„რა იქნება სასოწარკვეთაში ჩავარდნილი ოპოზიციის შემდეგი ქმედება, არ ვიცით, თუმცა ალბათ ხვდებიან, რომ ბოლო ორდღიანმა მნიშვნელოვანმა ევროპულმა სამიტებმა ცხადყო ერთი რამ – თავად ევროპამ აღიარა, რომ საქართველო მათთვის სასიცოცხლოდ მნიშვნელოვანია“, – ამის შესახებ სოციალურ ქსელში „ხალხის ძალის“ წევრი თამარ ჩიბურდანიძე წერს. როგორც ჩიბურდანიძე აღნიშნავს, ოპოზიციას არ მოეწონება ევროპიდან წამოსული ეს პოზიტიური გზავნილები და მათგან ახალი პოლიტიკური ოინები მოსალოდნელია.

„ჯერ კიდევ ადრეა დასკვნების გამოტანა, თუ რა გადაწყვეტილებას მიიღებს ევროკავშირი სტატუსთან დაკავშირებით, თუმცა დადებითი მოლოდინები კიდევ უფრო გაამყარა გუშინ და დღეს ევროპიდან წამოსულმა პოზიტიურმა გზავნილებმა. ისიც გაურკვეველია, თუ რა პოზიციას აირჩევენ საბოლოოდ ოპოზიციის მხარდამჭერი ევროპელი პოლიტიკოსები, მაგრამ ისინი ხვდებიან, რომ მიუხედავად ბევრი მცდელობისა, მათი ქმედება ფუჭია. საქართველოს ხელისუფლებამ მათ პოლიტიკური ბრძოლა მოუგო.

ამიტომ, დარწმუნებული ვარ, ოპოზიციის დიდ ნაწილს არ მოეწონებოდა პოზიტიური გზავნილები ევროპიდან, რადგან სტატუსის მონიჭების შემთხვევაში ისინი თამაშგარე მდგომარეობაში რჩებიან და მოახლოებული არჩევნებიც პირწმინდად წაგებული აქვთ. ამიტომ მათი მხრიდან კიდევ ბევრ პოლიტიკურ ოინებს უნდა ველოდოთ.

რა იქნება სასოწარკვეთაში ჩავარდნილი ოპოზიციის შემდეგი ქმედება, არ ვიცით, თუმცა ალბათ ხვდებიან, რომ ბოლო ორდღიანმა მნიშვნელოვანმა ევროპულმა სამიტებმა ცხადყო ერთი რამ – თავად ევროპამ აღიარა, რომ საქართველო მათთვის სასიცოცხლოდ მნიშვნელოვანია. ამის ფონზე ოპოზიცია ვეღარ შეძლებს ისე წარმატებით იმუშაოს სტატუსის მონიჭების წინააღმდეგ, როგორც მუშაობდნენ აქამდე. თუმცა, საკუთარი ქვეყნის მტრობისთვის ფანტაზიები ეყოფათ“, – წერს თამარ ჩიბურდანიძე.

„აგვისტოს ომი გაციებული არ იყო, რომ ამ ნაძირალამ ქართული დროშა გამოგვიფინა რუსულთან ერთად და გვესაუბრებოდა ტურისტულ სარგებელსა და საზოგადოებრივ სიკეთეებზე“, – ასე აფასებს „ხალხის ძალის“ წევრი, ზურაბ ქადაგიძე მიხეილ სააკაშვილის მიერ რუს ტურისტთან ერთად, რუსული დროშის გვერდით ქართული დროშის მყინვარწვერზე აღმართვას.

ქადაგიძე სვამს კითხვას, რატომ გამოფინა იმდროინდელმა პრეზიდენტმა ქართული დროშა ოკუპანტი ქვეყნის დროშასთან ერთად 2013 წელს. „

ვიდეოც ყოფილა, ეს ბოგანო როგორ დაწანწალებს რუს ტურისტებთან ერთად… რა მაზალო რამეა ეს არქივი არა? აგვისტოს ომი გაციებული არ იყო, რომ ამ ნაძირალამ ქართული დროშა გამოგვიფინა რუსულთან ერთად და გვესაუბრებოდა ტურისტულ სარგებელსა და საზოგადოებრივ სიკეთეებზე… მაშინ არ იყო ოკუპაცია და კრემლს სხვა მთავრობა მართავდა თუ მაშინ სხვა გეოპოლიტიკური ვითარება იყო? ააა, მაშინ სხვა რამეებს გავალებდნენ თქვენი პატრონები და იმიტომაც ჭიკჭიკებდით განსხვავებულად!“ – წერს ქადაგიძე ფეისბუკზე.

ანალიტიკოსი გია აბაშიძე სოციალურ ქსელში აზიარებს „არქივი“-ს ვიდეოდან ნაწყვეტს და აღნიშნავს, რომ „ეს ვიდეო 2013 წელსაა გადაღებული. საქართველოს მაშინდელმა პრეზიდენტმა, ლაჩარმა სააკაშვილმა იალბუზზე რუსული დროშა ააფრიალა.“

როგორც აბაშიძე წერს, სიმბოლური იყო, რომ „ვარდების რევოლუციის“ 10 წლისთავზე „ნაციონალური მოძრაობა“ ოკუპანტის დროშით იწონებდა თავს, რაც ნაცსექტის ბუნებრივი მდგომარეობაა.

„ეს ვიდეო 2013 წელსაა გადაღებული. საქართველოს მაშინდელმა პრეზიდენტმა, ლაჩარმა სააკაშვილმა იალბუზზე რუსული დროშა ააფრიალა. სიმბოლური იყო, რომ „ვარდების რევოლუციის“ 10 წლისთავზე ღალატის პარტია, „ნაციონალური მოძრაობა“ ოკუპანტის დროშით იწონებდა თავს. ეს ნაცსექტის ბუნებრივი მდგომარეობაა“, – წერს გია აბაშიძე.