„საქართველო მაინც გაიმარჯვებს, სალომე ზურაბიშვილისნაირებს კი ბევრს მოინელებს!” – წერს ექსპერტი ლევან ნიკოლეიშვილი, რომელიც დამოუკიდებლობის დღისადმი მიძღვნილ ცერემონიაში სალომე ზურაბიშვილის სიტყვით გამოსვლას ეხმიანება.

ექსპერტის თქმით, სალომე ზურაბიშვილის ყოველი გამოსვლა მავნებლობით და საკუთარი ქვეყნის, ხელისუფლების, ხალხის შეურაცხყოფითა და ღვარძლითაა გატენილი.

„პირველი პრეზიდენტი ზვიად გამსახურდია მოგვიკლეს, მეორე პრეზიდენტი ედუარდ შევარდნაძე იძულებით გადააყენეს, მესამე პრეზიდენტი მიხეილ სააკაშვილმა ომში საკუთარი ჯარი მიატოვა, ქვეყანას ათასი უბედურება დამართა, მერე საქართველოდან გაიქცა, სხვა ქვეყნის მოქალაქეობა მიიღო, მერე ჩვენთან სიტუაციის ასარევად შემოაპარეს, მერე კი ისე სამარცხვინოდ მოიქცა პატიმარ-ავადმყოფის ამპლუაში, რომ მსგავსი არც გაგვიგია და არსებობს, მეოთხე პრეზიდენტი გალოთდა და პოლიტიკურად ბოლომდე გაპარტახდა…მაგრამ აი, ეს მეხუთე სალომე ზურაბიშვილი..ესაა, რაც არის! არავის უყვარს, არავინ არაფრად არ აგდებს, ყოველი მისი გამოსვლა კი მავნებლობითა და საკუთარი(?) ქვეყნის, ხელისუფლების, ხალხის შეურაცხყოფითა და ღვარძლითაა გატენილი…რატომღაც, რომ დღეს, საზეიმო დღეს ეთქვა რამე ადეკვატური, არ გამკვირვებია, უბრალოდ სულ იმას ვფიქრობ ასეთი რა შევცოდეთ უფალს…ალბათ შევცოდეთ! უნდა მოვინანიოთ, გაკვეთილი გაკვეთილად მივიღოთ, რომ მსგავსი, რამ არასოდეს არ გავიმეოროთ! საქართველო მაინც გაიმარჯვებს, სალომე ზურაბიშვილის ნაირებს კი ბევრს მოინელებს! კორონას დროს დავწერე არ შეშინდეთ ხალხნო, განსაცდელში ვართ მაგრამ გავიმარჯვებთ-თქო! ეს ქალბატონიც, როგორც ჩანს განსაცდელად თუ გამოსაცდელად მოგვევლინა, მაგრამ ესეც წავა, აბა სად წავა, ჩვენ კი, ჩვენ მაინც გავიმარჯვებთ,”– წერს ლევან ნიკოლეიშვილი Facebook-ზე.

„მინდა მადამ „პღეზიდანს“ მოლოდინები გავუცრუო – ევროპა მხოლოდ „გლობალური ომის პარტიის“ წარმომადგენლების მხრიდან (ვისი რეზიდენტიც თქვენ ბრძანდებით) არ იმართება და ჯანსაღ ევროპულ პოლიტიკურ ძალებს, თქვენზე უკეთესად ესმით იმ საქართველოს ადგილი და არსი თანამედროვე მსოფლიოში, რომლის აზრზეც არ ხართ და არც არანაირი სურვილი გაქვთ – აზრზე იყოთ“, – ასე გამოეხმაურა საქართველოს პრეზიდენტის დღევანდელ გამოსვლას „ხალხის ძალის“ წევრი, ანალიტიკოსი დავით ქართველიშვილი სოციალურ ქსელში.

ქართველიშვილის თქმით, დღეს საქართველოს პრეზიდენტი წარმოადგენს იმ პოლიტიკურ ძალას, რომლის წარმომადგენლებიც 2008 წლის აგვისტოს ომის დროს მძღოლებად ემსახურებოდნენ რუს სამხედროებს.

