საქართველოს პრემიერ-მინისტრი ირაკლი ღარიბაშვილი ფრანკოფონიის საპარლამენტო ასამბლეის პრეზიდენტს ფრანსის დრუენს შეხვდა.

შეხვედრაზე ყურადღება გამახვილდა საქართველოს მთავრობასა და ფრანკოფონიის საპარლამენტო ასამბლეას შორის არსებულ თანამშრომლობაზე.

საუბრისას ხაზი გაესვა კავშირების მნიშვნელობას კულტურისა და განათლების მიმართულებით. აქვე, აღინიშნა 5 ქართული უნივერსიტეტის თანამშრომლობა ფრანკოფონიის საუნივერსიტეტო სააგენტოსთან.
ასევე, განიხილეს, ფრანგული ენის პოპულარიზაციის გარდა, ფრანკოფონიის საპარლამენტო ასამბლეის როლის მნიშვნელობა დემოკრატიის განვითარებისა და ადამიანის უფლებების დაცვის საქმეში, რა კუთხითაც ის წარმოადგენს ერთგვარ პლატფორმას წევრ ქვეყნებს შორის.

როგორც მთავრობის მეთაურმა აღნიშნა, ქართული მხარე გამოთქვამს მზადყოფნას, რომ გააღრმაოს თანამშრომლობა ფრანკოფონიის საპარლამენტო ასამბლეასთან.

მთავრობის ადმინისტრაციაში გამართული შეხვედრის შემდეგ, ფრანსის დრუენმა საქართველოს პრემიერ-მინისტრი დიდი კომანდორის ხარისხის მედლით დააჯილდოვა და სპეციალური სერტიფიკატი გადასცა.

შეხვედრას ფრანკოფონიის საპარლამენტო ასამბლეის საპარლამენტო საქმეთა გენერალური მდივანი ბრუნო ფუქსი, ფრანკოფონიის საპარლამენტო ასამბლეის ადმინისტრაციულ საკითხთა გენერალური მდივანი დამიენ სესლენი, ხოლო საქართველოს მხრიდან, საქართველოს მთავრობის ადმინისტრაციის უფროსი რევაზ ჯაველიძე და ფრანკოფონიის საპარლამენტო ასამბლეაში საქართველოს პარლამენტის მუდმივმოქმედი დელეგაციის ხელმძღვანელი დავით სონღულაშვილი ესწრებოდნენ.

საქართველოს ეროვნული ბანკის მიერ გამოქვეყნებული მონაცემების თანახმად, 7 ივლისისთვის ერთი ამერიკული დოლარი 2.5969 ლარი ეღირება, ევრო – 2.8270 ლარი, ხოლო ბრიტანული გირვანქა სტერლინგი – 3.3162 ლარი.

დღეს კი, ოფიციალური კურსით, ერთი ამერიკული დოლარი 2.6019 ლარი ღირდა, ევრო – 2.8316 ლარი, ხოლო ფუნტი – 3.3057 ლარი.

დღევანდელი ვაჭრობის შედეგად მიღებული კურსი ხვალ, 7 ივლისს ამოქმედდება.

ჩვენ არაფრის გვეშინია. მოვუწოდებ საზოგადოებას, კარგად დაფიქრდეს, რა ძალასთან გვაქვს საქმე. ეს ადამიანები არ გვაცდიან მოქალაქეებთან შეხვედრას, ეს ხალხი გადასულია ძალადობაზე და ეს არის ბოლო ჟამი და ეს ბოლო ჟამი დადგა მას შემდეგ და ისტერიკა დაიმართეს მას შემდეგ, რაც მთავარმა ანტიპუტინისტმა, პრეზიდენტმა სააკაშვილმა გააკეთა განცხადება, რომ ის ერთვება პოლიტიკაში, – ამის შესახებ „ნაციონალური მოძრაობის“ თავმჯდომარემ ლევან ხაბეიშვილმა საგარეჯოში მომხდარ ინციდენტზე საუბრისას განაცხადა.

ლევან ხაბეიშვილმა ის პირები დაასახელა, რომლებიც მისი თქმით, ინციდენტის ორგანიზატორები და მონაწილეები იყვნენ.

