აშშ-ის კონგრესის ბიბლიოთეკაში საქართველოს დამოუკიდებლობის დღის აღსანიშნავი საღამო გაიმართა

11:03 - 25/05/2023

აშშ-ის კონგრესის ბიბლიოთეკაში საქართველოს დამოუკიდებლობის დღის აღსანიშნავი საღამო გაიმართა.

საქართველოს საელჩოს მიერ ორგანიზებული ღონისძიება აშშ-ში საქართველოს ელჩმა დავით ზალკალიანმა გახსნა. სტუმრებს სიტყვით მიმართეს აშშ-ის სახელმწიფო მდივნის მოადგილემ დერეკ ჰოგანმა და თავდაცვის მდივნის თანაშემწემ ლორა კუპერმა.

საღამოს საქართველოს დესპანი აშშ-ში ხათუნა კვესელავა უძღვებოდა.

მოწვეულმა სტუმრება დამსწრე საზოგადოებას საქართველოს დამოუკიდებლობის დღე მიულოცეს და ხაზი გაუსვეს თაობების მანძილზე საქართველოს თავდადებულ ბრძოლას, და დღევანდელი გამოწვევების ფონზე, საქართველოს თავისუფლების გასამყარებლად საქართველოსა და ამერიკის შეერთებული შტატებს შორის სტრატეგიული პარტნიორობის კიდევ უფრო განმტკიცების აუცილებლობას.

ღონისძიება ქართული კულტურისა და თანამედროვე ხელოვნების კომპონენტებს მოიცავდა. საქართველოსა და აშშ-ის ჰიმნები ცნობილმა ქართველმა მომღერალმა ნუცა ბუზალაძემ შეასრულა. სპეციალური მოწვევით, მუსიკალური ნომრებით წარდგნენ თეატრალურის კვარტეტი და კომპოზიტორი ქეთი გაბისიანი. გაიმართა ქეთი პაიჭაძისა და Art Cross Foundation-ის ქართული თანამედროვე ხელოვნების გამოფენა Rooted in Culture – rootedinculture.art.

ღვინის ეროვნული სააგენტოს კამპანიის – Wines of Georgia – ფარგლებში და ქართული ღვინის იმპორტიორი კომპანიების ჩართულობით (Silk Road Wine, Georgian Wine House, Interbalt Wines and Fine Spirits) მოეწყო ქართული ღვინის დეგუსტაციის კუთხე.

ღონისძიებას 600-მდე სტუმარი ესწრებოდა აშშ-ის სახელმწიფო სტრუქტურებიდან, კონგრესიდან, არასამთავრობო და ანალიტიკური ორგანიზაციებიდან, დიასპორული ორგანიზაციებიდან, და ასევე დიპლომატიური კორპუსის, თავდაცვის, ბიზნესისა და მედიის სფეროდან.

🇬🇪🎉Deeply honored to celebrate Georgia's Independence Day in Washington and host the Georgian community, along with our American friends and partners, at the historic Library of Congress! Grateful for the opportunity to share the treasures of Georgian art and music with our… pic.twitter.com/nq9TzudOEQ

— David Zalkaliani (@DZalkaliani) May 25, 2023

“ფრონტის ხაზებზე ქარიშხლის წინა ჩაჩუმებაა” – ალექსი პეტრიაშვილი

11:02 - 25/05/2023

ალექსი პეტრიაშვილი სოციალურ ქსელში უკრაინაში მიმდინარე მოვლენებსეხმაურება:

“ღამე იყო ურდოს მხრიდან შახიდების დრონებით უკრაინაზე მორიგი თავდასხმა! ყველა დრონი განადგურებულია!
დღეს რამშტაინის მეთორმეტე შეხვედრა გაიმართება! საბოლოო დეტალები შეთანხმდება ფ-16-ების გადმოცემასთან დაკავშირებით!

ამასობაში კიევში დაუგეგმავად ჩავიდა დიდი ბრიტანეთის თავდაცვის მდივანი ბენ უოლესი. მისმა მასპინძელმა ოლექსი რეზნიკოვმა ძალიან კმაყოფილმა და მადლიერმა განაცხადა, რომ შტორმ შედოუს რაკეტებისთვისაც ძალიან მადლიერია და კიდევ სხვა “ტკბილეულობებისთვის”, რომლებზეც ჯერ ვერაფერს იტყვის!

ნეიტრალურმა!! შვეიცარიამ!!!! მიიღო გადაწყვეტილება მისი კუთვნილი ლეოპარდ 2 ტანკების გაყიდვის თაობაზე, რომელიც შემდგომში გადაეცემა უკრაინას!!!

