საქართველოს პრეზიდენტმა 17 მსჯავრდებული პირი შეიწყალა. პრეზიდენტის ადმინისტრაციის ინფორმაციით, 13 მსჯავრდებული სრულად გათავისუფლდა პენიტენციურ დაწესებულებაში თავისუფლების აღკვეთის სახით დანიშნული სასჯელის შემდგომი მოხდისაგან, მათ შორის 2 ქალი მსჯავრდებულია.
„4 მსჯავრდებულს პენიტენციურ დაწესებულებაში მოსახდელად დარჩენილი სასჯელის ვადა შეუმცირდა, მათ შორის 1 ქალ მსჯავრდებულს“, – აცხადებენ პრეზიდენტის ადმინისტრაციაში.
თუ შეთქმულების თეორიაა, რომ რუსეთი საკუთარი რიტორიკით ემთხვევა „ქართული ოცნების“ რიტორიკას, საინტერესოა, რატომ ვერ ვახერხებთ გავაფრთხილოთ ჩვენი „პარტნიორი“ რუსები, არ გააკეთონ ჩვენი მხარდამჭერი განცხადებები და არ დაგვაზიანონ? – ვერანაირი რიტორიკა ვერ იქნება გაიგივებული “ქართული ოცნების” პროქართულ იდეოლოგიასთან, – ამის შესახებ “ქართული ოცნების” დეპუტატმა ბექა ოდიშარიამ ჟურნალისტებს განუცხადა, რითაც უპასუხა შეფასებას, რომ “ქართული ოცნების” რიტორიკა, ემთხვევა რუსეთის განცხადებას, რომ ამერიკელები საქართველოში რევოლუციას გეგმავენ.
ოდიშარიას თქმით, რუსეთს თავისი გეოპოლიტიკური ინტერესები აქვს და ასეთივე ინტერესები იკითხება სხვა პოლუსებიდანაც.
„თუ შეთქმულების თეორია, რომ რუსეთი საკუთარი რიტორიკით ემთხვევა “ქართული ოცნების” რიტორიკას და მეორე მხრივ მხარს უჭერს “ქართული ოცნების”, ნამდვილად ქართული პარტიის, დაბრენდვას რუსულ პარტიად, რატომ ვერ ვახერხებთ გავაფრთხილოთ ჩვენი “პარტნიორი” რუსები, რომ არ გააკეთონ ჩვენი მხარდამჭერი განცხადებები და არ დაგვაზიანონ? იმაზე ვთანხმდებით, რომ ასეთი განცხადებები მხოლოდ “ქართულ ოცნებას” აზიანებს. მათ აქვთ თავიანთი პოლიტიკური დღის წესრიგი, რომელშიც ერთიანი, ძლიერი საქართველო არ შედის. ამას დიდი ანალიტიკა არ სჭირდება. რუსეთს თავისი გეოპოლიტიკური ინტერესები აქვს.
სამწუხაროდ, ასეთივე პოლიტიკური ინტერესები და მერკანტილური დამოკიდებულება საქართველოს მიმართ იკითხება არა მხოლოდ ჩრდილოეთ, არამედ სხვა პოლუსებიდანაც. სწორედ ამ საფრთხეებიდან თავის აცილების პოლიტიკას ატარებს “ქართული ოცნება”, რაც არავის აწყობს. შესაბამისად, ვერანაირი რიტორიკა, ვერ იქნება გაიგივებული “ქართული ოცნების” პროქართულ, პატრიოტულ, სუვერენულ იდეოლოგიასთან“, – განაცხადა ბექა ოდიშარიამ.
ცნობისთვის, რუსეთის საგარეო დაზვერვის განცხადებით, ამერიკელები საქართველოში „ფერად რევოლუციას“ ამზადებენ.
უწყების მტკიცებით, ამისათვის ქართული პროდასავლური არასამთავრობო ორგანიზაციები რეკრუტების დიდ რაოდენობას აგროვებენ, რათა ყურადღებით დააკვირდნენ ხმის მიცემის პროცესს. მათ ევალებათ „აუცილებელი ფაქტების“ იდენტიფიცირება და დაფიქსირება.
„ამერიკელები საქართველოში „ფერად რევოლუციას“ ამზადებენ. რუსეთის ფედერაციის საგარეო დაზვერვის სამსახურის პრეს-ბიურო იუწყება, რომ, მიღებული ინფორმაციის თანახმად, თეთრი სახლი უკიდურესად უკმაყოფილოა 26 ოქტომბრის საპარლამენტო არჩევნების წინ საქართველოში არსებული ვითარებით“, – აღნიშნულია განცხადებაში.
“თიბისის“ მობაილბანკში საინვესტიციო გადაწყვეტილების მიღებას, საინვესტიციო პლატფორმაზე ახალი ფუნქციონალი გაგიმარტივებს.
ახლა უკვე შეგიძლია შენთვის საინტერესო აქციების შესახებ, ანალიტიკოსების როგორც ოპტიმისტურ, ისე პესიმისტურ შეფასებებსა და მოლოდინებს გაეცნო, რაც რისკებისა და შესაძლებლობების შეფასებაში დაგეხმარება.
ინფორმაციას, “თიბისის“ მობაილბანკის საინვესტიციო პლატფორმის პარტნიორი – საინფორმაციო ტექნოლოგიური კომპანია TipRanks უოლ სტრიტის ანალიტიკოსების შეფასებებზე დაყრდნობით აჯამებს. შენ კი შესაძლებლობა გაქვს შეფასებებს ორიგინალში, სრული სიზუსტით გაეცნო.
არ გადადო, დააბანდე: https://app.tbcbank.ge/YiId/i16xbomm
R
საქართველო ადამიანის უფლებების ინდექსით ევროპის საშუალო დონეს უსწრებს და 11 წლიანი პროგრესით ევროპაში პირველ ადგილზეა.