„ამ ქვებს დღეს პენსიონერებს ვინ ესროდა? უნდათ წარმოაჩინონ, რომ ხალხი. რა ხალხი? ესენი არიან ბიძინა ივანიშვილის დაქირავებული “ტიტუშკები”. „ნასედკა“ ნომერი ერთი – საგარეჯოს საკრებულოს თავმჯდომარის მოადგილე ლექსო იოსელიანი, რომელიც იყო ორგანიზატორი ამ ქვების სროლის. „ნასედკა“ ნომერი ორი – საგარეჯოს საკრებულოს „ქართული ოცნების“ ფრაქციის თავმჯდომარე, ვანო ბეჟიაშვილი. სუს-ის “ნასედკა” ნომერი სამი – ვეფხია უსტიაშვილი, საგარეჯოს საკრებულოს სპორტისა და ახალგაზრდობის კომისიის თავმჯდომარე, ახალგაზრდა რუსი „პუტინისტი“, ღარიბაშვილის და კობახიძის გაგრძელება. ირაკლი რუაძე, საგარეჯოს საკრებულოს წევრი. ეს არის ის 4 ადამიანი, რომელთა იდენტიფიცირებაც 40 წუთში მოვახერხეთ. ჩვენ არაფრის გვეშინია. მოვუწოდებ საზოგადოებას, კარგად დაფიქრდეს, რა ძალასთან გვაქვს საქმე. ეს ადამიანები არ გვაცდიან მოქალაქეებთან შეხვედრას, ეს ხალხი გადასულია ძალადობაზე და ეს არის ბოლო ჟამი და ეს ბოლო ჟამი დადგა მას შემდეგ და ისტერიკა დაიმართეს მას შემდეგ, რაც მთავარმა ანტიპუტინისტმა, პრეზიდენტმა სააკაშვილმა გააკეთა განცხადება, რომ ის ერთვება პოლიტიკაში. დიახ, პრეზიდენტ სააკაშვილთან ერთად, მოსახლეობასთან ერთად ჩვენ ვაპირებთ აი, ამ ქვასროლია „პუტინისტებს“ კუდით ქვა ვასროლინოთ პოლიტიკურად და მოვაშოროთ საქართველოს ხელისუფლებას. ყველამ კარგად იცოდეთ, გავაგრძელებთ შეხვედრებს, რისიც ასე ეშინიათ. თუ უნდა ჩავსულიყავი 150 სოფელში, ქალაქში, მუნიციპალიტეტში და რაიონში, ახლა ჩავალ 240-ში“, – განაცხადა ხაბეიშვილმა.

ინფორმაციისთვის, „ნაციონალური მოძრაობის“ თავმჯდომარე ლევან ხაბეიშვილს და მის თანაპარტიელებს, რომლებიც პენსიონერებს ხვდებოდნენ საგარეჯოში, სიტყვიერად და ფიზიკურად დაუპირისპირდნენ.

ხაბეიშვილის საქმიანობა მიმართულია დაძაბულობის კერების შექმნისკენ, რაც პოლარიზაციის სურათის წარმოჩენას ემსახურება, – ამის შესახებ პარლამენტის საპროცედურო საკითხთა კომიტეტის თავმჯდომარემ, ირაკლი ქადაგიშვილმა განაცხადა.

ირაკლი ქადაგიშვილი მოუწოდებს ლევან ხაბეიშვილს, პროვოკაციების მოწყობისგან თავი შეიკავოს.

ამასთან, როგორც ქადაგიშვილმა აღნიშნა, შუღლი და დაპირისპირება ხელისუფლების ინტერესებში არ შედის.

„ყოველგვარი ექსცესი, რომელიც წარმოიშობა, ხელისუფლების ინტერესში არ შედის, რადგან ეს ხელს უწყობს შუღლისა და დაპირისპირების გაღვივებას. შემდგომში ეს გამოიყენება საქართველოს ევროინტეგრაციის გზაზე შემაფერხებელ ფაქტორად, როგორც პოლარიზაციის არგუმენტად. ამაში ხელისუფლება დაინტერესებული არ არის. ხაბეიშვილის საქმიანობისა და პოლიტიკური არტიკულაციის სტილი მიმართულია იმისკენ, რომ კონფლიქტის, დაძაბულობის კერები შექმნას, რაც პოლარიზაციის სურათის წარმოჩენას ემსახურება. ხაბეიშვილის პარტიის თავმჯდომარედ მოყვანის მიზანი იყო, მელიასგან განსხვავებით, მრავალი პროვოკაცია განეხორციელებინა. მოვუწოდებ, პროვოკაციებისგან თავი შეიკავოს“, – განაცხადა ირაკლი ქადაგიშვილმა.

დღეს საგარეჯოში „ნაციონალური მოძრაობის“ თავმჯდომარეს, ლევან ხაბეიშვილსა და პარტიის წევრებს ადგილობრივები დაუპირისპირდნენ. დაახლოებით ერთი კვირის წინ ლევან ხაბეიშვილის მოქალაქეებთან შეხვედრას დაპირისპირება მოჰყვა კასპშიც.