გერმანიაში უკრაინის ელჩმა მაკეევმა დააანონსა, რომ დაპირებული 110 ტანკი ლეოპარდ 1 მაააალე იქნება უკრაინაში (ჩემი მოკრძალებული აზრით, ეს ნიშნავს, რომ ისინი უკვე უკრაინაშია);

გერმანიაში უკვე ჩავიდა 250 უკრაინელი ტანკისტი რომელიც იწყებს მომზადებას ამერიკული ტანკების აბრამს 1 ასათვისებლად. აქვე ჩნდება ცნობები, რომ ნაცვლად გამოცხადებული 31 ერთეულისა, აშშ უკრაინას გადასცემს მინიმუმ 50 აბრამსს!

ნიდერლანდების მთავრობამ განაცხადა, რომ 260 მილიონი ევრო გამოიყოფა უკრაინისთვის ჭურვების შეძენის პროგრამის ფარგლებში! გლიჯავს ნიდერლანდები!

ბელგოროდიდან გამოვიდა ორივე ანტიპუტინისტური დანაყოფი და ჩაატარა დიდი პრესკონფერენცია საერთაშორისო მედიისთვის. “მიზნად რომ გვქონოდა ბელგოროდში შესვლა, შევიდოდით”; “რამდენიმე საათის განმავლობაში საერთოდ არავითარი წინააღმდეგობა შეგხვხვედრია; მხოლოდ ახალწვეულები”; “2 დაღუპული, 10 დაჭრილი” – ეს არის რეალური დანაკარგები ამ რეიდის!

ურდოს ადმინისტრაციამ ბელგოროდში ტერიტორიული თავდაცვის 7 ბატალიონი შექმნა, მაგრამ….. უიარაღოდ. კანონმდებლობა არ აძლევთ უფლებას, ახლა ცვლიანო.

ამასობაში ურდოს სიკვდილის სამინისტროს გაუჩნდა გუშღამ ხანძარი; დაკვამლიანება იყო ყირიმის ხიდზეც; ურდოს სამხედრო-სადაზვერვო გემზე, რომელიც ბოსფორის სრუტეში შევიდა, ნეიტრალურ წყლებში იყო წყალზედა დრონებით თავდასხმის მცდელობა! კიდევ იქნება! ურდოს ყველგან მოხვდება!

ფრონტის ხაზებზე ქარიშხლის წინა ჩაჩუმებაა. ბახმუტის ფრონტებზეც და შიგ ბახმუტშიც საბრძლო ინტენსივობამ იკლო; ასევე მარიინკაში; ავდეევკაზე რაცხას გლახაობენ ურდოსები, მაგრამ არაფერი სერიოზული; იგივე კრემინას მიმართულებაზეც. სვატოვო-კუპიანსკი – პოზიციური ბრძოლები და არტდუელები!

მოდის მოდის!!! დღე მოდის!

უკრაინა გაიმარჯვებს 2023-ში! საქართველო, გონს მოდი 2023-ში! პუტლერის ბოროტების იმპერია გრუხუნით ჩამოინგრევა 2023-ში!
გაუმარჯოს საქართველოს!
დიდება უკრაინას!
დიდება გმირებს!
დიდება ერს!
სიკვდილი მტერს!”- წერს ალექსი პეტრიაშვილი.

საგამოძიებო სამსახურმა ე.წ. სააფთიაქო ნარკომანიის ფაქტები გამოავლინა

10:48 - 25/05/2023

საქართველოს ფინანსთა სამინისტროს საგამოძიებო სამსახური აგრძელებს აქტიურ საგამოძიებო მოქმედებებს ე.წ. სააფთიაქო ნარკომანიის ფაქტების გამოვლენის მიზნით, – ამის შესახებ საგამოძიებო სამსახურის მიერ გავრცელებულ ინფორმაციაშია ნათქვამი.

უწყების ცნობით, მაისის დასაწყისში თბილისის მასშტაბით გატარებული კომპლექსური ღონისძიებების შედეგად გამოვლენილ იქნა კანონდარღვევით მოქმედი 17 აფთიაქი.

„გატარებული ოპერატიულ-სამძებრო ღონისძიებების შედეგად დადგენილ იქნა, რომ ხსენებულ სააფთიაქო დაწესებულებებს არ გააჩნდათ საქმიანობისთვის საჭირო შესაბამისი ნებართვები, საიდანაც რეცეპტის გარეშე ხდებოდა სხვადასხვა დასახელების ფსიქოტროპული და სპეციალურ კონტროლს დაქვემდებარებული მედიკამენტების რეალიზაცია.