„გლობალური ცვლილებების მონაცემთა ლაბორატორიამ“ ოქსფორდის უნივერსიტეტთან თანამშრომლობით ადამიანის უფლებების ინდექსი 2023 გამოაქვეყნა. ინტერაქტიული ანგარიში ეფუძნება გლობალური დემოკრატიის საერთაშორისო შემფასებელი ორგანიზაცია „დემოკრატიის მრავალფეროვნების“ მასშტაბურ გამოკვლევას, რომელიც მსოფლიოს 179 ქვეყანას და ტერიტორიას აერთიანებს.
შეფასების 100%-იანი სისტემით საქართველომ 86,9% დაიმსახურა, რითაც გადაუსწრო ევროპის საშუალო დონეს, რომელიც 86,85%-ით შეფასდა.
ოფიციალური განმარტებით, ინდექსი ასახავს იმას, თუ რამდენად თავისუფალია ხალხი ხელისუფლების მხრიდან წამებისგან, პოლიტიკური მკვლელობებისა და იძულებითი შრომისგან; დაცულია საკუთრების უფლება; ხალხი სარგებლობს გადაადგილების, რელიგიის, გამოხატვისა და გაერთიანების თავისუფლებით.
შეფასების 11 წლიანი გაუმჯობესებით საქართველო მსოფლიოში მე-9, ევროპაში კი პირველ ადგილზეა. 2012 წელს საქართველო ადამიანის უფლებების ინდექსით ევროპის უკანასკნელ სამეულში იყო რუსეთთან და ბელარუსთან ერთად და მსოფლიოში 101-ე ადგილი ეკავა, შედგომ 11 წელიწადში კი საქართველოს სარეიტინგო პოზიცია 45 ადგილით გაუმჯობესდა.
მიმდინარე შეფასებით საქართველო მეზობელ ქვეყნებს შორის ლიდერობს, რეიტინგში უსწრებს ნატოს წევრ არაერთ ქვეყანას, მათ შორის ევროკავშირის წევრ უნგრეთს და პოლონეთს.
„დემოკრატიის მრავალფეროვნება“ (V-Dem) არის მსოფლიოში ერთ-ერთი უდიდესი სამეცნიერო თანამშრომლობის პროექტი უშუალოდ დემოკრატიაზე.
მისი სათაო ოფისი დაფუძნებულია V-Dem ინსტიტუტში, შვედეთში, გოტენბურგის უნივერსიტეტის პოლიტიკური მეცნიერებების დეპარტამენტში.
პროექტს უძღვება 5 მთავარი გამომძიებელი, 19 პროექტის მენეჯერი, 33 რეგიონალური მენეჯერი, 134-ზე მეტი კოორდინატორი და 4000-მდე ექსპერტი მსოფლიოს მასშტაბით.
ორგანიზაცია ერთ-ერთია იმ კვლევით პროექტებს შორის, რასაც მსოფლიოს ბანკის „გლობალური მმართველობის ინდიკატორები“ და ატლანტიკური საბჭოს „თავისუფლების ინდექსი“ ეფუძნება.
ვეტერანების საქმეთა სახელმწიფო სამსახურის დირექტორი, გენერალ-მაიორი კობა კობალაძე, დანიის სამეფოში ოფიციალური ვიზიტის ფარგლებში, ,,ვეტერანთა საერთაშორისო კოალიციის” ვიცე- პრეზიდენტსა და დანიის დაჭრილ მებრძოლთა ერთ-ერთი ყველაზე მასშტაბური არასამთავრობო ორგანიზაციის ”Veteranskytterne”-ს დამფუძნებელს, იაკობ პანტონს შეხვდა.
კობა კობალაძემ, მასპინძელს, ჯანდაცვისა და სოციალური მიმართულებით არსებული პროგრამები გააცნო, ასევე, სოფლის მეურნეობის პროექტები, რომელთაც ვეტერანების საქმეთა სახელმწიფო სამსახური, მისი ბენეფიციარების მხრადასაჭერად ახორციელებს. ამავდროულად, აღნიშნა, რომ მიუხედავად სამსახურის, სახელმწიფო და არასამთავრობო ინსტიტუციების თანადგომისა, საქართველოს ვეტერანთა წინაშე, ჯანდაცვისა და სოციალური მიმართულებით, ჯერ კიდევ არსებობს გარკვეული გამოწვევები, რომელთა გადალახვაშიც, საერთაშორისო პარტნიორების თანადგომა და მათი გამოცდილების გაზიარება მნიშვნელოვანია. მხარეებმა სამომავლო თანამშრომლობისა და ერთობლივი პროგრამების განხორციელების პერსპექტივები განიხილეს.
აღსანიშნავია რომ, იაკობ პანტონი დანიის ერთ-ერთი ყველაზე დამსახურებული ვეტერანია, რომელმაც 2014 წელს დააფუძნა არასამთავრობო ორგანიზაცია ,,დანიის დაჭრილი მებრძოლები”. ორგანიზაციის ძირითადი მიზანი, ვეტერანთა რეაბილიტაციისა და საზოგადოებაში მათი ინტეგრაციის პროცესების გაუმჯობესებაა; ამ მიზნით, იგი, აქტიურად ახორციელებს სხვადასხვა ფსიქო-სოციალურ პროექტებსა და აქტივობებს, როგორც დანიაში, ისე საერთაშორისო მასშტაბით. ერთ-ერთი მათგანია ,,დანიის მებრძოლ ვეტერანთა კვირეული”, სადაც მომავალ წელს, ვეტერანთა საერთაშორისო კოალიციის წევრი ქვეყნების ვეტერანებთან ერთად, მიწვეული იქნებიან საქართველოს ვეტერანებიც.
