ვ. სანიკიძის სახელობის ომის ვეტერანთა კლინიკური ჰოსპიტლის დირექტორმა, ამურ რევიშვილმა, ვეტერანების საქმეთა სახელმწიფო სამსახურის დირექტორის მოადგილემ, ჯანდრი უბირიამ, სოციალურ საკითხთა და სააღრიცხვო-ანალიტიკური დეპარტამენტის უფროსმა, ვალერიან ძებისაშვილმა, საქართველოში ჩინეთის სახალხო რესპუბლიკის სამხედრო ატაშეს, ტუ ციაოს, მის მოადგილეს, ჭი ჭენგმინს და საელჩოს წარმომადგენლებს – ლიუ ძუნს და ჩენ ძიანანს ვეტერანთა ჰოსპიტალში უმასპინძლეს.

სტუმრები გაეცნენ ჰოსპიტლის ინფრასტრუქტურას, დაათვალიერეს საპროცედურო და სადიაგნოსტიკო ოთახები, ასევე, თურქეთის თანამშრომლობისა და კოორდინაციის სააგენტოს (TIKA) ვეტერანთა კლინიკური ჰოსპიტლისთვის საჩუქრად გადაცემული, თანამედროვე სტანდარტების შესაბამისი, მობილური კლინიკა.

ჰოსპიტლის დირექტორმა, ამურ რევიშვილმა, სტუმრებს დეტალურად გააცნო კლინიკის მუშაობის სპეციფიკა და ის სამედიცინო სერვისები, რომლებსაც ჰოსპიტალი ვეტერანებს ჯანმრთელობის მდგომარეობის გასაუმჯობესებლად უსასყიდლოდ სთავაზობს.

მხარეებმა შეხვედრისას განიხილეს სამომავლო თანამშრომლობის პერსპექტივები. სტუმრები დაინტერესდნენ, რა ტიპის სამედიცინო აპარატურისა და აღჭურვილობის დამატება არის ამ ეტაპზე პრიორიტეტული ჰოსპიტლისთვის და შესაძლებლობების ფარგლებში მხარდაჭერის მზადყოფნა გამოხატეს.

ვ. სანიკიძის სახელობის ომის ვეტერანთა კლინიკურმა ჰოსპიტალმა ახალ მისამართზე ფუნქციონირება 2020 წელს დაიწყო, თავდაცვის სამინისტროს მხრიდან კედიას ქუჩაზე მდებარე ფართის გადაცემის შემდეგ. თანამედროვე სტანდარტებით და უახლესი აპარატურით აღჭურვილი ჰოსპიტალი მოიცავს როგორც ამბულატორიულ, ასევე, სამკურნალო-დიაგნოსტიკურ ცენტრს და ვეტერანებს ყოველდღიურად უსასყიდლოდ ემსახურება. სტაციონარში ყოველდღიურად 80-დან 110 ბენეფიციარამდე იღებს მაღალი ხარისხის სამედიცინო მომსახურებას.

ქართველ მომხმარებელს უკვე შეუძლია შეიძინოს არომათერაპიის სფეროს ლიდერი ბრენდი ფიურესენშელი (Puressentiel) PSP-ს აფთიაქებში.

სახელწოდება “Puressentiel”   ასახავს ბრენდის ბუნებრივ, სუფთა და აუცილებელ ინგრედიენტებზე დაფუძნებულ ფილოსოფიას – ეთერზეთების გამოყენებას ჯანმრთელობისა და ყოველდღიური კომფორტისთვის.

პროდუქციის მრავალფეროვანი ასორტიმენტი გამოირჩევა სწრაფი მოქმედებით,  სასიამოვნო სურნელით და ტექსტურით, უსაფრთხოების მაღალი სტანდატებით ბავშვებისთვის, ორსულებისთვის, მგრძნობიარე კანისთვის. ყველა პროდუქტი იწარმოება საფრანგეთში, კერძოდ, დრომის რეგიონში, მსოფლიოს სხვადასხვა წერტილში მოპოვებული მცენარეების გამოყენებით.

