“პუტლერის ბოროტების იმპერია გრუხუნით ჩამოინგრევა 2023-ში”- ალექსი პეტრიაშვილი

96
spot_img

ალექსი პეტრიაშვილი სოციალურ ქსელში უკრაინაში მიმდინარე მოვლენებს ეხმაურება:

ესტონეთის პრემიერ მინისტრმა კაია კალასმა განაცხადა, რომ უკრაინას ვილნიუსის ნატოს სამიტზე სასიამოვნო სიურპრიზი ელის. “მე დარწმუნებული, ვარ რომ უკრაინის ერთადერთი უსაფრთხოების გარანტიაა .. ნატო, მაგრამ მე არ მინდა გავასწრო მოვლენებს და გავაფუჭო სიურპრიზი სამიტის წინ”, ასე მიმართა კაია კალასმა იენს სტოლტენბერგს! მართლა კაია! ყველა გული ესტონეთის პრემიერს!

ლიეტუვის პრეზიდენტი გიტანას ნაუსედაც ამ გზავნილით ჩავიდა მოულოდნელად კიევში: “ჩემი აქ ჩამოსვლა არის დასტური იმისა, რომ უკრაინის ადგილი არის ნატოში”!

გარდა ამისა, ლიეტუვა ყიდულობს უკრაინისთვის საზენიტო-სარაკეტო კომპლექს ნასამს-ის 2 ბატარეას და 10 ერთეულ ჯავშანმანქანას მ113 თავის ჭურვებიანად!

პოლონეთის პრეზიდენტიც ჩავიდა! მიულოცეს ძმებმა უკრაინელ ძმებს კონსტიტუციის დღე და მხარდაჭერა გამოხატეს ვილნიუსის სამიტის წინ!

პრეზიდენტმა ზელენსკიმ რადაში გამოსვლის დროს ისაუბრა უკრაინის ნატოში მიწვევის მნიშვნელობაზე! ასევე პოლონელ და ლიეტუველ ლიდერებთან ერთობლივ ბრიფინგზე განაცხადა: “ჩვენ გვესმის, რომ ხვალ ვერ შევალთ ნატოში, იმიტომ რომ ომში ვართ, მაგრამ გვინდა მკაფიო გადაწყვეტილება, რომ ომის დასრულების შემდეგ ნამდვილად გავხდებით ნატოს წევრები… ნატოში დარწმუნდნენ, რომ ჩვენ შეგვიძლია ჩვენი და ევროპის უსაფრთხოების უზრუნველყოფა. უკრაინის ჯარი დაიცავს თავის ნაწილებით ევროპულ ქვეყნებს”! რა თქმა უნდა, აქაც უნდა მოვიყვანოთ ეს ციტატა: “უკრაინის გამარჯვება საქართველოს და მოლდოვას ტერიტორიული მთლიანობის აღდგენის გარანტია იქნება”! თაფლი და მურაბა შენს ბაგეებს ზელე!

გერმანიის თავდაცვის მინისტრმა ბორის პისტორიუსმა, რომელიც ვაშინგტონში იმყოფება ვიზიტით, განაცხადა, რომ მაღალი ალბათობით წლევანდელი წელი, მიმდინარე თვეები გადამწყვეტი იქნება. “სწორედ ამიტომაც ჩვენ გამოვუყავით უკრაინას ცოტა ხნის წინ ძალიან სერიოზული, 2.7 მილიარდი ევროს სამხედრო დახმარება”!
ჩემი გჯერათ? თუ არა, აგერ გამოზომილ და პრაგმატულ გერმანიის თავდაცვის მინისტრს დაუჯერეთ!
ყველასთვის ცნობილი ამერიკელი სენატორი ჯიმ რიში ამტკიცებს, რომ უკრაინისთვის ატაკამსის რაკეტების მიწოდების შანსი ყოველდღიურად იზრდება.

იცის გამოცდილმა პოლიტიკოსმა, რასაც ფიქრობს ხალხი. ბოლო კვლევით, 65%-მდე გაიზარდა ამერიკელების მხარდაჭერა უკრაინისთვის შეიარაღების გადაცემის საკითხში!