იაკობ პანტონმა, ქართველ სტუმრებს, დანიის ვეტერანთა წინაშე ფსიქო-სოციალური მიმართულებით არსებული გამოწვევების დაძლევის გზებზე ესაუბრა და საკუთარი ხედვები გაუზიარა; საუბარი, ასევე, შეეხო საკანონმდებლო კუთხით არსებულ პრაქტიკასა და განხორციელებულ ინიციატივებს, რამაც მნიშვნელოვნად გააუმჯობესა დანიის ვეტერანების სოციალურ-ეკონომიკური მდგომარეობა.
კობა კობალაძემ, შეხვედრაზე, ”დაჭრილ მებრძოლთა თანადგომის ფონდის” შესახებ ისაუბრა, რომელიც საქართველოში, კომპანია სილქნეტმა, 2018 წელს დააფუძნა და სხვადასხვა საომარ მოქმედებებსა და საერთაშორისო სამშვიდობო მისიებში დაჭრილ და დაშავებულ ქართველ სამხედრო მოსამსახურეებსა და ომის ვეტერანებს უწევს თანადგომას. დაარსებიდან დღემდე, ფონდმა, ასობით დაჭრილ ვეტერანსა და სამხედრო მოსამსახურეს აღმოუჩინა მხარდაჭერა ჯანმრთელობის, ადაპტაციისა და პროფესიული გადამზადების კუთხით.
მასპინძელმა მხარემ, გამოთქვა მზადყოფნა, ითანამშრომლოს ვეტერანების საქმეთა სახელმწიფო სამსახურთან და განახორციელოს სხვადასხვა ერთობლივი პროექტები.
შეხვედრას, ასევე, ესწრებოდნენ ვ.სანიკიძის სახელობის ომის ვეტერანთა კლინიკური ჰოსპიტლის დირექტორი, ამურ რევიშვილი და ვეტერანების საქმეთა სახელმწიფო სამსახურის სამართლებრივი უზრუნველყოფის დეპარტამენტის უფროსი, ირაკლი ჭანტურიძე.
ვეტერანების საქმეთა სახელმწიფო სამსახურის დირექტორი, გენერალ-მაიორი კობა კობალაძე, ოფიციალური ვიზიტის ფარგლებში, დანიის სამთავრობო და არასამთავრობო სექტორთან შეხვედრებს კვლავ განაგრძობს.
„სანქციები, რომელიც აშშ-მა რუსეთისა და სხვა ქვეყნების წინააღმდეგ დააწესა, ძალაში დარჩებიან – იმის მიუხედავად, თუ ვინ გაიმარჯვებს 5 ნოემბრის საპრეზიდენტო არჩევნებში. დასავლეთის მიზნები არ შეიცვლება: რუსეთისა და ჩინეთის ეკონომიკა უნდა დასუსტდეს, სანქციები კი მათი ეკონომიკის ძირის გამომთხრელ ინსტრუმენტებს წარმოადგენენ“, – ნათქვამია აშშ-ის გაზეთ „უოლ სთრით ჯორნელში (The Wall Street Journal) გამოქვეყნებულ ვრცელ სტატიაში სათაურით „ვინც არ უნდა მივიდეს თეთრ სახლში – დონალდ ტრამპი თუ კამალა ჰარისი, მკაცრი ამერიკული სანქციები მაინც ძალაში დარჩება“ (ავტორი – რიჩარდ ვანდერფორდი, პოლიტიკური მიმომხილველი).
გთავაზობთ პუბლიკაციის შინაარსს:
პრეზიდენტ ჯო ბაიდენის ადმინისტრაცია აქტიურად იყენებდა სანქციებს რუსეთ-უკრაინის ომის დაწყების შემდეგ, 2022 წელს, და უპრეცედენტო ზომები მიიღო უამრავი კომპანიისა და კერძო პირების მიმართ. ამ ინსტრუმენტით აქტიური სარგებლობა, რომელიც საზღვარგარეთ აშშ-ის ინტერესების გატარების იოლ საშუალებას წარმოადგენს, დიდი ალბათობით, აშშ-ის საგარეო პოლიტიკის მუდმივ მიმართულებად დარჩება, ვინც არ უნდა შევიდეს თეთრ სახლში ნოემბრის საპრეზიდენტო არჩევნების შედეგად – რესპუბლიკელი დონალდ ტრამპი თუ დემოკრატი კამალა ჰარისი.
ამერიკა უკვე დიდი ხნის განმავლობაში სარგებლობს თავისი ფინანსური უპირატესობით და დოლარის როგორც სარეზერვო ვალუტის სტატუსით მთელ მსოფლიოზე ზემოქმედების გასახორციელებლად, მაგრამ უკრაინაში დაწყებულმა საომარმა მოქმედებებმა აშშ-ის მხრიდან მსოფლიოს ქვეყნებისადმი ეკონომიკური ზეწოლის საკითხში „ტექტონიკური ძვრა“ გამოიწვია: ვაშინგტონი და მისი მოკავშირეები გაერთიანდნენ ამბიციური გეგმის რეალიზებისათვის – გაანადგურონ რუსეთის ეკონომიკა და რუსული სამხედრო მანქანა.
სანქციების შემოღება აშშ-სათვის ბევრად იოლი არჩევანია – ემბარგოს პირდაპირი ხარჯები არ მოსდევს, ვიდრე საგარეო პოლიტიკის სხვა ინსტრუმენტებს, მაგალითად, სამხედრო დახმარების გაწევას. ვაშინგტონი ეფექტურ უფლებამოსილებას აძლევს ბანკებს და კერძო სექტორის სხვა მონაწილე სუბიექტებს თეთრის სახლის პოლიტიკის გატარებაში. ეს ზომები ორივე პარტიაში მხარადაჭერით სარგებლობს და, ალბათ, ასე გაგრძელდება. ამასთან, მიუხედავად იმისა, რომ მათ ეფექტურობაზე დღემდე დავა მიდის, აშშ-ის არცერთი პრეზიდენტი არ შეწყვეტს სანქციების გამოყენების ტრადიციას.