კომპანიის სპეციალიზაციაა 100%-ით სუფთა, ბუნებრივი, მაღალი ხარისხის ეთერზეთებსა და მცენარეული ექსტრაქტებზე დამზადებული გამაჯანსაღებელი პროდუქტების წარმოება. პროდუქცია არ შეიცავს სინთეზურ კონსერვანტებს, საღებავებს, არომატიზატორებს ან ქიმიურ ინგრედიენტებს.

ბრენდის უნიკალურობას ქმნის პროდუქციის გამოშვების ინოვაციური ფორმები და გამოყენების სიმარტივე: როლერი, ინჰალატორი, გელი, სპრეი, საწუწნი ტაბლეტები და ა.შ.  კომპანიის მისიაა „გახადოს ბუნება ყველასთვის ხელმისაწვდომი“.

ზაფხულის პერიოდის გათვალისწინებით განსაკუთრებულ აქტუალობას იძენს ბუნებრივ ეთერზეთებზე შექმნილი მწერების ნაკბენის საწინააღმდეგო საშუალებები, რომელიც არა მხოლოდ იცავს მწერების ნაკბენისგან, არამედ ხელს უწყობს  უკვე არსებული გაღიზიანების, ქავილისა და შეშუპების სწრაფ შეჩერებას. უსაფრთხო ფორმულა, რომელიც არ შეიცავს პარაფინებს, სინთეზურ საღებავებსა და არომატიზატორებს, თამამად გამოყენების საშუალებას იძლევა ბავშვებსა და მგრძნობიარე კანის მქონე ადამიანებისთვისაც. დამატებით, ბუნებრივი ინგრედიენტები უზრუნველყოფენ სასიამოვნო სურნელს.

განსაკუთრებით სიცხისა და ხანგრძლივი ფიზიკური აქტივობის ფონზე, ხშირად ვაწყდებით ფეხების სიმძიმის, შეშუპებისა და სისხლის მიმოქცევის შეფერხების პრობლემებს. მაღალი ტემპერატურა აუარესებს ვენურ ცირკულაციას, განსაკუთრებით მათთვის, ვინც დიდხანს დგას ან ზის.

ცირკულაციის სპრეი ამ შემთხვევაში იდეალურ გადაწყვეტას გთავაზობთ გამაგრილებელი ეფექტით, რაც სწრაფად ამცირებს   დაღლილობის და სიმძიმის შეგრძნებას ფეხებში.

განსაკუთრებით ეფექტურია ცხელ დღეებში და იდეალურია მოგზაურობისას, ხანგრძლივი დგომის ან ჯდომის შემდეგ.

ამასთან პროდუქციის ასორტიმენტი მოიცავს როგორც რესპირატორულ, კუნთებისა და სახსრების, სტრესისა და თავის ტკივილის საწინააღმდეგო პროდუქტებს, ასევე სისხლის მიმოქცევის გასაუმჯობესებელ და გამწმენდ-სადეზინფექციო  მრავალეფროვან პროდუქციას.

„სახელწოდება ორი ფრანგული სიტყვის კომბინაციაა – “Pur” – სუფთა, რაც ასახავს  კომპანიის ერთგულებას მაღალი ხარისხის ბუნებრივი ინგრედიენტების მიმართ და “Essentiel” – აუცილებელი, ეთერზეთები, რაც კომპანიის პროდუქციის საფუძველია.

