საპატრიარქოს საზოგადოებასთან ურთიერთობის სამსახურის ხელმძღვანელის ანდრია ჯაღმაიძის განცხადებით, საქართველოს საპატრიარქოს წინააღმდეგ წლების განმავლობაში აქტიურად მიმდინარეობს სასულიერო პირების, პატრიარქის და მისი მოსაყდრის ნეგატიურ ჭრილში წარმოჩენის კამპანია.

„ეს კამპანია არ შეწყვეტილა წლების განმავლობაში. თითქოს ვიღაცას აქვს დავალება, რომ მუდმივად იყოს დღის წესრიგში თემა – ეკლესიის, სასულიერო პირების, პატრიარქის, საპატრიარქო ტახტის მოსაყდრის ნეგატიურ ჭრილში გამოჩენის“, -ჯაღმაიძემ მედიასთან განაცხადა

ჯაღმაიძე მიიჩნევს, რომ მსგავსი აბსურდული შეტევები, როგორიც მაგალითად ცოტა ხნის წინ გაისმა ნიკა გვარამიას გადაცემიდან, თითქოს მეუფე შიო რუსეთის აგენტია, მასზე იმ დღიდან მიმდინარეობს, რაც პატრიარქმა მოსაყდრედ დაასახელა.

„მეუფე შიოს მდივანი არის ამერიკის მოქალაქე. 30 წელი ხელმძღვანელობდა მის მეუღლესთან ერთად „ამერიკის ხმის“ ქართულ რედაქციას. ერთი წუთით წარმოვიდგინოთ, რომ მის მდივანს ჰქონდეს რუსეთის მოქალაქეობა, როგორი საფუძველი გახდებოდა იმის მტკიცების, რომ უეჭველი კავშირი არსებობს რუსეთთან და ამ შემთხვევაში კი ეს იგნორირებულია. მსგავსი აბსურდული შეტევები უწყვეტ რეჟიმში მიმდინარეობს მას შემდეგ, რაც მოსაყდრედ გამოარჩია პატრიარქმა და დაასახელა“, – განაცხადა ჯაღმაიძემ.

საავტომობილო გზების დეპარტამენტი ტელეკომპანია „მთავარის“ მიერ გავრცელებულ ინფორმაციას მორიგ სიცრუეს უწოდებს, თითქოს რუსეთთან დამაკავშირებელ გზაზე ოთხზოლიანი მაგისტრალი შენდება.

„გვსურს გამოვეხმაუროთ ტელეკომპანია „მთავარის“ მიერ გავრცელებულ მორიგ სიცრუეს, თითქოს რუსეთთან დამაკავშირებელ გზაზე ოთხზოლიანი მაგისტრალი შენდება.

ტენდერი, რომელსაც სიუჟეტში ტყუილის დამადასტურებელ ფაქტად იყენებენ, საქართველოს საავტომობილო გზების დეპარტამენტმა, გამოაცხადა თბილისის გასასვლელი გზის გაფართოებისთვის. ეს არის მონაკვეთი თბილისის გასასვლელიდან ნატახტრამდე.

უფრო ზუსტად, ტენდერი გამოცხადებულია საერთაშორისო მნიშვნელობის თბილისი-სენაკი-ლესელიძის საავტომობილო გზის 11 კმ-იანი მონაკვეთის (კმ17-კმ28, თბილისი-ნატახტარი) მოდერნიზაცია-მშენებლობის ტექნიკურ-ეკონომიკური დასაბუთებისა და პროექტის მოსამზადებლად.

აღსანიშნავია ისიც, რომ თბილისი-ნატახტრის მონაკვეთი აღმოსავლეთ-დასავლეთის ჩქაროსნული ავტომაგისტრალის (E60-ის), ანუ სწორედ ევროპული საერთაშორისო მაგისტრალის შემადგენელი ნაწილია და არ წარმოადგენს რუსეთთან დამაკავშირებელ გზას, როგორც ამას სიუჟეტის ავტორები ამტკიცებენ.