ამერიკული ანალიტიკური დაწესებულების – „უსაფრთხოების ცენტრის“ მონაცემებით, 2023 წელს ჯო ბაიდენის ადმინისტრაციამ სანქციების სიაში 1621 ორგანიზაცია და 879 ფიზიკური პირი შეიყვანა, ანუ 2500 ობიექტი მთლიანობაში, 2022 წლის 2275 ობიექტთან შედარებით, რაც მნიშვნელოვნად აღემატება ისტორიულ მაჩვენებლებს – 2017 წლიდან 2021 წლამდე ამერიკა სანქციების სიაში საშუალოდ მხოლოდ 815 ობიექტს ამატებდა.
სანქციების გამოყენების გაფართოება – ეს მხოლოდ ჯო ბაიდენის ფერნომენს არ წარმოადგენს, მაგრამ აშკარაა, რომ ბაიდენის პრეზიდენტობის დროს მათმა სარგებლობის სიხშირემ პიკს მიაღწია. ბარაკ ობამას ადმინისტრაციის დროს, დონალდ ტრამპის მმართველობის ჩათვლით, სანქციებით სარგებლობის ამპლიტუდა საკმაოდ მდგრადი თანმიმდევრობით გამოირჩეოდა.
კამალა ჰარისის წინასაარჩევნო შტაბმა უარი განაცხადა, რომ „უოლ სთრით ჯორნელის“ რეპორტიორისათვის საგარეო პოლიტიკისა და კერძოდ, სანქციების შესახებ პრეზიდენტობის კანდიდატის პოზიციები ეცნობებინა. თუმცა იმ ფაქტის მიხედვით, რომ შტაბში ამას წინათ აშშ-ის ფედერალური ხაზინის ყოფილი თანამშრომელი ბრაიან ნელსონიც ჩართეს (იგი ბოლო დრომდე სანქციების საკითხებს კურირებდა), ექსპერტები ამბობენ, რომ კამალა ჰარისის მიდგომა მინიმუმ სარკისებრი (ანუ არეკლილი სახით) იქნება, მაქსიმუმ კი კიდევ უფრო მკაცრი და ხისტი, ვიდრე ჯო ბაიდენს ჰქონდა.
სხვათა შორის, არც დონალდ ტრამპის საარჩევნო შტაბს არ გამოუხატავს სანქციების პერსპექტივაზე საუბრის სურვილი. ყოფილი პრეზიდენტის დამოკიდებულების გაგება ამ საკითხზე, მისი ოთხწლიანი პრეზიდენტობის მიუხედავად, დღეს საკმაოდ ძნელია: „ტრამპის პოზიციის გამოცნობა რთულია“, – ამბობს ულიამ რეინში, ბილ კლინტონის ადმინისტრაციის ყოფილი თანამშრომელი, რომელიც ამჟამად სტრატეგიული და საერთაშორისო კვლევების ცენტრში (CSIS) მუშაობს, ვაშინგტონში, – „მე ასე ვიტყოდი: მისი მიდგომები მუდმივი და უცვლელი არ არის. იგი ერთი მიდგომიდან მეორეზე გადასვლას არის დაჩვეული“.
პასუხობდა რა კითხვას – შეუძლია თუ არა მას განიხილოს ანტირუსული სანქციების შერბილების საკითხი როგორც გზად სამშვიდობო მოლაპარაკებისათვის – დონალდ ტრამპმა ამას წინათ Bloomberg Businessweek-თვის მიცეულ ინტერვიუში აღნიშნა, რომ მას არ „უყვარს“ ეს ინსტრუმენტი, თუმცა სანქციების მოქმედებას სასარგებლოდ მიიჩნევს ირანის წინააღმდეგ.
„სანქციებით სარგებლობისადმი მხარდაჭერა ორივე პარტიაში ძლიერია“, – თვლის ჯეფრი ზონენფელდი, იელის უნივერსიტეტის პროფესორი, რომელიც 2022 წელს კონგრესში მოხსენებით გამოვიდა რუსეთში კაპიტალის დაბანდების წინააღმდეგ, – „უმეტეს შემთხვევაში დონალდ ტრამპის ადმინისტრაციაც მხარს უჭერდა სანქციებს იგივენაირად, როგორც ახლა მას ჯო ბაიდენი აკეთებს“.
როგორც ცნობილია, რესპუბლიკელი დონალდ ტრამპი მუდმივად წინა პლანზე აყენებს თავის ვითომდა განსაკუთრებულ ურთიერთობებს ვლადიმერ პუტინთან. მისი ხედვები კრემლის მიმართ მნიშვნელოვნად განსხვავდებიან არამარტო დემოკრატიული პარტიის უმეტესი ლიდერების ხედვებისაგან, არამედ მას ამ მხრივ ოპონენტები ჰყავს საკუთარ პარტიაშიც. შესაბამისად, შეიძლება დონალდ ტრამპი უფრო მეტად იყოს დაინტერესებული სანქციების შესუსტებით, ვიდრე კამალა ჰარისი – თუ საკითხი უკრაინის ომის დასრულებას შეეხება. ასეთი აზრი გამოთქვა ემილი კილკრიზმა, აშშ-ის სავაჭრო წარმომადგენლის აპარატის ყოფილმა უფროსმა თანამშრომელმა, რომელიც ამჟამად გეოეკონომიკური კვლევებით არის დაკავებული.
