ექსპერტი პოლიტიკის საკითხებში გია ხუხაშვილი მედიასთან აცხადებს, რომ  საქართველოს პრეზიდენტის სალომე ზურაბიშვილის მენეჯერული თვისებები კატასტროფაა.

ხუხაშვილი საქართველოს პრეზიდენტს თავნება ადამიანსაც უწოდებს.

„სალომე ზურაბიშვილი  „სასარგებლო ბრიყვის“ როლს თამაშობს საერთაშორისო არენაზე ამ ხელისუფლებისთვის იმიტომ, რომ ამათ მამაძაღლობას ყველაფერს პირს ბანს საერთაშორისო ტრიბუნაზე.

სალომე ზურაბიშვილი „მარტო სახლშია“, მშვენივრად ეპრანჭება დასავლეთს და ავტორიტეტი გაიმყარა დასავლეთში და აქაც სულ აჩენს ყალბ მოლოდინებს, იპოვა ეს ნიშა და ამ ნიშაშია.

სალომე ზურაბიშვილის მენეჯერული თვისებები კატასტროფაა, ორ ბატს ვერ ჩააბარებს ადამიანი, არც ბიძინა ივანიშვილისთვისაა სანდო. თავნება ადამიანია მაინც“, – აცხადებს გია ხუხაშვილი.

“ღარიბოვი, ტარიელოვიჩი – ასე უნდა ვეძახოთ, იმიტომ, რომ რუსებს უყვართ ასე: ირაკლი ტარიელოვიჩ ღარიბოვი, ეს არის მისი სახელი და გვარი. საერთოდ, რუსეთუმეებს უყვართ მამის სახელით მიმართვა”–  გუბაზ სანიკიძემ მედიასთან განაცხადა

მისი თქმით, ქართულში არ არსებობს მამის სახელით მიმართვის ფორმა, ხოლო რუსებში ეს მიღებულია და ყველა ქართველი, ვისაც მამის სახელით მიმართვა მოსწონს, არის რუსეთუმე, რუსეთის მონა და მეხოტბე.

ლევან ხაბეიშვილის შეფასებით, ნაც.მოძრაობიდან წასვლის შემდეგ, ხატია დეკანოიძე, ირაკლი კობახიძის რიტორიკით ალაპარაკდა

“იცით რაზე ვწუხვარ? ხატია დეკანოიძე რომ გავიდა “ნაციონალური მოძრაობიდან” და რიტორიკა შეცვალა, ზუსტად, “ქოცი” რომ ლაპარაკობს, კობახიძე, იმედი და პოსტვ რომ ლაპარაკობენ, იმ რიტორიკით ალაპარაკდა.

“სხვათა შორის, ვინმეზე რამის დაბრალება არ მინდა, მაგრამ უცებ, ბ იუჯეტიდან 11 ათასი ლარი მიიღეს თვეში და “ნაციონალური მოძრაობის” ლანძღვაში უხდიან ფულს?– განაცხადა ლევან ხაბეიშვილმა

სექტემბერ – ოქტომბერში, ხაბეიშვილი ნაციონალური მოძრაობის პარტიის თავმჯდომარე აღარ იქნება…- ამის შესახებ „ნაციონალური მოძრაობის“ წევრმა, მამუკა გუგეშაშვილმა მედიასთან განაცხადა. „11 ეს ბელადი მოვიტანეთ როგორ იცი? ცუდი იყო თუ კარგი არავის ეჭვი არ შემპარვია. კიდე ვიძახი, ვიღაცა გვმართავდა არაფორმალურად და არავის ეჭვი შეუტანია. ფაქტობრივად გვმართავენ. აბა, ხაბეიშვილი წყვეტს რამეს? დარწმუნებული ვარ, სექტემბერ – ოქტომბერში, ხაბეიშვილი ნაციონალური მოძრაობის პარტიის თავმჯდომარე აღარ იქნება… ახალი თავმჯდომარე ვინ იქნება მე არ ვიცი. ყოველ შემთხვევაში ხაბეიშვილის შეცვლა, უნდათ… ვანო მერაბიშვილის მიხვდა, რომ ხაბეიშვილი უკვე ვერ მართავს პარტიას, ფაქტობრივად დაყო“, – განაცხადა მამუკა გუგეშაშვილმა.

მე, რაც გამიკეთა ეს იყო საზიზღარი ღალატი – ამის შესახებ პარტია „კანონის და სამართლის“ ლიდერმა თაკო ჩარკვიანმა მედიასთან “ ნიკა მელიაზე საუბრისას განაცხადა. მე არ მიყვარს ადამიანები, როდესაც ღალატობენ ყველა ღირებულებას და ამ ღალატის დროს უნდა, რომ შენც გაგხადოს თანამონაწილე. ვერავინ ვერასოდეს ვერ გამხდის ჭუჭყიანი სვლის თანამონაწილედ. როდესაც საუბარი იყო 2018 წელს, ჩემთან სახლში, რა მოლაპარაკებაც იყო, ყველაფერს უღალატა. არაფერი არ შეინარჩუნა. ასევე, დაარღვია გრიგოლ ვაშაძის მიმართ. როგორ ლანძღავდა ბატონ გრიგოლს, ეთერი არ გამოუტოვებია… დაკავების შემდგომ სხვა მდგომარეობაში დაიწყო მან საუბარი. მე არ მინდა განვიხილო, ეს მასზე იყოს. ყოველ შემთხვევაში მივხვდი, რომ ეს ადამიანი არის საშიში ბრძოლაში და არ არის სანდო. მოვექეცი ისე როგორც არასანდო ადამიანებს ექცევიან…“, – განაცხადა თაკო ჩარკვიანმა.