პროექტის მიზანია თბილისის შემოსასვლელი გზის გამტარობის გაზრდა და საგზაო უსაფრთხოების ხარისხის გაუმჯობესება.

ინფორმაცია ტენდერზე არის საჯარო და ხელმისაწვდომი, საიდანაც ნათლად ჩანს, თუ რომელ გზაზე და რა სახის სამუშაოებზეა გამოცხადებული ტენდერი. ამასთან, ინფორმაცია საავტომობილო გზების დეპარტამენტმა, ტენდერის გამოცხადებისთანავე გაავრცელა.

შესაბამისად, ვინაიდან ამ ინფორმაციის მიღება ან დამუშავება არ წარმოადგენს რაიმე სირთულეს და, ასევე, ჟურნალისტს არც უცდია მისი კომპეტენტურ უწყებასთან გადამოწმება, სიუჟეტი შეგნებულად არის აგებული ტყუილზე და ემსახურება მხოლოდ მოსახლეობის შეცდომაში შეყვანას და კონკრეტული პოლიტიკური პარტიების ინტერესებს“, – ნათქვამია განცხადებაში.

აქ შეიძლება არაერთი ვერსია იყოს, მაგრამ ვერსიების დონეზე რომ არ ვისაუბროთ, შეგვიძლია ვთქვათ, რომ არცერთი ვერსია არ იქნება ისეთი, რომელსაც შეუძლია გააკეთილშობილოს ის, რაც რეალურად ვიხილეთ, – ასე გამოეხმაურა პარლამენტის ადამიანის უფლებათა დაცვის კომიტეტის თავმჯდომარე მიხეილ სარჯველაძე პენიტენციური სამსახურის განცხადებას, რომელშიც ნათქვამია, რომ პოლონელმა ექიმმა კლინიკიდან სააკაშვილის ბიოლოგიური ნიმუშის გატანა მალულად სცადა.

„ფაქტია, რომ არცერთ შემთხვევაში არ შეიძლება არსებობდეს რაიმე ისეთი ახსნა, რომელიც დამაჯერებლად დაარწმუნებს ობიექტურ დამკვირვებელს, რომ რამე კეთილსინდისიერი მოტივი ამოძრავებდა ადამიანს, რომელიც წინდაში ჩადებული ნიმუშების გატანას ცდილობს“, – განაცხადა მიხეილ სარჯველაძემ.

პენიტენციურმა სამსახურმა განცხადება გაავრცელა, რომლის თანახმად ერთ-ერთი პოლონელი ექიმისგან ადგილი ჰქონდა გაუგებარ ინციდენტს. კერძოდ, მიხეილ სააკაშვილისგან აღებული ნიმუში, პოლონელმა ექიმმა გადაახვია ქაღალდში და ცდილობდა მის მალულად გატანას ფეხსაცმლის მეშვეობით.

პოლონელი ექიმის ეს სამარცხვინო საქციელი ემსახურება მხოლოდ და მხოლოდ იმას, რომ მიხეილ სააკაშვილის ჯანმრთელობასთან დაკავშირებით დადგმული 600 დღიანის სპექტაკლს ჰქონდეს გაგრძელება, – ამის შესახებ პარლამენტარმა, საზოგადოებრივი მოძრაობა „ხალხის ძალის“ წევრმა ეკა სეფაშვილმა განაცხადა.

„ალბათ სავარაუდოდ, რა თქმა უნდა, გაყალბებისთვის უნდოდათ ეს ანალიზი. იქიდან გამომიდინარე, რომ ნებისმიერი მასალა, რაც მათ სჭირდებოდათ ანალიზისათვის, ოფიციალურად იქნა მათთვის გადაცემული. ასევე პოლონელმა ექიმებმა აღნიშნეს, რომ ქართველი ექიმების მიერ დანიშნული მკურნალობა და რეკომენდაცია აბსოლუტურად სწორია“, – განმარტა სეფაშვილმა.