აღსანიშნავია, რომ სწორედ დონალდ ტრამპმა დაიწყო თავისი პრეზიდენტობის დროს სანქციებით და ანალოგიური ინსტრუმენტებით სარგებლობა ჩინეთის მიმართ. მომდევნო პრეზიდენტი, სავარაუდოდ, სპეკულაციებზეც უკან არ დაიხევს, რომ როგორმე ჩინეთის ამბიციები დააცხროს ტაივანთან დაკავშირებით. ეს ყველაზე მეტად ეხება უშუალოდ დონალდ ტრამპს, რომელიც ჩინეთის მიმართ რბილი პოლიტიკით არ გამოირჩევა. ასევე კამალა ჰარისსაც, რომელიც წარმოშობით ინდოელია (დედის მხრივ) და ინდოეთის მიმართ უფრო მეტი სიმპათია აქვს, ვიდრე ჩინეთთან (პეკინი და ნიუ-დელი ერთმანეთის კონკურენტები არიან სამხრეთ-აღმოსავლეთ აზიაში. გარდა ამის, მათ სასაზღვრო-ტერიტორიული პრობლემებიც აქვთ ერთმანეთთან).
„და მაინც, აშშ არ წავა ისეთი რადიკალური ზომების მიღებაზე, როგორებიცაა, ვთქვათ, ჩინეთის ცენტრალური ბანკის (ან სხვა ბანკების) წინააღმდეგ სანქციების გამოცხადება, თუ რაიმე აქტიური სამხედრო კონფლიქტი არ დაიწყება“, – ასკვნის ემილი კილკრიზი The Wall Street Journal-ის რეპორტიორთან საუბარში.
თურქული ტელერადიოკომპანია TRT (Turkish Radio and Television Corporation) თავის ვებ-გვერდზე, რუბრიკით „აქტუალური თემის ანალიზი“, აქვეყნებს სტატიას სათაურით „კურსკის ბრძოლა“, რომელშიც გადმოცემულია თურქული ხედვა უკრაინის ჯარების კურსკის ოლქის შეჭრის მიმართ.
გთავაზობთ პუბლიკაციას, რომელშიც გამოყენებულია პოლიტიკური, ეკონომიკური და საზოგადოებრივი კვლევის ცენტრის SETA-ს საგარეო პოლიტიკის მკვლევარის ჯან აჯუნის თვალსაზრისი:
რუსეთის კურსკის რეგიონში უკრაინის არმიის მოულოდნელი შეჭრა გრძელდება და როგორც ჩანს, რუსეთის არმიას უჭირს რეაგირება. შეჭრა, რომელიც 6 აგვისტოს დაიწყო, 1200 კვადრატულ კილომეტრზე გავრცელდა და 250 ათასზე მეტი რუსეთის მოქალაქე იძულებული გახდა სახლები დაეტოვებინა. ამ მოულოდნელმა ნაბიჯმა კიდევ ერთხელ აჩვენა, რამდენად მყიფეა რუსული არმია, რუსები კი ცდილობენ დონეცკის რეგიონში წინსვლას.
(…)
რუსეთ-უკრაინის ომი, როგორც ჩანს, ახალ ეტაპზე გადავიდა უკრაინის არმიის კონტრ-შეტევით კურსკის რეგიონში. ექვს აგვისტოს დაწყებული მოულოდნელი შეტევით უკრაინის არმიამ ომის დაწყების შემდეგ პირველად დაიწყო რუსეთის ტერიტორიის დაკავება. უკრაინის გენერალური შტაბის უფროსის, გენერალ ალექსანდრე სირსკის თქმით, მისმა ძალებმა დაიკავეს ათასი კვადრატული კილომეტრის ფართობი. საველე წყაროების ცნობით, აღებული ტერიტორია 1200 კვადრატულ კილომეტრს აღწევს. არსებობს ვიზუალური დადასტურება, რომ უკრაინის არმიამ უკვე 84 დასახლება აიღო. ასევე საველე ინფორმაციით, 250 ათას რუსეთის მოქალაქეს მოუწია რეგიონიდან გაქცევა. რუსულმა მწვანე ავტობუსებმა მოსახლეობა სხვა ადგილებში გადაიყვანეს. თუ გახსოვთ, იმ პერიოდში, თავდასხმების გამო, რომლებშიც რუსებიც იყვნენ ჩართული, ალეპოში ხოცვა-ჟლეტა ხდებოდა, ამ მწვანე ავტობუსებით ალეპოელები რეგიონიდან გაჰყავდათ. მსგავსი რამ ახლა რუსებს ემართებათ. ვფიქრობ, ეს ისტორიის ირონიად უნდა ჩაითვალოს.
კურსკის ოპერაციის სტრატეგიული მნიშვნელობა
კურსკის ოლქი არის რუსეთის მნიშვნელოვანი რეგიონი უკრაინის საზღვართან. ის განსაკუთრებით მნიშვნელოვანია დონეცკის რეგიონის მიმართ რუსული სამხედრო ოკუპაციის თვალსაზრისით, აქ გადის ლოგისტიკური სარკინიგზო ხაზები, ამ რეგიონში არის ბუნებრივი აირის სატუმბი სადგური და დიდი ატომური ელექტროსადგური. რა თქმა უნდა, ამ ყველაფრის მიღმა უკრაინის არმიას სერიოზულად სჭირდებოდა ასეთი წარმატების ისტორია, რადგანაც მომდევნო თვეებში რუსებმა დაიწყეს უპირატესობის მოპოვება ფრონტის ხაზზე განსაკუთრებით ჯარისკაცების არასაკმარისი რაოდენობის გამო, ასევე მსოფლიოს დღის წესრიგი ახლო აღმოსავლეთზე იყო ორიენტირებული ღაზაში ისრაელის მხრიდან ხოცვა-ჟლეტისა და ირან-ისრაელის შესაძლო კონფლიქტის კონტექსტში, რითაც უკრაინა საკმაოდ შეშფოთებული იყო. გარდა ამისა, აშშ-ში მოახლოებული საპრეზიდენტო არჩევნები და ტრამპ-ვენსის წყვილის პოზიცია, რომ უკრაინის მხარდაჭერა აღარ შეუძლიათ, სერიოზულ შეშფოთებას იწვევდა და მორალურ მოტივაციას ამცირებდა. ამიტომ, რუსეთის სიმყიფის და სისუსტეების გამოსავლენად ფრონტის უკან ასეთი მოულოდნელი შეტევის განხორციელება და მოკლე დროში დიდ ტერიტორიაზე კონტროლის დამყარება უკრაინის არმიის სარისკო, მაგრამ დიდი და წარმატებული ნაბიჯი იყო.
