკლარაციას; არცთუ ისე კარგი ამბავი კი ისაა, რომ კამერების წინ გაჭედა ბულგარეთის პრეზიდენტმა, იარაღის მოწოდება არ შველის ომის დამთავრებასო. ზელე პასუხად, აბა რას იზამდით თქვენ ჩემს ადგილას, მობრძანდით ბატონო პუტინოო? ხომ ვიცი რომ არ იზამდით მაგას. ასე რომ, ჯობია ჩვენ ვიბრძოლოთ გამარჯვებამდე, რომ ომი და უბედურება არ მოვიდეს თქვენამდე; ამის მერე ბულგარეთის პრეზიდენტმა, შემოთავაზება მაქვს და გავუშვათ ახლა მედიებიო; ე მანდ წყდება ამბავი. გავიგებთ ალბათ, თუ იყო კაი ან ცუდი გაგრძელება მანდედან.
კაი გაგრძელება იყო პრაღაში. საღამოს ოვაციებით ხვდებოდნენ ჩეხები ზელენსკის. პრეზიდენტმა პეტრ პაველმა განაცხადა, რომ ჩეხეთს სურს უკრაინის გამარჯვება და ყველაფერს გააკეთებს ამისთვის. გარდა ამისა, ჩეხეთის პრეზიდენტი აქტიურად იმუშავებს, რომ წლის ბოლომდე დაიწყოს მოლაპარაკებები უკრაინის ევროპულ კავშირში გაწევრიანებაზე და შედგეს შეთანხმება, რომ ომის დასრულების შემდეგ აუცილებლად დაიწყება უკრაინის ნატოში გაწევრიანების პროცესი! სერიოზული ძიაა ჩეხეთის პრეზიდენტი!
დღეს პრეზიდენტი ზელენსკი ანკარაში ჩავა და პრეზიდენტ ერდოღანს შეხვდება. საინტერესოა, რაც დღეს ითქმება (დახურულ კარს მიღმა).
შვედეთის პრემიერი იყო ვაშინგტონში, ხოლო ფინეთის, შვედეთის და თურქეთის წარმომადგენლები ნატოს მონაწილეობით შეხვდნენ ერთურთს. დაფიქსირდა პროგრესი შვედეთის ნატოში გაწევრიანების მიმართულებით და შეთანხმდა, რომ პირველი პირების დონეზე შეხვედრა გაიმართება 10 ივლისს ვილნიუსში!
ვნახოთ, რამდენად ისტორიული სამიტი გამოვა ლიეტუვის დედაქალაქში. მთელი მსოფლიოს ყურადღება კი იქნება მაქეთ მიპყრობილი!
უკრაინა აუცილებლად გაიმარჯვებს 2023-ში! პუტლერის ბოროტების იმპერია გრუხუნით ჩამოინგრევა 2023-ში!
დიდება უკრაინას! გაუმარჯოს საქართველოს!
დიდება გმირებს!
დიდება ერს!
სიკვდილი მტერს!”- წერს ალექსი პეტრიაშვილი.