საგამოძიებო მოქმედებების შედეგად ამოღებულია დიდი ოდენობით ფსიქოტროპული მედიკამენტი, მათი რეალიზაციიდან მიღებული თანხა, ინფორმაციის შემცველი კომპიუტერული ტექნიკა და დოკუმენტაცია“, – აღნიშნულია საგამოძიებო სამსახურის ინფორმაციაში.

უწყების ცნობით, შესაბამისი საგამოძიებო მოქმედებები გრძელდება. აღნიშნული დანაშაული ისჯება საქართველოს სისხლის სამართლის კოდექსის 192-ე მუხლით, თავისუფლების აღკვეთით ერთიდან სამ წლამდე ვადით.

“ნატო საქართველოს და მისი ევროატლანტიკური მისწრაფებების ერთგულია” – ხავიერ კოლომინა

10:40 - 25/05/2023

პოლიტიკურ და უსაფრთხოების პოლიტიკის საკითხებში ნატო-ს გენერალური მდივნის თანაშემწის მოადგილე და კავკასიასა და ცენტრალურ აზიაში საგანგებო წარმომადგენელი ხავიერ კოლომინა საქართველოში ვიზიტისა და გამართული შეხვედრების შესახებ სოციალურ ქსელში წერს.

„ძალიან კარგი მოლაპარაკებები მქონდა საქართველოში სალომე ზურაბიშვილთან, შალვა პაპუაშვილთან, ილია დარჩიაშვილთან, თავდაცვის სამინისტროსა და ოპოზიციასთან. განვიხილეთ ნატო-საქართველოს თანამშრომლობა, ვილნიუსის სამიტი, ძალისხმევის გაორმაგების საჭიროებაზე რეფორმების, დემოკრატიული სტანდარტებისა და უკრაინისთვის მხარდაჭერის გაგრძელების კუთხით. ნატო საქართველოს და მისი ევროატლანტიკური მისწრაფებების ერთგულია“, – წერს კოლომინა „ტვიტერში“.

“50 წელიწადი ველოდი თავის უფლებას!” – გოგა ხაინდრავა

10:33 - 25/05/2023

კინორეჟისორი გოგოა ხაინდრავა twitter-ში დამოუკიდებლობის დღესთან დაკავშირებით პოსტს აქვეყნებს.

„დღეს ამაღლებაა! გილოცავთ უფლის დღეს სასწაულს! ხვალ, 26 მაისი ჩვენი დამოუკიდებლობის აღდგენის დღე! გილოცავთ! გაიხარეთ! 50 წელიწადი ველოდი თავის უფლებას! ჩვენს უფლებას! ვიცხოვროთ მამა-პაპათა წესით და არჩევანით, რომელიც ჩვენ გვწადია და არა ბატონებს! მოვესწარი! მადლობა უფალო! დიდება!, – წერს გოგა ხაინდრავა.

“უკრაინელებმა რუსების გაშვებული 36-ვე დრონი გაანადგურეს” – ომის 456-ე დღე

10:25 - 25/05/2023

რუსეთ – უკრაინის ომის 456-ე დღე

საომარი მოქმედებების ეპიცენტრში კვლავ ქალაქები – ბახმუტი და მარინკა – რჩებიან. ამის შესახებ უკრაინის შეიარაღებული ძალების გენერალური შტაბის ანგარიშშია აღნიშნული.

უწყების ცნობით, უკრაინელებმა, გასულ დღე-ღამის განმავლობაში, მოწინააღმდეგის 26 შეტევა მოიგერიეს.

“მტერი აგრძელებს ძირითადი ძალისხმევის კონცენტრირებას კუპიანსკის, ლიმანის, ბახმუტი, ავდიივკასა და მარინკას მიმართულებებზე – მოხდა 26 სამხედრო შეტაკება. საომარი მოქმედებების ეპიცენტრში ბახმუტი და მარინკა რჩებიან“, – აცხადებენ გენშტაბში.

უწყების ცნობით, რუსულმა ძალებმა, გასული დღის განმავლობაში, უკრაინის ტერიტორიაზე 41 საჰაერო დარტყმა განახორციელეს და მრავალჯერადი სარაკეტო სისტემებიდან ცეცხლი 53-ჯერ გახსნეს, რის შედეგადაც დაზარალდნენ მშვიდობიანი მოქალაქეები, განადგურდა და დაზიანდა კერძო სახლები და სხვა სამოქალაქო და ადმინისტრაციული ინფრასტრუქტურა.

ამასთან, გენშტაბის ცნობით, მოწინააღმეგის მოქმედებების საპასუხოს, უკრაინის თავდაცვის ძალების ავიაციამ 24 საათის განმავლობაში 15 დარტყმა მიაყენა რუსების ცოცხალი ძალისა და სამხედრო ტექნიკის კონცენტრაციის ტერიტორიებს.