პენიტენციურმა სამსახურმა განცხადება გაავრცელა, რომლის თანახმად ერთ-ერთი პოლონელი ექიმისგან ადგილი ჰქონდა გაუგებარ ინციდენტს. კერძოდ, მიხეილ სააკაშვილისგან აღებული ნიმუში, პოლონელმა ექიმმა გადაახვია ქაღალდში და ცდილობდა მის მალულად გატანას ფეხსაცმლის მეშვეობით.

არ მქონია კონტაქტი პოლონელ ექიმებთან, არც საელჩოსთან, ტელევიზორით რაც ვნახე, არანაირი შთაბეჭდილება არ შემიქმნა, ყველას შეიძლება, სადღაც რაღაც გვედოს, ვინ თქვა, რომ ბიოლოგიური მასალა იყო? ქაღალდი ცარიელი ჩანდა. მაშინ ეს ყველაფერი დასაბუთებულად უნდა გვაჩვენონ, – ამის შესახებ საქართველოს ყოფილი პრეზიდენტის, მიხეილ სააკაშვილის დედამ, გიული ალასანიამ განაცხადა პენიტენციური სამსახურის მიერ 14 ივლისს გავრცელებულ ინფორმაციასთან დაკავშირებით, რომ ერთ-ერთმა პოლონელმა ექიმმა სააკაშვილისგან აღებული ნიმუში გადაახვია ქაღალდში და ცდილობდა მის მალულად გატანას ფეხსაცმლის მეშვეობით.

გიული ალასანიას თქმით, მიხეილ სააკაშვილი ამ თემაზე კომენტარს არ აკეთებს, რადგან აღნიშნული ფაქტის შესახებ არაფერი იცის.

„არავითარი ინფორმაცია არ მიმიღია არავისგან, რადგან საერთოდ არ მქონია კონტაქტი არც პოლონელებთან, არც საელჩოსთან. ვიცი მხოლოდ ის, რაც ვნახე ტელევიზორით და ვერაფერს ვიტყვი. რაც ვნახე, იმან არანაირი შთაბეჭდილება არ შემიქმნა. ყველას შეიძლება რაღაცა გვედოს სადღაც რაღაცისთვის. ვინ თქვა, რომ ბიოლოგიური მასალა იყო? მე არ მომისმენია. მე დავინახე, ქაღალდი გაიშალა და ის ქაღალდი ჩანდა ცარიელი, მეტი არაფერი ჩანდა და რა ბიოლოგიური მასალა. მაშინ ეს ყველაფერი დასაბუთებულად უნდა გვაჩვენონ. მე ეს ვერ დავინახე“, – განაცხადა გიული ალასანიამ.

გიული ალასანია მიიჩნევს, რომ პენიტენციური სამსახურის მხრიდან ვიდეოჩანაწერების გავრცელება მიზნად ისახავდა სააკაშვილთან დაკავშირებით უკრაინის რადასა და ევროპარლამენტარების მიმართვის გადაფარვას.

„ამ დღეებში ჩემთვის ორი ძალიან მნიშვნელოვანი ფაქტი მოხდა. ერთი იყო უკრაინის რადას მიერ ერთხმად მიღებული მიმართვა, მეორე – ევროპარლამენტარების. 44 ევროპარლამენტარი აწერდა ხელს, ისევ ეხებოდა ჩემი შვილის გათავისუფლებას და ვარ ძალიან მადლობელი ამ ხალხის, ვინც აღნიშნული ინიციატივით გამოვიდა და განახორციელა. ვფიქრობ, ამის გადასაფარად მოხდა ის, რაც მოხდა“, – განაცხადა გიული ალასანიამ.

გიული ალასანიას განმარტებით, როგორ აქვს ინფორმაცია, პოლონელმა ექიმებმა საქართველო დატოვეს.

რაც შეეხება მიხეილ სააკაშვილის ჯანმრთელობის მდგომარეობას, გიული ალასანია ამბობს, რომ მდგომარეობა არ შეცვლილა.

