“ფაშისტის იდეალი წარსულშია, ხოლო ნორმალური ადამიანისა – მომავალში” – ლევან შენგელია

110
spot_img

ფაშისტის იდეალი წარსულშია, ხოლო ნორმალური ადამიანისა – მომავალში! – ამის შესახებ სოციალურ ქსელში ექსპერტი ლევან შენგელია წერს.

მისი თქმით, გადაჭარბებული ისტორიზმი, საკუთარი ისტორიის იდეალიზაცია უინტელექტო ადამიანისგან – აქედან იწყება ფაშიზმი.

“მაინც რა არის ფაშიზმი, რით განსხვავდება ფაშისტი ნორმალური ადამიანისგან, რა განსხვავებული იდეალები აქვს ფაშისტს, რით საზრდოობს მისი გული და გონება?

ინტელექტი! უმთავრესი განმასხვავებელი არის ინტელექტი! დაბალი ინტელექტი ფაშისტის აუცილებელი თვისებაა!

მაგრამ მხოლოდ დაბალი ინტელექტი არ არის საკმარისი იმისთვის, რომ ადამიანი ფაშისტად ჩავთვალოთ, აუცილებელია კიდევ ერთი ნიშანი – ეს არის წარსულის ფეტიშიზაცია!

ფაშისტის იდეალი წარსულშია, ხოლო ნორმალური ადამიანისა – მომავალში!

გადაჭარბებული ისტორიზმი, საკუთარი ისტორიის იდეალიზაცია უინტელექტო ადამიანისგან – აქედან იწყება ფაშიზმი!
გენიალური ადამიანები მაშინ ხედავენ საშიშროებას, სანამ ჩვენ – ჩვეულებრივი მოკვდავები რამეს ვიგრძნობთ!
“მოვიკლათ წარსულ დროებზე დარდი…

ჩვენ უნდა ვსდიოთ ახლა სხვა ვარსკვლავს” რომ დავუფიქრდეთ, რატომ გვითხრა ილიამ მაინცდამაინც ასე?

იმიტომ, რომ ვერანაირად ვერ დასახავ ახალ, სამომავლო მიზნებს და იდეალებს, თუ წარსულზე დარდი არ მოიკალი! ოღონდ, წარსულზე დარდი და არა თავად წარსული!

ბევრმა გავიგეთ ესა? არა მგონია.

წარსული არის მხოლოდ გამოცდილება და კიდევ მასალა უკეთესი მომავლის ასაშენებლად. თუ წარსული გააკერპე და გააიდეალე, შენც ზუსტად ისე მოიქცევი როგორც რუსი იქცევა უკრაინაში (წარსული დიდების დასაბრუნებლად) და თუ ეს ფაშიზმი არაა, მაშინ სულ ტყუილად მილაპარაკია ამდენი!”– წერს ლევან შენგელია.