„ნაცმოძრაობაში“ მიმდინარე პროცესები კარგად წარმოაჩენს ამ პარტიის რესურსსაც და პოტენციალსაც, რომელიც ნულს ქვემოთ არის, – ამის შესახებ პარლამენტის ფრაქცია „ქართული ოცნების“ თავმჯდომარის პირველი მოადგილე, რატი იონათამიშვილი აცხადებს.

მისივე თქმით, ამ საკითხზე სერიოზული კომენტარის გაკეთება უხერხულია.

„ნაცმოძრაობაზე“ სერიოზული კომენტარების გაკეთება უკვე უხერხულია, იმდენად არასერიოზული ორგანიზაცია გახდა ეს პოლიტიკური პარტია. ამავდროულად, ეს ძალიან კარგად წარმოაჩენს ამ პარტიის რესურსსაც და პოტენციალსაც, რომელიც ნულს ქვემოთ არის. ეს ყველაფერი კონკრეტულ რიცხვებში უკვე 2024 წლის არჩევნებში გამოიხატება“, – აღნიშნა რატი იონათამიშვილმა.

29 ნოემბერს „ნაციონალურ მოძრაობაში“ პოლიტსაბჭოს სხდომა გაიმართა, რომელსაც პოლიტიკური საბჭოს გაფართოების გადაწყვეტილება მიიღეს. როგორც „ნაცმოძრაობის“ წევრები აცხადებენ, ყველა, ვინც მიხეილ სააკაშვილის ერთობის მანიფესტს გაიზიარებს, საბჭოს შემადგენლობას დაემატება.

საქართველოს საგარეო საქმეთა მინისტრი ილია დარჩიაშვილი ეუთო-ს მინისტერიალში მონაწილეობს.

საგარეო საქმეთა სამინისტროს ინფორმაციით, ღონისძიების ფარგლებში, საქართველოს საგარეო საქმეთა მინისტრმა, ილია დარჩიაშვილმა კოლეგებთან ერთად მონაწილეობა მიიღო არაფორმალური ხასიათის შეხვედრაში, სადაც განხილვის თემა რეგიონსა და მსოფლიოში არსებული გამოწვევების ფონზე ეუთო-ს ეფექტიანი ფუნქციონირების საკითხი იყო.

ვიზიტის ფარგლებში, ილია დარჩიაშვილი მონაწილეობას მიიღებს და სიტყვით გამოვა მინისტრთა კომიტეტის სხდომაზე, ასევე ორმხრივ შეხვედრებს გამართავს ევროპელ კოლეგებთან და ეუთო-ს წარმომადგენლებთან.

„ნაციონალური მოძრაობის“ წევრი დავით ლაგვილავა აცხადებს, რომ პარტიის თავმჯდომარე ლევან ხაბეიშვილი დაკავებული თანამდებობისთვის შეუფერებელია და უნდა გადადგეს.

„ჩვენ ვითხოვთ ლევან ხაბეიშვილის გადადგომას, ვინაიდან მიგვაჩნია, რომ ის არის შეუფერებელი დაკავებული თანამდებობისთვის. ბოლო 10 თვის განმავლობაში მან და ახალმა მენეჯმენტმა გადადგეს მთელი რიგი არასწორი ნაბიჯები, რომლებიც ხლეჩს და ანგრევს პარტიის სტრუქტურას“, – აღნიშნა ლაგვილავამ.

29 ნოემბერს „ნაციონალურ მოძრაობაში“ პოლიტსაბჭოს სხდომა გაიმართა, რომელსაც პოლიტიკური საბჭოს გაფართოების გადაწყვეტილება მიიღეს. როგორც „ნაცმოძრაობის“ წევრები აცხადებენ, ყველა, ვინც მიხეილ სააკაშვილის ერთობის მანიფესტს გაიზიარებს, საბჭოს შემადგენლობას დაემატება.

განათლებისა და მეცნიერების კომიტეტის თავმჯდომარე გივი მიქანაძე აცხადებს, რომ „ნაცმოძრაობა“ ფაქტობრივად დაშლის პირასაა, რაც საზოგადოებისა და ჩვენი ქვეყნისთვის მხოლოდ პოზიტიურია.

„გადაწყვეტილება პოლიტსაბჭოს გაფართოებასთან დაკავშირებით სხვა არაფერია თუ არა ის, რომ წყალწაღებული ხავსს ეჭიდებოდაო. 20 კაცს დაიმატებენ პოლიტსაბჭოში და შექმნიან უაზრო სტრუქტურას, თუ რა ნაბიჯს გადადგამენ, ფაქტია, რომ ეს პროცესი, რომელიც წლებია გრძელდება, მივიდა პიკურ მდგომარეობამდე. ეს პარტია ფაქტობრივად დაშლის პირასაა, რაც საზოგადოებისა და ჩვენი ქვეყნისთვის მხოლოდ პოზიტიურია“, – აღნიშნა გივი მიქანაძემ.

29 ნოემბერს „ნაციონალურ მოძრაობაში“ პოლიტსაბჭოს სხდომა გაიმართა, რომელსაც პოლიტიკური საბჭოს გაფართოების გადაწყვეტილება მიიღეს. როგორც „ნაცმოძრაობის“ წევრები აცხადებენ, ყველა, ვინც მიხეილ სააკაშვილის ერთობის მანიფესტს გაიზიარებს, საბჭოს შემადგენლობას დაემატება.