მიუხედავად იმისა, რომ ოკუპაციის შემდეგ კვირეები გავიდა, რუსებმა ვერ შეძლეს უკრაინელების განდევნა, პირიქით, როგორც ჩანს, უკრაინის არმია წინ მიიწევს რეგიონში და იწყებს მიღწევების გაზრდას. ისევ ის ფაქტი, რომ ბევრი რუსი ჯარისკაცი ტყვედ ჩავარდა, აჩვენებს, რომ რუსეთის არმიას ისევ აქვს სერიოზული პრობლემები და რომ მისი სარდლობის, დაგეგმვისა და ლოგისტიკის შესაძლებლობები ჯერ კიდევ სუსტია. კურსკის ნაბიჯის პირველ საათებში ასზე მეტი რუსი ჯარისკაცი ტყვედ ჩავარდა. ამ ვითარებამ ასევე აჩვენა, რომ რუსეთს არ გააჩნდა საკმარისი სამხედრო ძალა ფრონტის უკან.
ამიტომ, კურსკის ოპერაციით, უკრაინის არმიამ ფსიქოლოგიური უპირატესობა დაიბრუნა. ახლა პუტინმა უნდა უპასუხოს სწრაფად და მიიღოს მკაცრი გადაწყვეტილებები ჯარში სტრუქტურული პრობლემების გადასაჭრელად. მეტიც, თუ კურსკში ოკუპაცია თუ გაღრმავდება, პუტინს მოუწევს ომის და სრული მობილიზაციის გადაწყვეტილების მიღება და თამაშის წესების შეცვლა. როგორც ჩანს, რუსული არმია ამჟამად ყურადღებას ამახვილებს დონეცკის რეგიონში წინსვლაზე და ნაწილობრივ წარმატებებს აღწევს. თუ დონეცკი მთლიანად დაეცემა, რუსებს შეეძლებათ ხელახლა გაძლიერდნენ კურსკის ოპერაციის წინააღმდეგ სვლით. საბოლოო ჯამში, კურსკის ნაბიჯი ორივე მხარისთვის სარისკო და მოულოდნელი შეტევა იყო.
ძვირფასო მეგობარო, გმადლობთ თქვენი კეთილი სიტყვებისა და მხარდაჭერისთვის. მეგობარი ქართველი ხალხი, ისევე როგორც უკრაინელები, აღიარებს, რომ თავისუფლებისა და დამოუკიდებლობისთვის ღირს ბრძოლა, – ასე ეხმაურება უკრაინის პრეზიდენტი, ვოლოდიმირ ზელენსკი ქართველი კოლეგის, სალომე ზურაბიშვილის მიმართვას, რომელიც მან უკრაინის დამოუკიდებლობის დღესთან დაკავშირებით გაავრცელა.
„ჩვენი ხალხების კავშირები ყოველთვის ემსახურება ჩვენი ერების თავისუფლებას, დამოუკიდებლობას და აყვავებას“, – წერს ზელენსკი სოციალურ პლატფორმა X-ზე, სალომე ზურაბიშვილის მილოცვის საპასუხოდ.
შეგახსენებთ, საქართველოს პრეზიდენტმა უკრაინის დამოუკიდებლობის დღისადმი მიძღვნილ მიმართვაში განაცხადა, რომ უკრაინას უსურვებს ქვეყნის ოკუპაციისგან გათავისუფლებას და მშვიდობის აღდგენას. „მინდა გისურვოთ თქვენი მიზნისაკენ წინსვლა, რაც ასევე ჩვენი საერთო მიზანია – თქვენი ქვეყნის ოკუპაციისგან გათავისუფლება, მშვიდობის აღდგენა, თქვენი ქვეყნის სრული სუვერენიტეტი და ტერიტორიული მთლიანობა. ესაა ჩემი სურვილი თქვენი ქვეყნისათვის, ესაა ჩემი სურვილი ჩემი ქვეყნისათვის და ესაა ჩემი სურვილი ორივე ქვეყნის ევროპული მომავლისათვის!“ – აღნიშნავს საქართველოს პრეზიდენტი მიმართვაში.
პრემიერ-მინისტრ ირაკლი კობახიძის განცხადებით, მთავრობის განკარგულება პარიზის ოლიმპიურ თამაშებში გამარჯვებულების, მედალოსნების, მწვრთნელების, საექიმო პერსონალისა და ადმინისტრაციული ჯგუფის წევრებისთვის დაპირებული პრემიების მიღების შესახებ დღეს დამტკიცდება.
ამის შესახებ ირაკლი კობახიძემ მთავრობის სხდომაზე განაცხადა.
ამასთან, როგორც კობახიძემ აღნიშნა, მათი გადაწყვეტილებით, წმინდა გიორგის სახელობის ორდენზე ოლიმპიური გუნდის წევრები: ლაშა შავდათუაშვილი და ნინო სალუქვაძეც არიან წარდგენილები.
