ერთგვარი დამახასიათებელი ნიშანი გახდა პრეზიდენტის მხრიდან პოლიტიკის წარმოებისა, რომ თუ მოქმედი კანონმდებლობა არ ანიჭებს მას შესაძლებლობას, რაღაც გადაწყვეტილება მიიღოს, ის პოლიტიკურ მიზანშეწონილობას ყოველთვის კანონსა და კონსტიტუციაზე მაღლა აყენებს. ეს სამართლებრივი სახელმწიფოს პრინციპის უგულებელყოფაა, – ამის შესახებ ადამიანის უფლებათა კომიტეტის თავმჯდომარემ მიხეილ სარჯველაძემ „ქრონიკაში“ განაცხადა.

მისივე თქმით, ეს არის ყველაზე ნახევრად ევროპული დამოკიდებულებაა.

„სამწუხაროდ, ეს სტილი ჰქონდა ნაცმოძრაობის მმართველობას, პირადად სააკაშვილს. ვიდრე ბრალმდებლის როლში წარმოდგება პრეზიდენტი, უნდა გაითვალისწინოს, აქვს თუ არა საკმარისი საფუძველი, რომ ვინმეს ბრალი წაუყენოს“, – განაცხადა სარჯველაძემ.

პრეზიდენტის, განსაკუთრებით ბოლო პერიოდის ქმედებებს თუ დავაჯგუფებთ და გავაანალიზებთ, ნამდვილად ვერ დაგვრჩება შთაბეჭდილება, რომ ის ქვეყნის ინტერესების ფარგლებში მოქმედებს , – ამის შესახებ საქართველოს პარლამენტის აგრარულ საკითხთა კომიტეტის თავმჯდომარემ, ნინო წილოსანმა ჟურნალისტებს განუცხადა.

„რაც თვალნათელია, არის ის, რომ ოთარ ფარცხალაძე რჩება საქართველოს მოქალაქედ და, სამწუხაროდ, იმის მიუხედავად, რომ ის რეალურად რუსეთის მოქალაქეა, ამერიკის დაწესებული სანქციები პირველად მიემართება საქართველოს მოქალაქეს“, – აღნიშნა წილოსანმა.

საქართველოს პრეზიდენტის ადმინისტრაციის განცხადებით, სახელმწიფო ინტერესებიდან გამომდინარე, სალომე ზურაბიშვილს ოთარ ფარცხალაძისთვის მოქალაქეობის შეწყვეტა ამ ეტაპზე მიზანშეწონილად არ მიაჩნია

ისეთი შთაბეჭდილება რჩება საზოგადოებას და ყველა ჩვენგანს, თითქოს პრეზიდენტს პირდაპირ მოსთხოვეს, რომ ფარცხალაძისთვის არ შეეწყვიტა მოქალაქეობა , – ამის შესახებ საპარლამენტო უმრავლესობის წევრმა, პარლამენტის ვიცე-სპიკერმა არჩილ თალაკვაძემ განაცხადა.

მისი თქმით, როგორც ჩანს, პოზიციის ცვლილება ემსახურება იმას, რომ ფარცხალაძის საკითხი დარჩეს დღის წესრიგში უფრო დიდი ხნის განმავლობაში.

„როგორც ჩანს, პოზიციის ცვლილება ემსახურება იმას, რომ ფარცხალაძის საკითხი დღის წესრიგში უფრო დიდი ხნის განმავლობაში დარჩეს და ოპოზიციას, რომელსაც თავი გააქვს თვიდან თვემდე ასეთი ტიპის თემებით, არაფერი საქმიანი აღარ აქვს თავის დღის წესრიგში, როგორმე კიდევ დაუტოვონ რაიმე სალაპარაკო, რითაც შეძლებენ თავისი ამომრჩევლები მოატყუონ. ძალიან სამწუხაროა, რომ ასეთი ტიპის დამოკიდებულებაა“, – განაცხადა არჩილ თალაკვაძემ.

საქართველოს პრეზიდენტის ადმინისტრაციის განცხადებით, სახელმწიფო ინტერესებიდან გამომდინარე, სალომე ზურაბიშვილს ოთარ ფარცხალაძისთვის მოქალაქეობის შეწყვეტა ამ ეტაპზე მიზანშეწონილად არ მიაჩნია.

საქართველოს პარლამენტისა და აზერბაიჯანის რესპუბლიკის მილი მეჯლისის კულტურის კომიტეტებს შორის თანამშრომლობის მემორანდუმი გაფორმდა, – ამის შესახებ ინფორმაციას საქართველოს პარლამენტის პრესსამსახური ავრცელებს.