„ისევ იგივე მდგომარეობაა, წევს. ჭამის დროსაც ვერ დგება, რომ ჩამოჯდეს ნორმალურად. პრობლემა არის ყველანაირი, ჭამაც პრობლემაა“, – აღნიშნა გიული ალასანიამ.

პარტია „პროგრესი და თავისუფლებას“ ლიდერი კახა ოქრიაშვილი განცხადებას ავრცელებს

1.პოლონელ ექიმებთან დაკავშირებულ აჟიოტაჟზე: ხელისუფლებამ განაცხადა, რომ პოლონელ ექიმებს სააკაშვილის გენეტიკური მასალა გაჰქონდათ საავადმყოფოდან, შემდგომი კვლევისთვის და ეს მასალა ექიმს იმიტომ ჩამოართვეს, რომ მან ის წინდაში შეინახა. თუ გატანის უფლებას აძლევდნენ, რა მნიშვნელობა აქვს, სად შეინახავდა. უბრალოდ, არც აპირებდნენ მასალის გატანებას და ამიტომ ჩამოართვეს. ეს ფაქტი წარმოადგენს ირიბ მტკიცებულებას, რომ მიხეილ სააკაშვილი მოწამლულია და ხელისუფლება ყველანაირად ცდილობს ამ ფაქტის დამალვას.

2.ბატონი ღარიბაშვილის განცხადებაზე: ღარიბაშვილის თქმით, ნატოს ვილნიუსის სამიტზე უკრაინას განუცხადეს, რუსეთს რომ დაამარცხებ, მერე მიგიღებთ ნატოშიო. მისივე თქმით, თუ უკრაინა რუსებს დაამარცხებს, მერე ნატოში რაღა უნდაო!? ჯერ ერთი, უკრაინა უკვე მეორე წელია სწორედ ნატოს დახმარებით, წარმატებით იგერიებს რუსების ჯარებს. ნატო სრულადაა ჩართული უკრაინის მხარდაჭერაში, ერთადერთი კომპონენტის, ჯარისკაცების გამოკლებით. ნატო უმოკლეს ვადებში აშენებს თანამედროვე იარაღით და მართვის სისტემებით აღჭურვილ უკრაინულ არმიას, რომელიც ნატოს მოკავშირეობით, გამანადგურებლად დაამარცხებს რუსეთის ვითომ „უძლეველ“ ჯარს და ამას ძალიან მალე ვიხილავთ. ისიც ფაქტია, რომ ღარიბაშვილს და „რუსულ ოცნებას“ არ მოსწონს უკრაინის წარმატება და რუსეთს ქომაგობენ. ომის დაწყების დროს ქართველი ელჩიც იმიტომ არ გამოიწვიეს უკრაინიდან, რომ ის იჯდა საქართველოს საელჩოში და კიევის ქუჩებში მოკავშირე რუსების გამოჩენას ელოდა.

ღარიბაშვილის ლოგიკით, ნატოს წევრობა არც პორტუგალიას უნდა უნდოდეს, რომელსაც საუკუნეებია, არავისთან უომია და არააგრესიული, დემოკრატიული მეზობელი, ესპანეთი ჰყავს, რომელიც თვითონაც ნატოს წევრია. რა უნდა ნატოში პორტუგალიას, თუ არც მას ემუქრებიან და არც თვითონ აპირებს ომს? ეტყობა, ბატონმა ღარიბაშვილმა არ იცის, რომ ნატო თავდაცვითი, სამხედრო-პოლიტიკური ბლოკია და ამ ბლოკში, პირველ რიგში, დემოკრატიული ქვეყნები ერთიანდებიან, სადაც თავისუფალი არჩევნები შიშისა და მოსყიდვის გარეშე ტარდება, რაც საქართველოში არ გვაქვს. ნატოს ქვეყნების ამოცანაა, ბლოკში შემავალმა წევრებმა მშვიდობა, სტაბილურობა, დემოკრატიული და ეკონომიკური პროგრესი შეინარჩუნონ. ნატო თავად არის მშვიდობის, სტაბილურობის და პროგრესის გარანტია. სამწუხაროდ, ბოლო წლებში განსაკუთრებით იკვეთება საქართველოდან მოსახლეობის მიგრაციის მყარი ტენდენცია და სად მიდის ეს მოსახლეობა ?! – ნატოს წევრ ქვეყნებში.

