“პოლონეთისა და ბალტიისპირეთის ქვეყნების მოთხოვნები, რომ „ვაგნერის“ მებრძოლებმა ბელარუსი დატოვონ, არაგონივრული და სულელურია” – ლუკაშენკო

86
spot_img

პოლონეთისა და ბალტიისპირეთის ქვეყნების მოთხოვნები, რომ „ვაგნერის“ მებრძოლებმა ბელარუსი დატოვონ, არაგონივრული და სულელურია, – ამის შესახებ ბელარუსის პრეზიდენტმა, ალექსანდრ ლუკაშენკომ განაცხადა.

„ისინი თავიანთ ქმედებებს ამართლებენ ზოგიერთი საფრთხით, რომელიც, სავარაუდოდ, მომდინარეობს ბელარუსის ტერიტორიიდან. ისინი იქამდე მივიდნენ, რომ მოითხოვენ „ვაგნერის“ მებრძოლების ბელარუსიდან დაუყოვნებლივ გაყვანას. ამავდროულად, ისინი თავად ზრდიან სამხედრო ბიუჯეტებს, აგროვებენ დიდ სამხედრო ფორმირებებს ჩვენს საზღვარზე“, – განაცხადა ლუკაშენკომ.

ალექსანდრ ლუკაშენკომ ასევე აღნიშნა, რომ პოლონეთსა და ბალტიისპირეთის ქვეყნებს არ უნდა ჰყავდეთ არცერთი უცხოელი სამხედრო ოფიცერი ან ჯარისკაცი თავიანთ ტერიტორიაზე. „მხოლოდ ამ შემთხვევაში აქვთ უფლება, გააპროტესტონ სხვა ქვეყნებიდან სამხედროების აქ ყოფნა, თორემ ეს არაგონივრული და სულელური მოთხოვნებია“, – დასძინა ლუკაშენკომ.

ამასთან, ბელარუსის პრეზიდენტმა აღნიშნა, რომ ბელარუსი მზად არის, აღადგინოს კარგი ურთიერთობა მეზობლებთან, მაგრამ წუხს მათი მხრიდან სურვილის ნაკლებობაზე.