კომპანიას დაფუძნებულია სამ ძირითად ღირებულებაზე „NATURAL, COMMITMENT, PERFORMANCE“  – „ბუნებრივი წარმოშობის, პასუხისმგებლობით შექმნილი და ეფექტური შედეგისთვის ორიენტირებული პროდუქცია.“  კომპანია დაარსდა 2005 წელს იზაბელ და მარკო პაკიონების მიერ პარიზში. ფურესენშელის დაარსებით მათ შექმნეს პირველი არომათერაპიის ლაბორატორია, ადამიანისა და ბუნების სრული პატივისცემით. კომპანია ქმნის პროდუქტებს, რომლებიც აერთიანებს ბუნებრივი ეთერზეთების და მეცნიერების შესაძლებლობებს ჯანმრთელობის და ყოველდღიური კეთილდღეობის მხარდასაჭერად.

პროდუქციის ორგანულობა, ეფექტურობა, უსაფრთხოება და მაღალი ხარისხი დადასტურებულია  კლინიკური კვლევებით და   ბრენდს  აქვს არაერთი საერთაშორისო სერთიფიკატით.

ქართველ მომხმარებელს უკვე შეუძლია გაეცნოს ეთერზეთების ბუნებრივ გამაჯანსაღებელ ძალას მსოფლიოს წამყვანი და ევროპის N1 არომათერაპიის ბრენდისგან“- აცხადებენ PSP-ში.

(R)

საქართველოს კულტურის სამინისტროს ინფორმაციით, ლევილის მამულის ტერიტორიაზე ქართული ვენახი გაშენდება.

ლევილის ქართველთა მამულის ტერიტორიაზე ქართული ვენახის გაშენებას და ღვინის კულტურის პოპულარიზაციისთვის საჭირო ღონისძიებების განხორციელება/ხელშეწყობას ისახავს მიზნად ურთიერთთანამშრომლობის მემორანდუმი, რომელიც გაფორმდა საქართველოს ეროვნულ მუზეუმს, გარემოს დაცვისა და სოფლის მეურნეობის სამინისტროს სსიპ სოფლის მეურნეობის სამეცნიერო-კვლევით ცენტრსა და შპს „შატო ზეგაანს“ შორის.

უწყების ცნობით, დოკუმენტს ხელი მოაწერეს საქართველოს ეროვნული მუზეუმის გენერალურმა დირექტორმა დავით ლორთქიფანიძემ, გარემოს დაცვისა და სოფლის მეურნეობის სამინისტროს სსიპ სოფლის მეურნეობის სამეცნიერო-კვლევითი ცენტრის დირექტორმა ლევან უჯმაჯურიძემ და შპს “შატო ზეგაანის“ დირექტორმა ლიანა ზუბაშვილმა.

ამასთან, მემორანდუმის ხელმოწერას ესწრებოდნენ საქართველოს კულტურის მინისტრი თინათინ რუხაძე, საქართველოს გარემოს დაცვისა და სოფლის მეურნეობის მინისტრი დავით სონღულაშვილი, კულტურის მინისტრის პირველი მოადგილე მაკა გურგენიძე და მოადგილე გიორგი მირცხულავა.

„მემორანდუმს საფუძვლად უდევს 2016 წლის 23 სექტემბერს ხელმოწერილი სანოტარო აქტი, რომელიც ითვალისწინებს ლევილის მამულის პარკის მოვლა-განვითარებას, სადაც საპატიო ადგილს ქართული ჯიშის ხეები და ხეხილი დაიკავებს, ხოლო მიწის ერთ მონაკვეთზე უნდა გაშენდეს ქართული ვენახი.

ეროვნულ მუზეუმთან და გარემოს დაცვისა და სოფლის მეურნეობის სამეცნიერო-კვლევით ცენტრთან თანამშრომლობით, შპს „შატო ზეგაანი“ ლევილის მამულის ტერიტორიაზე ვენახის გაშენების მიზნით, უსასყიდლოდ, თავისი ფინანსური რესურსითა და პასუხისმგებლობით უზრუნველყოფს შესაბამის ღონისძიებებს.

გარემოს დაცვისა და სოფლის მეურნეობის სამეცნიერო-კვლევითი ცენტრი საკუთარი დარგობრივი კომპეტენციის ფარგლებში მეთოდურ დახმარებას და კონსულტაციას გაუწევს შპს „შატო ზეგაანს“ და ეროვნულ მუზეუმს“, – აღნიშნულია კულტურის სამინისტროს ინფორმაციაში.

