„ყველა გვახსოვს, ყველას ვეძებთ, ყველა უნდა დავიბრუნოთ“ – ვოლოდიმირ ზელენსკი

63
spot_img

უკრაინის პრეზიდენტის ვოლოდიმირ ზელენსკის განცხადებით, ომის დაწყებიდან უკრაინამ ტყვეობიდან 2526 ადამიანი დააბრუნა.

„ყოველთვის, როცა ჩვენს ხალხს რუსების ტყვეობიდან ვაბრუნებთ, გვახსოვს ფუნდამენტური მიზანი: არავის დავტოვებთ. გუშინ დავაბრუნეთ ტყვეობიდან ჩვენი კიდევ 95 ბიჭი. საერთო ჯამში გასული წლის 24 თებერვლიდან დღემდე დავაბრუნეთ 2526 უკრაინელი ქალი და კაცი. ჩვენ ყველას გვახსოვს, ყველას ვეძებთ, ყველა უნდა დავიბრუნოთ. ჩვენ დავბრუნდებით“, – აცხადებს პრეზიდენტი ზელენსკი.

როგორც სამხედრო ტყვეთა საკოორდინაციო შტაბმა განმარტა, ამჯერად შესაძლებელი გახდა ოთხი სამხედრო მეზღვაურის, 11 მესაზღვრის, 29 ეროვნული გვარდიის და შეიარაღებული ძალების 51 წარმომადგენლის გათავისუფლება.

გაცვლა შესაძლებელი გახდა საკოორდინაციო შტაბის მიერ ჩატარებული კომპლექსური მოლაპარაკებების გზით.