„ასევე, გასული დღის განმავლობაში ჩვენმა ჯარისკაცებმა გაანადგურეს მტრის Ka-52 ვერტმფრენი, Shahed-ის ტიპის 4 უპილოტო საფრენი აპარატი და Zala-ს ტიპის ერთი სადაზვერვო დრონი. სარაკეტო და საარტილერიო დანაყოფებმა კი მტრის 3 სამეთაურო პუნქტს, იარაღისა და სამხედრო ტექნიკის კონცენტრაციის 4 უბანს, საბრძოლო მასალის საცავსა და 2 საარტილერიო დანადგარს დაარტყეს, ასევე მტრის კიდევ 3 მნიშვნელოვანი სამიზნე გაანადგურეს“, – აცხადებენ გენშტაბში.

უკრაინის შეიარაღებულმა ძალებმა კი, რუსების მიერ წუხანდელი შეტევის დროს გაშვებული Shahed-136/131 ტიპის 36-ვე დრონი გაანადგურეს, – ინფორმაციას უკრაინული მედია შეიარაღებული ძალების საჰაერო ძალებზე დაყრდნობით ავრცელებს.

მათივე ინფორმაციით, დრონები ჩრდილოეთ და სამხრეთ მიმართულებიდან იყო გაშვებული.

„ერთობლივი ძალისხმევით 36-ვე „შაჰიდი“ განადგურდა!“ – აცხადებენ უკრაინის საჰაერო ძალებში.

უწყების განმარტებით, თავდასხმის მიზანი, სავარაუდოდ, ქვეყნის დასავლეთ ოლქებში კრიტიკული ინფრასტრუქტურისა და სამხედრო ობიექტების განადგურება იყო.

შეგახსენებთ, დილით გავრცელდა ინფორმაცია, რომ უკრაინის რამდენიმე ოლქში, რუსების მხრიდან დრონებით თავდასხმის გამო, საჰაერო განგაში გამოცხადდა.

“მნიშვნელოვანია, საქართველო იმ დემოკრატიულ ღირებულებებს შეესაბამებოდეს, რომლებისაც ჩვენ ყველას გვწამს”

10:22 - 25/05/2023

ვფიქრობ, რომ საქართველო არის ქცევის მოდელის ნაწილი, რადგან რუსეთის აგრესიული ქმედებები მეზობლების წინააღმდეგ არ დაწყებულა 2014 წელს უკრაინაში ომით, ის 2008 წელს საქართველოში შეჭრით დაიწყო, – ამის შესახებ ნატო-ს გენერალურმა მდივანმა, იენს სტოლტენბერგმა ბრიუსელში „გერმანიის მარშალის ფონდის“ მიერ ორგანიზებული დისკუსიის დროს განაცხადა.

„ასე რომ, ეს ქცევის მოდელი მკაფიო შეხსენებაა, რომ ეს მხოლოდ უკრაინაში ამ ომს არ ეხება, რომ ცივი ომის შემდეგ რუსეთთან უკეთესი, უფრო მეგობრული ურთიერთობების აწყობის მცდელობები ჩავარდა რუსეთის აგრესიული ქცევის გამო. მათ გავლენის სფეროების ხელახლა დამყარება სურდათ, რათა მეზობლები ეკონტროლებინათ. და, რა თქმა უნდა, ეს არ არის ის სამყარო, რომელშიც ჩვენ გვსურს ცხოვრება, რადგან ეს ნიშნავს, რომ ნატო-ს მრავალ მეზობელს, პოსტსაბჭოურ რესპუბლიკებს არ ექნებათ დამოუკიდებლობა, რაც, ჩვენი რწმენით, ყველა ქვეყანას უნდა გააჩნდეს“, – განაცხადა სტოლტენბერგმა.

მისივე თქმით, ნატო მრავალი წლის განმავლობაში მუშაობდა საქართველოსთან რეფორმების გატარების, პრაქტიკული, პოლიტიკური თანამშრომლობის კუთხით.

