“რა შეფასება უნდა მისცე ბაჩიაშვილის საქციელს გარდა ამორალურობისა” – ზურაბ ქადაგიძე

168
spot_img

„ხალხის ძალის“ წევრი ზურაბ ქადაგიძე ბიძინა ივანიშვილის ადვოკატის, თეიმურაზ წიქვაძის მიერ გამოქვეყნებულ წერილს სოციალურ ქსელში ეხმიანება.

მისი განცხადებით, თანაინვესტირების ფონდის ყოფილი ხელმძღვანელის, გიორგი ბაჩიაშვილის მცდელობა, მისი დაკავება პოლიტიკურ მოტივს დაუკავშიროს, ამორალურია.

როგორც ქადაგიძე აცხადებს, ბაჩიაშვილის საქმე გიორგი გახარიას „ქეისს“ ჰგავს და არ არის გამორიცხული, მანაც გახარიასავით პოლიტიკური პლატფორმა შექმნას და ამ გზით პასუხისმგებლობისგან თავის არიდება სცადოს.

„ბიძინა ივანიშვილის უფლებადამცველმა, თეიმურაზ წიქვაძემ ვრცელი წერილი გამოაქვეყნა,სადაც დეტალურადაა აღწერილი ფაქტობრივი გარემოებები და მაქინაციებით, სხვისი ფინანსების მისაკუთრების მცდელობა.

თვალშისაცემია, რომ ბაჩიაშვილს ბიძინა ივანიშვილმა გაუკეთა კარიერა, მიიღო ოჯახის წევრად და მისცა საშუალება პატიოსნად მოეხდინა საკუთარი შესაძლებლობების რეალიზება. სარგებლობდა ივანიშვილის მაღალი ნდობით,თუმცა ეს ნდობა მერკანტილურ მისწრაფებებში დაახურდავა, თაღლითობითა და მაქინაციებით გადაწყვიტა გამდიდრებულიყო სხვის ხარჯზე.

ბაჩიაშვილის მაქინაციები შესაძლოა არც გამომჟღავნებულიყო,რომ არა მისი რამდენიმე შეცდომა:

1. “თანაინვესტირების ფონდის” ( ხელმძღვანელობდა ბაჩიაშვილი 2019 წლამდე)
მიერ განსახორციელებელი “მტკვარი ჰესის” ხარჯი, უპრეცედენტოდ დიდ მასშტაბებზე გავიდა,რამაც გონივრული ეჭვი გააჩინა მენეჯმენტის პატიოსნებასა და პროფესიონალიზმში. არსებული პრობლემის შესწავლა, “თანაინვესტირების ფონდის” მთავარმა ბენეფიციარმა, ბიძინა ივანიშვილმა დაიწყო,სადაც სისხლის სამართლის დანაშაულის ნიშნები აღმოაჩინა,რამაც ავტომატურად გააჩინა, შესაბამისი უწყებების ჩართვის აუცილებლობა.

2. 2015 წლის შემდეგ, ბაჩიაშვილის და მისი ახლო გარემოცვის კაპიტალი, შემოსავლების შეუსაბამოდ იზრდებოდა, რაც ასევე იწვევდა გონივრულ ეჭვს მის კეთილსინდისიერებაში.

საბოლოო ჯამში, ბაჩიაშვილის მიერ მითვისებული თანხა 50 მილიონ დოლარს შეადგენს. არ ვიცი, რა შეფასება უნდა მისცე ბაჩიაშვილის საქციელს გარდა, ამორალურობისა. ვინც ცხოვრება აუწყო მისი გაძარცვა მოინდომა და ახლა იმის მაგიერ,რომ გაითავისოს საკუთარი დანაშაული, ახალი მაქინაციებით ცდილობს მართლმსაჯულების არიდებას. წმინდა წყლის სისხლის სამართლის დანაშაულს უნდა,რომ პოლიტიკური სარჩული მიაკეროს და ასე მოახდინოს დანაშაულის შეფუთვა.

თუმცა, როგორც არ უნდა ეცადოს, ბაჩიაშვილი ვერ აირიდებს სამართალს, რომელსაც ის,როგორც ბოროტმოქმედი იმსახურებს!

P.S. გაჭრილი ვაშლივით ჰგავს გიორგი ბაჩიაშვილი საქმე გიორგი გახარიას ქეისს…
ზუსტად იგივე შესაძლებლობები და იგივე ნდობის, პირადი კომპლექსებით დახურდავება და ბოლოს პოლიტიკური სარჩულით გამოკერილი ავანტიურისტი. ისე, არ გამიკვირდება, ბაჩიაშვილმაც გიორგი გახარიასავით პოლიტიკური პარტია და მედია-პლატფორმა გააკეთოს, რომ პასუხისმგებლობისგან თავის არიდება სცადოს“, – წერს ქადაგიძე Facebook-ზე.