მათივე ცნობით, საქართველოს პარლამენტის მხრიდან მემორანდუმს ხელი მოაწერა კულტურის კომიტეტის თავმჯდომარემ ელისო ბოლქვაძემ, რომელიც სამუშაო ვიზიტით აზერბაიჯანის რესპუბლიკაში იმყოფება.

„აზერბაიჯანის მილი მეჯლისის მხრიდან კი საქართველოსთან აზერბაიჯანის საპარლამენტო მეგობრობის ჯგუფის ხელმძღვანელმა, არზუ ნაგიევმა.

კომიტეტები მემორანდუმის ფარგლებში, ეროვნული კანონმდებლობისა და საერთაშორისო სამართლის ნორმების შესაბამისად, ხელს შეუწყობენ ორი ერის კულტურის განვითარებასა და პოპულარიზაციას.

საქართველოსა და აზერბაიჯანის პარლამენტების კომიტეტებს შორის თანამშრომლობის მემორანდუმზე ხელმოწერის ცერემონიალს ესწრებოდნენ პარლამენტის წევრი სავალან მირზოევი , მილი მეჯლისის კულტურის კომიტეტის წევრები და აზერბაიჯანში საქართველოს ელჩი ზურაბ პატარაძე“, – აღნიშნულია გავრცელებულ ინფორმაციაში.

კონსტანტინე ზარნაძე გლდანში მომხდარ დაპირისპირებასთან დაკავშირებით მედიასთან საუბრობს.

თბილისის საკრებულოში გლდანის მაჟორიტარი დეპუტატი ბრალდებებს უარყოფს და ამბობს, რომ ვის სახელებსა და გვარებსაც ეძგვერაძე თავდამსხმელებად ასახელებს, ისინი ეძგვერაძის ბავშვობის მეგობრები არიან.

“მინდა ჯანმრთელობა ვუსურვო ირაკლის, ფაქტი ძალიან სამწუხარო და ცუდია. საკრებულოში და პარლამენტში ხშირია დაძაბულობა, მაგრამ ამ კონფლიქტებს და განხილვას არასდროს დაუტოვებია საკრებულოს კედლები. ირაკლი ისეთ სახელებს ასახელებს სავარაუდო დამნაშავეებად, რომელი სახელები და გვარები მისთვის კარგად არის ნაცნობი. ეს ყველაფერი ყველაზე მეტად გვაზარალებს ჩვენ მმართველ პარტიას, როგორ შეიძლება ეს გვინდოდეს? ეს რაც მოხდა პიარული კუთხით აწყობდა ოპოზიციას,”- აცხადებს ზარნაძე.

პარალელურად, სახალხო დამცველის აპარატის მიმართვის საფუძველზე, სპეციალური საგამოძიებო სამსახურის გამომძიებელი თბილისის მთავარ სამმართველოში დაკავებულ ნიკა მელიას შეხვდა. თუმცა ნაციონალური მოძრაობის ყოფილი თავმჯდომარე თანამშრომლობაზე უარს აცხადებს.

პრეზიდენტის დისკრეციაა, რომ ასე მოიქცეს, მაგრამ რა კავშირშია, ოთარ ფარცხალაძე საქართველოს მოქალაქედ დაისჯება თუ რუსეთის, არ ვიცი, – ამის შესახებ ოპოზიციონერმა დეპუტატმა, ალექსანდრე რაქვიაშვილმა განაცხადა.

როგორც ალექსანდრე რაქვიაშვილმა განაცხადა, ფარცხალაძის მოქალაქეობის შეწყვეტაზე უარის თქმით პრეზიდენტს სამართლებრივად რა მიზეზი აქვს, გაუგებარია.

„სამართლებრივად რა მიზეზი აქვს, არ მესმის, მაგრამ პოლიტიკურად შეიძლება. ამ ვითარებას თუ პოლიტიკურად შევხედავთ, ფარცხალაძის საქართველოს მოქალაქედ დატოვება აჩენს რისკებს სანქცირების ნაწილში. „ქართულ ოცნებას“ თუ უნდოდა, სწრაფად დაემთავრებინა ეს სიტუაცია და მაქსიმალურად უმტკივნეულოდ გამოსულიყო, რადგან მოიხსნებოდა საკითხები შესაძლო შემდგომი სანქცირების, იმიტომ, რომ ფარცხალაძე საქართველოს მოქალაქეა და სანქციების ნაწილი არ ვრცელდება, ეს რისკი რჩება და, შესაძლოა, ასე პრეზიდენტმა უპასუხა „ქართულ ოცნებას“, რომელსაც პრობლემა ვერ მოეხსნა და, შესაძლოა, ნერვიულობა გააგრძელონ. მგონი, ამ შემთხვევაში კანონი არ ირღვევა, მაგრამ ამაზე იურისტებმა იმსჯელონ, უკეთესია“, – განაცხადა რაქვიაშვილმა.