„რა თქმა უნდა, ომის შემდეგ ვნახეთ, რომ ქვეყნები, რომელთაც ხშირად „შუაში“ მყოფ ქვეყნებს ვუწოდებ, რაც, ჩემი აზრით, საუკეთესო გამოთქმა არ არის, უბრალოდ, ეს ქვეყნები არ არიან ნატოელი მოკავშირეები, თუმცა ცდილობენ, წინააღმდეგობა გაუწიონ რუსეთის ზეწოლას. ასეთი ქვეყნები მოწყვლადები არიან. ასე რომ, მადრიდის სამიტზე გადავწყვიტეთ, გაგვეძლიერებინა ის, რასაც ამ ქვეყნებისთვის ვაკეთებთ, და საქართველო ერთ-ერთი მკაფიო მაგალითია. ვფიქრობ, ასევე უნდა გვესმოდეს, რომ მნიშვნელოვანია, საქართველო იმ დემოკრატიულ ღირებულებებს შეესაბამებოდეს, რომლებისაც ჩვენ, ყველას, გვწამს და, რა თქმა უნდა, ველით, რომ ნატო-ს არაწევრი მოკავშირეები დაიცავენ სანქციებს და რუსეთს უკრაინის წინააღმდეგ აგრესიული ომის დაფინანსებას და ორგანიზებას არ გაუადვილებენ”, – განაცხადა სტოლტენბერგმა.

“ვის სჯერა ამ მართლა ქოსატყუილების”- ნინო ფოჩხუა

09:54 - 25/05/2023

ვის სჯერა ამ მართლა ქოსატყუილების ან ამ ნაძირალებს რა უფლება აქვთ საერთოდ ახსენონ 26 მაისი და საქართველოს დამოუკიდებლობა, – ასე ეხმიანება ექსპერტი ნინო ფოჩხუა ოპოზიციის ნაწილის მიერ გავრცელებულ ინფორმაციას იმასთან დაკავშირებით, რომ 26 მაისის სადღესასწაულო დეკორაციებში ევროკავშირის დროშის არარსებობა ქვეყნის კურსის ცვლილებაზე მიუთითებს.

მისი თქმით, ადამიანებს, რომლებმაც 2011 წლის 26 მაისი მოაწყვეს ან არ გაუპროტესტებიათ იმდროინდელი მოვლენები, არ აქვთ უფლება დროშების შესახებ ისაუბრონ. ექსპერტი აღნიშნავს იმასაც, რომ “ერთ საათიან ტყუილს” მთავრობის ადმინისტრაციამ უკვე პასუხი გასცა.

„ისევ ერთ საათიანი ტყუილი. ვის სჯერა ამ მართლა ქოსატყუილების ან ამ ნაძირალებს რა უფლება აქვთ საერთოდ ახსენონ 26 მაისი და საქართველოს დამოუკიდებლობა. დააკვირდით, როგორ აღიზიანებთ ქართული, ეროვნული სიმბოლიკა.
რომელ დამოუკიდებლობაზე გველაპარაკებიან, მაშინ როცა თავისი გურუ, უფროსი ბოსების ბრძანებების მონური შემსრულებელი, ქვეყნის საწინააღმდეგო დავალებისაც კი თვალდახუჭული ასრულებდა და დამოუკიდებლობა ახლო მომავალშიც არ ჩანდა?
ან მათ მიერ გამართული სამარცხვინო 26 მაისი, ევროპის დროშებით მოფენილი და სისხლის გუბეებზე ჩატარებული აღლუმი. ამ სისხლზე მორბენალი ზუსტად ეს ადამიანები, რომლებიც ახლა აპროტესტებენ ევროპის დროშების არ ქონას წლევანდელ აღლუმზე, მაშინ სად იყვნენ, როცა ნიკა კვინტაძის და სულიკო ასათიანის ცხედრები ჯერ კიდევ მაღაზიის სახურავზე იყო შემოდებული?
უკვე გაუსაძლისია ამ ყველაფრის ატანა. გასცა პასუხი მთავრობის ადმინისტრაციამ, აქაც ჩაისვარეს.
საქართველოს გზა და მომავალი ევროპისკენაა და რაც არ უნდა უკადრებელი იკადრონ, ვერაფერს შეცვლიან.
დიახ, ზუსტად ამ ხელისუფლების პირობებში მოხდება ეს, თან ღირსეულად და არ მათსავით ცალ ფეხზე“, – წერს ფოჩხუა Facebook-ზე.

დღეს ამაღლებაა

09:44 - 25/05/2023

მართლმადიდებელი ეკლესია დღეს მაცხოვრის ამაღლებას ზეიმობს.

დღესასწაულთან დაკავშირებით ტაძრებში სადღესასწაულო წირვა-ლოცვა აღსრულდება. ამაღლება აღდგომიდან მე-40 დღეს, მეექვსე კვირის ხუთშაბათს აღინიშნება.

როგორც წმიდა სახარება გვაუწყებს, ბრწყინვალე აღდგომიდან 40 დღის განმავლობაში ქრისტე თავის მოწაფეებს ეცხადებოდა და ღვთის სასუფევლის შესახებ მოუთხრობდა.