ვერძი

ამბიციები მოთოკეთ, თორემ სასურველ შედეგს ვერ მიიღებთ. ხელსაყრელი დღეა შინაგანი პოტენციალის გამოსავლენად. მოერიდეთ ფიზიკურ და გონებრივ გადაღლას, თორემ შეიძლება ჯანმრთელობა დაიზიანოთ. დიდი დატვირთვის გამო მოსალოდნელია თავის ტკივილი და საჭმლის მომნელებელი სისტემის პრობლემები. ნუ გაჯიუტდებით, რადგან ამან შეიძლება ცუდი შედეგები მოგიტანოთ.

კურო

ამ დღეს საოცრად მიმზიდველი ხართ და საწინააღმდეგო სქესის ყურადღებას იქცევთ, რაც სასიამოვნოდ გაგაოცებთ. თუმცა, ურთიერთობებში ერიდეთ მოზღვავებულ ვნებას და უკონტროლო გრძნობებს. თუ მეუღლე ან შეყვარებული გყავთ, ეცადეთ, რომანტიკული განწყობა გამოაცოცხლოთ — ეს თქვენს ურთიერთობას უფრო გააძლიერებს.

ტყუპები

გირჩევთ სასიცოცხლო ენერგია უსარგებლოდ არ დახარჯოთ. ამ კვირას ყველა ჩანაფიქრს განახორციელებთ, განსაკუთრებული წარმატება მოგზაურობისა და ბიზნესის მიმართულებით გელით. სასურველია, რომ გარშემო მყოფთა კრიტიკულ შენიშვნებს ნაკლები ყურადღება მიაქციოთ და ასეთი შენიშვნების გაკეთებას თავადაც მოერიდოთ. ეს დღე გუნდური მუშაობისთვის ხელსაყრელია, ამიტომ ეცადეთ კოლეგების მოსაზრებებს ანგარიში გაუწიოთ.

კირჩხიბი

რთული და მოვლენებით დატვირთული დღეა. უკვე ხვდებით, რომ ბევრ საქმეზე პასუხისმგებლობა არ უნდა აგეღოთ. ეცადეთ, სიმტკიცე გამოიჩინოთ და უარი თქვათ ყველაფერზე, რაც ტკივილს და დისკომფორტს განიჭებთ. წარმატების მისაღწევად გირჩევთ, გავლენიან მეგობრებს მხარდაჭერისთვის მიმართოთ. თუ დიდი ხანია მგზავრობას გეგმავდით, დღევანდელი დღე ამისთვის იდეალურია. მოგზაურობის დროს შეიძლება თავში ახალი იდეა მოგივიდეთ, რომელიც შემდეგ შეიძლება წარმატებით განახორციელოთ.

ლომი

თქვენი მომავალი გარკვეული კარმული ამოცანების გადაწყვეტაზეა დამოკიდებული. ეცადეთ, ირგვლივ მყოფებთან ურთიერთობაში მეტი თავშეკავება და თავმდაბლობა გამოიჩინოთ, უფროსი თაობის წარმომადგენლებს კი პატივისცემით და მზრუნველობით მოექცეთ. ამ დღეს შეიძლება საკუთარ ცხოვრებაში ცვლილებების განხორციელება მოგინდეთ. თამამად იმოქმედეთ — ვარსკვლავები მხარს გიჭერენ.

ქალწული

ამ დღემ შეიძლება თქვენს სიმტკიცეს და გამძლეობას გამოცდა მოუწყოს. გირჩევთ, ცვლილებებისთვის მოემზადოთ და ცვალებად გარემოებებთან შეგუება ისწავლოთ. მზად ხართ, მიზნის მისაღწევად დაუღალავად იშრომოთ, ამიტომ მცირე დაბრკოლებები ან უსიამოვნებები ვერ შეგაჩერებთ. სასურველია საღამო საყვარელ ადამიანთან ერთად, სასიამოვნო ადგილზე გაატაროთ და დაუვიწყარი ემოციებით აივსოთ.