„მადამ „პღეზიდანი“: „ახლა, ამ ტრიბუნიდან მინდა მივმართო, გიორგი ანწუხელიძისა და გიგა ოთხოზორიას ოჯახებს, მე როგორ ამ ქვეყნის უმაღლესი მთავარსარდალი, ბოდიშს ვიხდი იმ შეურაცხყოფისთვის, რომელიც არამხოლოდ თქვენ, არამედ მთელი ქვეყნის შეურაცხყოფაა“.

აქ რომ გაჩუმებულიყო, კიდევ იფიქრებდა ადამიანი, რომ ეს რეზიდენტ-„პღეზიდანი“ იმაში უხდის მათ ბოდიშს, რომ ანწუხელიძის წამებით მოკვლაზე ბრძანების მიმცემი ორი რუსი გენერლის პირად მძღოლებად, 2008 წლის აგვისტოში იმ ძალების წარმომადგენლები მუშაობდნენ, რა ძალებსაც დღეს თავად წარმოადგენს.

ანწუხელიძის მკვლელებს სამეგრელოში ემსახურებოდა – გუბერნატორი გოროზია, ის გენერალ ჩაბანის პირადი ლაქია იყო. ხოლო შიდა ქართლის გუბერნატორი ვარძელაშვილი – გენერალ ბორისოვის მძღოლი იყო. ასე რომ, მათი სამარცხვინო თანამონაწილეობა ანწუხელიძის წამებაში, ჩემთვის არანაირ ეჭვს არ იწვევს. ამ ორ მოღალატეს ჰქონდა უნიკალური შესაძლებლობა – იქვე, საკუთარ ჯიპებში, ამ ორი გენერლისთვის სასიკვდილო განაჩენი სისრულეში მოეყვანათ, თუნდაც საკუთარი მსხვერპლშეწირვის ფასად, მაგრამ ვისზე ან რაზე ვსაუბრობთ საერთოდ…

მოკლედ, ჩემი მოლოდინი არ გამართლდა. „პღეზიდანმა“ გააგრძელა თავისი სამარცხვინო სიტყვა და ევროპის წინაშე მოქმედი ხელისუფლების გამო მოიხადა ბოდიშები. თურმე, აი ვინ ყოფილა მის თვალში „სამარცხვინო“. მან სიტყვა „შეურაცხყოფაც“ ახსენა და მისი ჭეშმარიტი არსი ჩვენ უნდა გვკითხოს, ვინც დღეს გავუძელით მისი ბაგეებიდან სახელმწიფო ღალატის შემცვლელი მორიგი „არიის“ მოსმენას.

მინდა მადამ „პღეზიდანს“ მოლოდინები გავუცრუო – ევროპა მხოლოდ „გლობალური ომის პარტიის“ წარმომადგენლების მხრიდან (ვისი რეზიდენტიც თქვენ ბრძანდებით) არ იმართება და ჯანსაღ ევროპულ პოლიტიკურ ძალებს, თქვენზე უკეთესად ესმით იმ საქართველოს ადგილი და არსი თანამედროვე მსოფლიოში, რომლის აზრზეც არ ხართ და არც არანაირი სურვილი გაქვთ – აზრზე იყოთ.

ეს ძალები აუცილებლად ჩაანაცვლებენ თქვენნაირ კოლექტიურ „კუბილიუსებს“, როდესაც საქართველოსთან თანამშრომლობის პერსპექტივებს მიუდგებიან პრაგმატულ და სამართლიან ჭრილში. თქვენ კი არ აგცდებათ პოლიტიკურ სანაგვეზე დამსახურებული ადგილი, გოროზიასთან და „ჩაბანებთან“ ერთად. სულ ცოტა ხანში, არა „ოღევუაღ“-ს, არამედ – „ადიო“-ს ადგილს მიგიჩენთ, თქვენთვის უცხო და ამოუცნობი ქართველი ერი“, – წერს ქართველიშვილი.