„ჩვენს სახელოვან სპორტსმენებს, ჩვენს ოლიმპიელებს კიდევ ერთხელ მინდა მივულოცო ძალიან დიდი წარმატება, რომელსაც ოლიმპიურ თამაშებზე მივაღწიეთ. ჩვენ გვქონდა იმის იმედი, რომ ისტორიულად საუკეთესო შედეგი დაფიქსირდებოდა ამ ოლიმპიადაზე და ეს ასეც მოხდა. 3 ოქრო, 3 ვერცხლის მედალი და 1 ბრინჯაოს მედალი, ეს არის საუკეთესო შედეგი საქართველოს ისტორიაში, ჩვენი დამოუკიდებლობის აღდგენის შემდეგ და ყველას მინდა წარმატება მივულოცო. ასევე, 204 ქვეყანას შორის საქართველო 24-ე ადგილზე გავიდა, რაც არის ისტორიულად საუკეთესო შედეგი. ყველას მინდა მოგილოცოთ ეს ძალიან დიდი წარმატება და რა თქმა უნდა, პირველ რიგში, ვულოცავ ოლიმპიელებს, მწვრთნელებს, საექიმო პერსონალსა და მთლიანად იმ გუნდს, რომელიც საქართველოს პარიზის ოლიმპიურ თამაშებზე წარმოადგენდა.
დღეს დამტკიცდება მთავრობის განკარგულება, რომლის საფუძველზეც დაპირებულ პრემიებს მიიღებენ ჩვენი ოლიმპიელები, ასევ გაზრდილ პრემიებს მიიღებენ ოლიმპიელების მწვრთნელები, ექიმები და ადმინისტრაციული ჯგუფის წევრები. ასევე, ჩვენ ოლიმპიური ჩემპიონები და პრიზიორები წარვადგინეთ უმაღლეს ჯილდოებზე. ჩემპიონები წარვადგინეთ წმინდა გიორგის სახელობის გამარჯვების ორდენზე. რაც შეეხება პრიზიორებს, ისინი წარვადგინეთ ღირსების ორდენზე. დამატებით ასევე პარლამენტის თავმჯდომარესთან ერთად მივიღეთ გადაწყვეტილება, ოლიმპიური გუნდის წევრები წარგვედგინა ასევე უმაღლეს ჯილდოებზე. ესენი არიან: ნინო სალუქვაძე და ლაშა შავდათუაშვილი, რომლებიც წარვადგინეთ წმინდა გიორგის სახელობის გამარჯვების ორდენზე. ესენი არიან ოლიმპიური გუნდის წევრები, რომელთაც აქვთ გამორჩეული მიღწევები, ისინი ორივე არიან სამივე სინჯის ოლიმპიური მედლის მფლობელები. ასევე, ისინი არიან მსოფლიო და ოლიმპიური ჩემპიონები და ამ განსაკუთრებული დამსახურებისთვის წარდგენილნი არიან წმინდა გიორგის სახელობის გამარჯვების ორდენზე. ასევე, გურამ თუშიშვილი და ლაშა მარგველაშვილი, ისინი არიან ტოკიოს ოლიმპიური თამაშების ვიცე-ჩემპიონები და ისინიც წარვადგინეთ ღირსების ორდენზე. ასევე ღირსების ორდენზე არიან წარდგენილი ოლიმპიური ჩემპიონებისა და პრიზიორების მწვრთნელები: ლაშა გუჯეჯიანი, გურამ მოდებაძე, ლომერ ჟორჟოლიანი, ამბაკო ავალიანი, გიორგი იანტბელიძე, დავით ხურცია, გიორგი ასანიძე, ავთანდილ გახოკიძე, ბეჟან ჭიჭინავა, ილია ტლაშაძე, ალექსი ღვინიაშვილი, კახა წიკლაური, არჩილ ბარამიძე, ლევან ქობულაშვილი, მირზა ხაბარელი და გია ობოლაძე. თითოეულ მათგანს მინდა მადლობა გადავუხადო. ჩვენ ვიცით, რამდენად მნიშვნელოვანია მწვრთნელის როლი სპორტსმენის წარმატებაში. რა თქმა უნდა, თითოეულმა მათგანმა დაიმსახურა უმაღლესი სახელმწიფო ჯილდო.
ასევე, როგორც მოგეხსენებათ, 17 წლამდელთა მსოფლიო ჩემპიონატი გაიმართა თავისუფალ ჭიდაობაში, სადაც ოლიმპიური ჩემპიონის ძმამ, კოტე პეტრიაშვილმა მოიგო ოქროს მედალი, გახდა 17 წლამდელთა შორის მსოფლიო ჩემპიონი. მინდა მივულოცო ძალიან დიდი წარმატება და ასევე, ნიკოლოზ მაისურაძეს მინდა მივულოცო მსოფლიოს ვიცე-ჩემპიონობა. ქართული სპორტი არის წარმატების გზაზე და, რა თქმა უნდა, ყველაფერი გაკეთდება მთავრობის მხრიდან იმისთვის, რომ ამ ტენდენციას ხელი შევუწყოთ. დარწმუნებული ვარ, რომ მომდევნო წლებში კიდევ უფრო მეტი წარმატება ექნება ქართულ სპორტს, რასაც ჩვენ ძალისხმევას არ დავაკლებთ“, – განაცხადა ირაკლი კობახიძემ.
ჩვენ გვქონდა იმის იმედი, რომ ისტორიულად საუკეთესო შედეგი დაფიქსირდებოდა ამ ოლიმპიადაზე და ეს ასეც მოხდა – 3 ოქრო, 3 ვერცხლის მედალი, 1 ბრინჯაოს მედალი. ეს არის საუკეთესო შედეგი საქართველოს ისტორიაში ჩვენი დამოუკიდებლობის აღდგენის შემდეგ და ყველას მინდა ეს დიდი წარმატება მოგილოცოთ, – განაცხადა საქართველოს პრემიერ-მინისტრმა ირაკლი კობახიძემ მთავრობის სხდომაზე.