სასწორი

საკმაოდ დამღლელი დღეა. ურთიერთობების შესანარჩუნებლად თქვენი მხრიდან მეტი ძალისხმევაა საჭირო. მოერიდეთ დაპირებების მიცემას, განსაკუთრებით – ემოციურ ფონზე, რადგან შესრულება გაგიჭირდებათ. დროა მნიშვნელოვანი სიახლეებისთვის მოემზადოთ. შესაფერისი დროა ისეთი საქმიანობისთვის, როგორიცაა კვალიფიკაციის ამაღლება და იურიდიული საკითხების მოგვარება.

მორიელი

ამ დღეს პირველად იმუშავებთ არა შედეგისა და მოგების, არამედ საკუთარი სიამოვნებისთვის და თქვენ შრომა ღირსეულად დაფასდება. თუმცა მომდევნო დღეებში ეცადეთ, არ გარისკოთ, თორემ შეიძლება თქვენს ავტორიტეტს საფრთხე დაემუქროს. ჯერჯერობით უარი თქვით გართობაზე და სერიოზულ საკითხებზე იმუშავეთ. თუ არ იზარმაცებთ და საქმისთვის მაქსიმუმს გაიღებთ, მნიშვნელოვან წარმატებას მიაღწევთ.

მშვილდოსანი

ამ დღეს საკუთარ ჯანმრთელობას განსაკუთრებული ყურადღება უნდა მიაქციოთ. თუ დილას გადაიღალეთ საღამოს შეიძლება დაღლილობამ და სისუსტემ შეგაწუხოთ. მოსალოდნელია თავის ტკივილი და კუჭის პრობლემები. გირჩევთ ახალი საქმის დაწყებას მოერიდოთ. უმჯობესია, მოდუნდეთ და საღამო მეგობრებთან ერთად, ბუნებაში გაატაროთ.

თხის რქა

რთული და პრობლემებით სავსე დღეა. ჩანაფიქრის განხორციელებისთვის საჭიროა, რომ მოთმინება და შინაგანი სიმტკიცე გამოიჩინოთ. ადამიანები, რომლებსაც დღეს შეხვდებით, უსიამოვნო ენერგიას ატარებენ, ამიტომ უმჯობესია ახალ ნაცნობობას მოერიდოთ. თუ პრობლემები გაჩნდა, არ ინერვიულოთ — ძველი მეგობრების დახმარებით, ყველაფერი მალე მოგვარდება. შოპინგისთვის არახელსაყრელი დღეა – შესაძლოა, შეძენილმა ნივთმა იმედები მალე გაგიცრუოთ.

მერწყული

ამ დღეს იღბალი ფეხდაფეხ დაგყვებათ, მთავარია ხელსაყრელი შანსი ხელიდან არ გაუშვათ. მოერიდეთ სწრაფ გადაწყვეტილებებს. ყურადღება არ მოადუნოთ საქმიან ქაღალდებთან მუშაობის დროს, რადგან შეცდომებისა და ფინანსური დანაკარგების ალბათობა არსებობს. დროა უარი თქვათ მავნე ჩვევებზე, რომლებიც ჯანმრთელობის პრობლემებს გიქმნიან და ახლობლებთან ურთიერთობას გიფუჭებენ.

თევზები

ეცადეთ, რეალობა ობიექტურად შეაფასოთ. შესაძლოა, მომხიბვლელი შეთავაზებების მიმართ გადაჭარბებული მოლოდინები გაქვთ. ეცადეთ, პროგრესულად და გააზრებულად იმოქმედოთ მიუხედავად იმისა, რომ ასეთ პირობებში ეს არც ისე ადვილია.