იოანე ოქროპირის სიტყვით, იგი მოწაფეებს ასწავლიდა „სასუფევლის საიდუმლოებებს“, რომელნიც მაცხოვრის აღდგომამდე მათთვის გაუგებარი და მიუწვდომელი იყო. აღდგომიდან მე-40 დღეს კი გალილეიდან იერუსალიმში დაბრუნებული მოწაფეები ერთ სახლში შეიკრიბნენ. აქ მათ მაცხოვარი გამოეცხადათ, რომელმაც შეკრებილთ აღუთქვა, რომ მალე მოუვლენდა სულიწმიდას და უბრძანა, არ გაშორებოდნენ იერუსალიმს. საუბრობდა რა მოწაფეებთან, ქრისტემ გამოიყვანა ისინი ბეთანიის მიმართულებით, ელეონის მთაზე, შემდეგ ხელები ცისკენ აღაპყრო და აკურთხა. შეკრებილნი. კურთხევისას თანდათან დასცილდა მათ და ზეცად ამაღლება იწყო, მცირე ხანში კი ღრუბლებში გაუჩინარდა. ვიდრე მოწაფეები ცას შეჰყურებდნენ, ეჩვენა მათ ორი კაცი, თეთრად მოსილნი რომელთაც უთხრეს: „კაცნო, გალილეველნო, რაისა სდგათ და ჰხედავთ ზეცად. ესე იესო რომელი ამაღლდა თქვენგან ზეცად, ეგრეთვე მოვიდეს, ვითარცა იხილეთ აღმავალი ზეცად“ (საქ. მოც. 1, 11), მოწაფეები სიხარულით დაბრუნდნენ იერუსალიმში, სულიწმიდის მომლოდინენი, განუწყვეტლივ ლოცვაში იყვნენ, ადიდებდნენ და მადლობდნენ ღმერთს. მაცხოვრის ამაღლების მნიშვნელობა რამდენიმე კუთხით შეიძლება განვიხილოთ. პირველი – მოვლენის ონტოლოგიური მხარეა: ძე ღვთისამ მიიღო ადამიანური ბუნება, რომელიც ზეცად აამაღლა და საღმრთო დიდებას აზიარა. იოანე ოქროპირის თქმით, უფლის ამაღლებამ ადამიანი ანგელოზს მიამსგავსა, ადამიანი შეერთო უხორცოთა დასს, იგი მიწისთვისაც კი უღირსი – ზეცაში დამკვიდრდა.

კაცთა ბუნება, რომლისაგანაც ქერუბიმები სამოთხეს იცავნდნენ, თვით ქერუბინებზე აღმატებული გახდა. იესო ქრისტეს ზეცად ამაღლებით მოხდა ცისა და მიწის შეერთება, ზეციურისა და მიწიერის შერიგება. ამაღლებით რეალურად განცხადდა ძველი აღთქმისეული წინასწარმეტყველება: „ამაღლდა ღმერთი ღაღადებითა და უფალი ხმითა საყვირისაითა“ (ფს. 46, 5); ამაღლების შემდგომ, პავლე მოციქულის თქმით, „ჩუენი მოქალაქეობაი ცათა შინ არს“ (ფილ. 3, 20). უფლის ამაღლებას აქვს ესქატოლოგიური მნიშვნელობაც, რადგან სწორედ ამაღლება იყო ქრისტეს მიწიერი ცხოვრების დასასრული, ხოლო მისი მეორედ მოსვლა კაცობრიობის მიწიერი მყოფობის დასასრული იქნება. ამაღლებას ზნეობრივი მნიშნვნელობაც გააჩნია. ჩვენ უნდა გვახსოვდეს, რომ არა მხოლოდ მიწას, არამედ ზეცასაც ვეკუთვნით, რომ ჩვენ ვეკუთვნით დროსაც და მარადისობასაც, მატერიასაც და სულსაც და მიწიერი ცხოვრების დროს ჩვენ უნდა ავმაღლდეთ ყოველივე მიწიერზე და მდაბალზე. სარწმუნოების სიმბოლოში (მრწამსში) ვკითხულობთ: „და ამაღლდა ზეცად და დაჯდა მარჯუენით ღვთისა და მამისა“. რას ნიშნავს ეს სიტყვები? ღმერთი ხომ დროისა და სივრცის მიღმიერია? როგორ უნდა გავიგოთ ეს ანთროპომორფისტული მეტაფორა? როდესაც იმპერატორი თანამმართველს ირჩევდა, ან მისი ვაჟი სრულწლოვანი ხდებოდა – მაშინ განსაკუთრებული რიტუალი – ინტრონიზაცია ტარდებოდა. სასახლის დარბაზში ორ ტახტს დგამდნენ. ერთზე ჯდებოდა იმპერატორი, მეორეზე, მარჯვენა მხარეს თანამმართველი. მარჯვნივ ჯდომა იმპერატორის მსგავს ღირსებასა და ძალაუფლებას ნიშნავდა. ამდენად, აღნიშნული სიტყვები მამა ღმერთისა და ძე ღმერთის თანაბარ ძალაუფლებაზე მიუთითებს. ეს სახე-სიმბოლო კიდევ უფრო წარმოაჩენს ამაღლების აქსიოლოგიურ მნიშვნელობას: ღმერთკაცის სახით მთელ კაცობრიობას დაუსრულებელი სულიერი აღმასვლის შესაძლებლობა მიეცა. ქრისტე გაშლილი, მაკურთხეველი ხელებით ამაღლდა ზეცად. ელეონის მთასთან მდგარი მოწაფეები პირველ ქრისტიანულ ეკლესიას წარმოადგენდნენ. სიყვარულითა და იმედით აღსავსე ეს ეპიზოდი არის ნიშანი და აღთქმა იმისა, რომ კურთხევა ღვთისა მუდამ ჰგიებს ეკლესიაში.