სხვათა შორის, ურდოსტანში, თუ დაეჯერება მაგნების კვლევებს, 50%-ს ჩამოსცდა ომის მხარდამჭერთა რაოდენობა და 35%-მდე გაიზარდა ომის მოწინააღმდეგეების რიცხვი! მათ შორის ძირითადად ახალგაზრდები არიან აქტიური მოწინააღმდეგეები!

როგორც იტყვიან, არ გათეთრდების ყორანიო, რუსასტანს მაინც არაფერი ეშველება ჩემი აზრით, მაგრამ თუ გამოფხიზლდებიან, ხმას ამოიღებენ და მითუმეტეს იარაღს აიღებენ ხელში პუტლერის რეჟიმის წინააღმდეგ, გადასარევი იქნება!

ფარჩაკი პუტლერა კი გამოდის ყოველ ორ საათში სამადლობელოებით, მისი ორეული დაგესტანის დერბენდშიც გააქანეს მითამ ხალხთან შესახვედრად, მაგრამ რომის პაპის სპეც.წარმომადგენელთან კარდინალ მატეო ძუპისთან შეხვედრა აღარ მოინდომა. ა შტო სლუჩილსა?

არ ვიცი რამდენად რეალურია, მაგრამ საქონელი მეტსახელად “არმაგედონა” ანუ ღენერალი სუროვიკინი გამქრალია მესამე დღეა! შეიძლება სიმწრის ზაპოიშია, მაგრამ რუსი სამხედრო ბლოგერი რიბარი წერს, რომ ლეფორტოვოში ყავთ მოყუჩებულიო. საპატიო ვაგნერელი ყოფილა ჯიგრიკი. გარდა მაგისა, გენერალიტეტის მესამედი პრიგოჟინის ჭკუაზე იყოვო, ასთე ამბობენ და ჩაუწმენდ, ჩაურეცხ, ჩაუხოციათ ერთმანეთი!

ამასობაში, ჩვენებმა გუშინ “იგლა”-თი სუ-25 ჩამოუგდეს ლამასსად ურდოსებს და ვიდეოც დაიდო;

ამასობაში ბახმუტის სამხრეთით კლეშჩეევკის მიმდებარედ სულ გაწმინდეს ჩვენებმა ტერიტორია, უამრავი ურდოს მედესანტე ჩაბარდა ტყვედ და უფრო მეტი გაუყვა კობზონის გზას;

ამასობაში სტარმოლინოვკის მიმართულებაზე მიიწევენ წინ ჩვენები რობოტინეს დასახლებისკენ;

ამასობაში, ხერსონის კუპირებულ ნაწილში ურდოსები თვითონ წერენ, რომ გაიმყარეს უკრანელებმა პლაცდარმი და დამატებითი ძალები შემოიყვანეს ატნტონოვკის ხიდის გაყოლებაზეო;

ამასობაში, ჩონგარის ხიდი ისეთი დაზიანებულია ჩვენების შტორმ შედოუს მადლით, რომ კაი ხანი ვერ აღადგენენ და ამიტომ გოუჭირდა ძალების შემოყვანა ყირიმის მხრიდან;

ჩვენი საამაყო გენერალი ზალუჟნი აცხადებს, რომ უკრაინელებმა ბრძოლებში ხელთ იგდეს სტრატეგიული ინიციატივა და კიდევ უფრო განავითარებენ პირველ წარმატებებს, რომელსაც მივაღწიეთ გასულ კვირებში! შენ გაიხარე გენერალო!

უკრაინა უეჭველი გაიმარჯვებს 2023-ში! საქართველო, გაიღვიძე 2023-ში! პუტლერის ბოროტების იმპერია გრუხუნით
ჩამოინგრევა 2023-ში!
დიდება უკრაინას!
გაუმარჯოს საქართველოს!
დიდება გმირებს!
დიდება ერს!
სიკვდილი მტერს!