როგორც პრემიერმა აღნიშნა, 204 ქვეყანას შორის საქართველო გავიდა 24-ე ადგილზე და ეს არის ისტორიულად საუკეთესო შედეგი.
„ჩვენ არ შევკრებილვართ ოლიმპიური თამაშების დასრულების შემდეგ, კიდევ ერთხელ მინდა ვისარგებლო შემთხვევით და მივულოცო ჩვენს სახელოვან სპორტსმენებს, ჩვენს ოლიმპიელებს ძალიან დიდი წარმატება, რომელსაც მივაღწიეთ ამ ოლიმპიურ თამაშებზე.
ჩვენ გვქონდა იმის იმედი, რომ ისტორიულად საუკეთესო შედეგი დაფიქსირდებოდა ამ ოლიმპიადაზე და ეს ასეც მოხდა – 3 ოქრო, 3 ვერცხლის მედალი, 1 ბრინჯაოს მედალი. ეს არის საუკეთესო შედეგი საქართველოს ისტორიაში ჩვენი დამოუკიდებლობის აღდგენის შემდეგ და ყველას მინდა ეს დიდი წარმატება მოგილოცოთ. ასევე, დაფიქსირდა 24-ე ადგილი, რაც არის ისტორიულად საუკეთესო შედეგი.
204 ქვეყანას შორის საქართველო გავიდა 24-ე ადგილზე და ყველას მინდა მოგილოცოთ ეს ძალიან დიდი წარმატება. რა თქმა უნდა, პირველ რიგში, ვულოცავ თავად ოლიმპიელებს, მათ მწვრთნელებს, საექიმო პერსონალს და მთლიანად იმ გუნდს, რომელიც წარმოადგენდა საქართველოს პარიზის ოლიმპიურ თამაშებზე“, – განაცხადა ირაკლი კობახიძემ.
კახეთის გზატკეცილზე, შინაგან საქმეთა სამინისტროს შენობის მიმდებარედ, სადაც მერია ახორციელებს პარკის რეაბილიტაციის პროექტს, გადავწყვიტეთ, რომ აღიმართება ერეკლე მეორეს ძეგლი, მერაბ მერაბიშვილის ესკიზის მიხედვით, – განაცხადა პრემიერ-მინისტრმა ირაკლი კობახიძემ მთავრობის დღევანდელ სხდომაზე.
მისივე თქმით, მეფე ერეკლე მეორის თავგანწირვამ და სიბრძნემ შეუნარჩუნა საქართველოს ქრისტიანული იდენტობა, რაც არის ქვეყნის ევროპული იდენტობის განუყოფელი ნაწილი და ხელისუფლების ვალია, სათანადო პატივი მიაგოს საქართველოს ისტორიას და ყველა გმირს.
„ჩვენი ვალია, სათანადო პატივი მივაგოთ საქართველოს ისტორიას და ყველა იმ გმირს, რომელსაც განსაკუთრებული წვლილი მიუძღვის ჩვენი ქვეყნის წინაშე, რომელმაც განსაკუთრებული როლი შეასრულა საქართველოს ეროვნული და რელიგიური იდენტობის შენარჩუნების თვალსაზრისით და თქვენ იცით, რომ ჩვენი გმირი მეფე ერეკლე მეორე არის ამ თვალსაზრისით გამორჩეული. მისმა თავგანწირვამ და სიბრძნემ შეუნარჩუნა საქართველოს ქრისტიანული იდენტობა, რაც არის ჩვენი ევროპული იდენტობის განუყოფელი ნაწილი და ჩვენი ეროვნული გმირის, ერეკლე მეორისთვის პატივის მისაგებად, კახეთის გზატკეცილზე, შინაგან საქმეთა სამინისტროს შენობის მიმდებარედ, სადაც მერია ახორციელებს პარკის რეაბილიტაციის პროექტს, გადავწყვიტეთ, რომ აღიმართება ერეკლე მეორეს ძეგლი, მერაბ მერაბიშვილის ესკიზის მიხედვით“, – განაცხადა პრემიერმა.
1000-ზე მეტ სამხედრო მოსამსახურეს ახლად აშენებულ კორპუსებში ბინები გადაეცემა, – განაცხადა საქართველოს პრემიერ-მინისტრმა ირაკლი კობახიძემ მთავრობის სხდომაზე.
პრემიერის თქმით, ამისათვის ბიუჯეტში შესაბამისი თანხები მომავალი წლიდანაც იქნება გათვალისწინებული.
„ქართულ ჯარზე ზრუნვა არის საქართველოს მთავრობის განსაკუთრებული პრიორიტეტი და ამ კუთხით განსაკუთრებული მნიშვნელობა ენიჭება ჩვენი სამხედრო მოსამსახურეების დაფასებას. ამ კუთხით არის ძალიან მნიშვნელოვანი პროგრამა, 1000-ზე მეტ სამხედრო მოსამსახურეს გადაეცემა ბინები ახლად აშენებულ კორპუსებში. მადლობა თავდაცვის სამინისტროს, თავდაცვის მინისტრს, იმისათვის, რომ ეს პროგრამა წარმატებით მივიდა ბოლომდე. პროგრამა უნდა გაგრძელდეს და მე მინდა ვთხოვო თავდაცვის მინისტრს, მოამზადოს შემდეგი ეტაპის გეგმა, რომელიც საშუალებას მოგვცემს, რომ კიდევ უფრო მეტ სამხედრო მოსამსახურეს გადავცეთ ბინები ახლად აშენებულ კორპუსებში. ბიუჯეტში შესაბამისი თანხები იქნება გათვალისწინებული მომავალი წლიდანაც“, – განაცხადა პრემიერმა.
მის: ქ.თბილისი, მ.კოსტავას 59
ტელ: +995 32 93 44 05
ელ.ფოსტა: editor@geotimes.ge
© Geotimes.ge | By view.ge