შეუძლებელია ღარიბაშვილის ამ პასაჟის სერიოზულად შეფასება, მაგრამ თუ გავითვალისწინებთ, რომ ის რუსეთის ხელისუფლების წარმომადგენელია, მაშინ ყველაფერი ლოგიკაში ჯდება!

3.ბატონი კობახიძის განცხადებაზე: კობახიძემ განაცხადა, რომ გვარამია, არახამია და მიხეილ სააკაშვილი ერთად არიან. ახალი ამბავი! აბსოლუტურად ყველა, ქართველ ხალხთან ერთად, არის ერთ მხარს და „რუსული ოცნება“ არის პუტინის მხარეს, გოშია ძაღლის როლში. პუტინის ერთ-ერთი გოშიაა საქართველოში გავრილოვის ჩამომყვანი კობახიძეც.

ყველაფერი მალე შეიცვლება!“! – აცხადებს ოქრიაშვილი.

საქართველოს ხელისუფლება ცდილობს, რომ ალტერნატიული რეალობა შექმნას საქართველოს მოქალაქეებისთვის, – ამის შესახებ “ერთიანი ნაციონალური მოძრაობის” პარლამენტის დეპუტატმა, ანა წითლიძემ განაცხადა.

მისი თქმით, საქართველოს ხელისუფლებისგან აღნიშნული ქმედება გასაკვირი არ არის.

“საქართველოს ხელისუფლება ცდილობს, რომ რაღაცა გამოგონილი და ალტერნატიული რეალობა შექმნას საქართველოს მოქალაქეებისთვის ამ ქვეყანაში, თითქოს საქართველოს მოქალაქეები მას მადლობას უხდიან, როდესაც ის დადის რეგიონებში. რეალურად დაატარებენ საჯარო მოხელეებს, რომლებიც დასაქმებული ჰყავთ ა(ა)იპ-ებში, სიპებში, ხელფასებს უხდიან საქართველოს მოქალაქეების მიერ გადახდილი გადასახადებით და ამ ადამიანებს ავალებენ იმას, რომ საქართველოს პრემიერ – მინისტრი, სადაც მივა, თითქოს ყველგან უნდა გადაუხადონ მადლობა გამოგონილი მშვიდობისთვის და სტაბილურობისთვის. მეორე ალტერნატივის შექმნა, რასაც ცდილობს საქართველოს ხელისუფლება არის ის, რომ ისევ ამ საჯარო მოხელეების გამოყენებით სიპებში და ა(ა)იპ-ებში დასაქმებული “ქართული ოცნების” გამოყენებით ცდილობს, საქართველოს მოქალაქეებს შესთავაზოს გამოგონილი რეალობა, თითქოს ოპოზიციის წარმომადგენლები, რომლებიც რეგიონში ჩადიან მათ ქვებით და ძალადობით ხვდებიან საქართველოს მოქალაქეები. არა და არანაირი საქართველოს მოქალაქეები აგრესიულად განწყობილი ან პრემიერს, რომ მადლობას უხდიან ასეთები არ არსებობენ, არსებობენ სიპებში და ა(ა)იპ-ებში დასაქმებული ადამიანები “ქართული ოცნების” აქტივისტები, რომლებსაც შემდეგ საქართველოს ხელისუფლება იყენებს იმისთვის, რომ ხან ოპოზიციას დაახვედროს და ქვების დაშენა დაავალოს ,ხან პრემიერ მინისტრს დაახვედროს და მადლობის თქმა დაავალოს. ასე იქცევიან ისეთ ქვეყნებში, როგორიც არის რუსეთი, ასე იქცევიან, როგორიც არის ბელარუსი, ამიტომაც საქართველოს ხელისუფლებისგან ეს გასაკვირი არ არის ნამდვილად”, – განაცხადა ანა წითლიძემ.