როგორი ამინდია მოსალოდნელი დღეს საქართველოში

09:16 - 25/05/2023

25 მაისს ქუთაისში +31 გრადუსი და უნალექო დღეა მოსალოდნელი, ღამით კი +16 გრადუსი იქნება. უნალექო დღე იქნება ოზურგეთშიც, სადაც დღისით +32 გრადუსი დაფიქსირდება, ღამით კი +16 გრადუსია ნავარაუდევი. ბათუმში დღისით ჰაერი +32 გრადუსამდე გათბება, ღამით კი +16 გრადუსი დაფიქსირდება.

ფოთში უნალექო დღეა ნავარაუდები. დღისით +31 გრადუსი დაფიქსირდება, ღამით კი +14 გრადუსია მოსალოდნელი. ზუგდიდში დღისით ტემპერატურა +32 გრადუსს მიაღწევს, ღამით კი +14 გრადუსია ნავარაუდევი. +30 გრადუსია მოსალოდნელი დღისით სოხუმში, ღამით +15 გრადუსი დაფიქსირდება.

მესტიაში იწვიმებს. დღისით +24 გრადუსია, ღამით კი +8 გრადუსი დაფიქსირდება. ამბროლაურში ჰაერი დღისით +30 გრადუსამდე გათბება, ღამით კი +14 გრადუსი დაფიქსირდება. მოსალოდნელია უნალექო დღე.

უნალექო დღეა მოსალოდნელი ჭიათურაშიც. დღისით +30 გრადუსი, ღამით კი +14 გრადუსი იქნება. ახალციხეში წვიმს, სადაც დღისით ჰაერი +32 გრადუსამდე გათბება, ღამით კი ტემპერატურა +9 გრადუსამდე დაიწევს.

იწვიმებს ბორჯომშიც, დღისით +27, ღამით კი +10 გრადუსი დაფიქსირდება. ბაკურიანშიც წვიმაა მოსალოდნელი. დღისით +22 გრადუსია იქნება, ღამით კი +8 გრადუსი დაფიქსირდება.

გორში +29 გრადუსია და ნალექიანი დღეა მოსალოდნელი, ღამის განმავლობაში კი +13 გრადუსი დაფიქსირდება. ნალექიანი დღეა ცხინვალშიც, სადაც დღისით ჰაერს ტემპერატურა +28 გრადუსი იქნება, ღამით კი +12 გრადუსი დაფიქსირდება.

გუდაურში +18 გრადუსი და ნალექიანი დღეა ნავარაუდევი, ღამით კი ჰაერის ტემპერატურა +7 გრადუსი იქნება. წვიმიანი დღეა მოსალოდნელი ომალოშიც, სადაც დღისით +18, ღამით კი +9 გრადუსი დაფიქსირდება.

ლაგოდეხშიც ნალექიანი დღეა ნავარაუდები. ჰაერის ტემპერატურა დღის განმავლობაში +32 გრადუსი იქნება, ღამით კი +18 გრადუსი დაფიქსირდება. წვიმიანი დღეა თელავშიც, სადაც დღისით +30 გრადუსი დაფიქსირდება, ღამით კი +16 გრადუსია ნავარაუდევი.

გურჯაანში ნალექიან დღეს ვარაუდობენ. დღისით +32 გრადუსი, ღამით კი +17 გრადუსი დაფიქსირდება. სიღნაღში +31 გრადუსი და მოსალოდნელი, ღამით +15 გრადუსი დაფიქსირდება. იწვიმებს.