„ყველა, მინუს „ნაციონალური მოძრაობა“ – ამ ახალი ოპოზიციური გაერთიანების ინიციატივას პარტია „ლელო“ აყენებს.

ამასთან, პარტია „ლელოს“ ლიდერი ბადრი ჯაფარიძე აცხადებს, რომ „ნაციონალურ მოძრაობასთან“ ერთად არანაირ გაერთიანებაზე წამსვლელი არ არის.

„ჩვენი პრინციპული პოზიციაა, რომ წინა საარჩევნოდ „ნაციონალურ მოძრაობასთან“ ერთად არანაირ გაერთიანებაზე წამსვლელი „ლელო“ არ არის. მიგვაჩნია, რომ ასეთი ტიპის გაერთიანება აძლევს ხელს „ოცნებას“. ჩვენ სწორედ ამაში ვხედავთ გამარჯვების გასაღებს, რომ შეიქმნას ალტერნატიული პოლიტიკური მიზიდულობის ცენტრი, სადაც იქნებიან პროევროპული პარტიები თავმოყრილი. კარი ყველასთვის ღია იქნება“, – აცხადებს ბადრი ჯაფარიძე. 

შეგახსენებთ, „ერთიანი ნაციონალური მოძრაობა“ 2024 წლის არჩევნებზე გაერთიანებას ყველა ოპოზიციურ პარტიას სთხოვს.

სამწუხაროა, რომ ასეთ მოვლენასთან გვაქვს საქმე, ყველა კონსტიტუციური ორგანოს ვალდებულება და პასუხისმგებლობაა, რომ სახელმწიფო ინსტიტუტების ფუნქციონირებას ხელი შეუწყოს და ხელი არ შეუშალოს, – ამის შესახებ პარლამენტის თავმჯდომარემ, შალვა პაპუაშვილმა განაცხადა.

პაპუაშვილის თქმით, პრეზიდენტი ცესკო-სა და ეროვნული ბანკის სათანადო ფუნქციონირებას ხელს არ უწყობს.

„სამწუხაროდ, ეს ცესკო-სა და ეროვნული ბანკის მაგალითზე ვნახეთ, რომ პრეზიდენტი ამ ორგანოების სათანადო ფუნქციონირებას ხელს არ უწყობს და პირიქით, იმით, რომ კანდიდატების წარმოდგენა არ ხდება, ახალისებს იმას, რომ ინსტიტუტების ფუნქციონირებას პრობლემა შეექმნას. პრეზიდენტის ადმინისტრაციის განმარტება მოვისმინეთ და სიმართლე გითხრათ, ამ განმარტებით გაკვირვებული ვარ. ითქვა, რომ ლაშა ხუციშვილი არის პროფესიონალი და ამ თვალსაზრისით კითხვა არ არსებობდა, თუმცა თითქოს კითხვის ნიშანი არსებობს მის დამოუკიდებლობასთან დაკავშირებით. ვფიქრობ, რომ პრეზიდენტის ადმინისტრაციას ერთი რამე არ ესმის, რომ შეუძლებელია პროფესიონალიზმისა და დამოუკიდებლობის ერთმანეთისგან გამიჯვნა. დამოუკიდებლობა პროფესიონალიზმის შემადგენელი ნაწილია. თუ ვინმეს პროფესიონალად აფასებენ, ეს იმას ნიშნავს, რომ ის ფასდება მისი დამოუკიდებლობით ან მაშინ გამოდის, რომ შეფასების კრიტერიუმად, პროფესიონალიზმის კრიტერიუმად ისინი დამოუკიდებლობას არ იღებენ. ამიტომ, ეს არის მთავარი პრობლემა იმის, რაც, სხვათა შორის, სხვა დროსაც ყოფილა. როგორც ჩანს, სინამდვილეში, გაურკვევლობა არის იმის, თუ როგორ უნდა შეაფასონ კანდიდატი.შეუძლებელია, ადამიანი დამოკიდებული იყოს სხვაზე და ის იწოდებოდეს პროფესიონალად. რა თქმა უნდა, გარკვეული ტენდენცია იკვეთება. ერთი მხრივ, შეფასება ხდება კანდიდატების, რომ ისინი არიან პროფესიონალები, გამოცდილები, მაგრამ თან ხდება ამ კანდიდატების ხელოვნურად ჩაგდება, არწარდგენა და ა.შ. არ მინდა, შევაფასო ამის რა მოტივაციებია, თუმცა ის, რომ ეს არ ადგება სახელმწიფო ინსტიტუტების გამართულ ფუნქციონირებას, ეს ფაქტია“, – განაცხადა პაპუაშვილმა.