რუსთავში +33 გრადუსი და წვიმაა მოსალოდნელი, ღამით კი +17 გრადუსი დაფიქსირდება.

თბილისში ჰაერის ტემპერატურა დღისით +32 გრადუსს მიაღწევს, ღამით კი +17 გრადუსია მოსალოდნელი. მოსალოდნელია წვიმა.

,უსამშობლოებს, რა თქმა უნდა, არ მოგწონთ სახელმწიფო დროშა”- თამთა მეგრელიშვილი

23:58 - 24/05/2023

გასულ წელს, 26 მაისის სლოგანი გახლდათ – “ევროპისკენ” და პარლამენტთან საქართველოს დროშასთან ერთად ჩამოიკიდა ევროკავშირის დროშები. წელს ღონისძიების მთავარი სლოგანია “თავისუფლება”, რის გამოც საკანონმდებლო ორგანოს ფასადი და რუსთაველის გამზირი თავისუფლების მთავარი სიმბოლოს – ეროვნული დროშის და 26 მაისის თემატიკით გაფორმდა, – ამის შესახებ „ხალხის ძალის“ წევრი, თამთა მეგრელიშვილი სოციალურ ქსელში წერს.

მისი თქმით, გაუგებარია, თუ რას აძლევს ამ თემაზე ქილიკი ოპოზიციის წარმომადგენლებს. „დამოუკიდებლობის დღეს ტრადიციულად დედაქალაქის მთავარი გამზირი და პარლამენტის შენობა თემატიკასთან შესაბამისი ატრიბუტიკით ფორმდება.

„გასულ წელს, 26 მაისის სლოგანი გახლდათ – “ევროპისკენ” და პარლამენტთან საქართველოს დროშასთან ერთად ჩამოიკიდა ევროკავშირის დროშები. წელს ღონისძიების მთავარი სლოგანია “თავისუფლება”, რის გამოც საკანონმდებლო ორგანოს ფასადი და რუსთაველის გამზირი თავისუფლების მთავარი სიმბოლოს – ეროვნული დროშის და 26 მაისის თემატიკით გაფორმდა. რას გაძლევთ ამ თემაზე ქილიკი?! უსამშობლოებს რა თქმა უნდა არ მოგწონთ სახელმწიფო დროშა, რა თქმა უნდა არ გეამაყებათ საქართველო ისტორიული ღირსებით, რა თქმა უნდა თქვენს ყურს ხვდება სახელმწიფო ჰიმნი, თქვენი მიზანია დედაქალაქის თავზე ბომბების წვიმა და სისხლში- ქუჩები. თქვენთვის სახელმწიფო ტერიტორიები ადვილი დასათმობია, თქვენ გაყიდეთ 2008 ში საქართველო ომამდე წაგებულ ომში! მოღალატეები ხართ და მოღალატეებად რჩებით უახლესი ისტორიის ფურცლებზე! მიმიფურთხებია თქვენთვის!!!“ – წერს მეგრელიშვილი Facebook-ზე.

,,ყველა სიკეთე გვინდა იმისთვის, რომ ჩვენ ქვეყანას ჰქონდეს უკეთესი ყოფა ”- სარჯველაძე

23:50 - 24/05/2023

საქართველოს პარლამენტის ადამიანის უფლებათა დაცვის კომიტეტის თავმჯდომარე, მიხეილ სარჯველაძე მედიასთან პრემიერ-მინისტრის ირაკლი ღარიბაშვილის გაკეთებულ განცხადებას აფასებს. ,,ჩვენ გვინდა ზუსტად ის, რაც თქვა პრემიერ-მინისტრმა და სავსებით მართებულად თქვა. ყველა მთავარი, რამ თქვა – ყველა სიკეთე ჩვენ გვინდა იმისთვის, რომ ჩვენ ქვეყანას ჰქონდეს უკეთესი ყოფა. ჩვენი ქვეყნისთვის გვინდა ეს ყველაფერი. არ შეიძლება არცერთი საშუალება აგვერიოს არცერთ მიზანში და ა.შ. ეს ძალიან მნიშვნელოვანია, რომ კარგად გვესმოდეს. ამიტომ, რაც არ უნდა კაზუისტიკური ინტერპრეტაცია ინტერპრეტაცია შემოგვთავაზოს დღეს, ოპოზიციამ, ფაქტია რომ ყველა თითოეული სიტყვა ნათქვამი პრემიერ-მინისტრის მხრიდან იყო აბსოლუტური ჭეშმარიტება”, – განაცხადა მიხეილ სარჯველაძემ.

1...1,9181,9191,920...2,156 Page 1,919 of 2,156