გიული ალასანია თავის შვილზე ისე ფიქრობს, როგორც ირინა ენუქიძე ფიქრობდა თავის შვილზე, – ამის შესახებ „გაერთიანებული ოპოზიცია-ძალა ერთობაშიას“ ერთ-ერთმა ლიდერმა, მურმან დუმბაძემ მედიასთან განაცხადა.

ჟურნალისტმა კითხვა დაუსვა: „წინა ეთერში სტუმრობისას თქვენმა განცხადებამ რეზონანსი გამოიწვია არა მარტო საზოგადოებაში, არამედ ოპოზიციაშიც, როდესაც ირინა ენუქიძესა და გიული ალასანიასთან დაკავშირებით პარალელი გაავლეთ. განაცხადეთ, რომ ირინა ენუქიძეს ვერავინ გაამტყუნებს იმიტომ, რომ ის არის დედა, მაგრამ გიული ალასანიას გამტყუნება შეგვიძლია?“, რაზეც დუმბაძემ განაცხადა:

„არა, არა, დედას ვერავინ გაამტყუნებს. დედა შვილზე ზრუნავს. ალასანიასა და ენუქიძის ერთ სიმაღლეზე დაყენება ნორმალურია, კი. გიული ალასანია თავის შვილზე ისე ფიქრობს, როგორც ქალბატონი ირინა ფიქრობდა თავის შვილზე“, – განაცხადა მურმან დუმბაძემ.

ამასთან, კითხვაზე, „სააკაშვილის ხელისუფლება გადაჰყვა ენუქიძის, გირგვლიანის საქმეს და თქვენ ერთ სიმაღლეზე რომ აყენებთ, ნორმალურია?“ დუმბაძემ განაცხადა:

„დედა დედაა. სულ ერთია, გინდ ირინა ენუქიძე იყოს, გინდ მურმან დუმბაძის დედა, გინდ ვახოს დედა იყოს, ნებისმიერი დედისთვის შვილი საყვარელია“, – განაცხადა მურმან დუმბაძემ.

ეს არის პოლიტიზებული მართლმსაჯულების კლასიკური მაგალითი, როდესაც ადამიანი იმუქრება გამოძიების დაწყებით და სისხლის სამართლებრივი პასუხისმგებლობით, თუ არ იქნება შესრულებული მისი სრულიად დაუსაბუთებელი და ალოგიკური სურვილი, – , – ამის შესახებ რატი ბრეგაძემ გადაცემაში „იმედი LIVE“ განაცხადა, რითაც გამოეხმაურა ინფორმაციას, რომლის თანახმად, დავით არახამია უკრაინის პროკურატურას მიმართავს, რათა დაიწყოს გამოძიება მიხეილ სააკაშვილის მკვლელობის მომზადების საქმეზე.

„მას შემდეგ რაც მსჯავრდადებულ სააკაშვილთან დაკავშირებულმა ძალებმა მიუხედავად მილიონ დოლარიანი კამპანიისა განიცადეს სრული სამართლებრივი კრახი, გავიდნენ სამართლებრივი ფარგლებიდან და დაიწყეს აკრძალული პროპაგანდისტული იარაღებით საქართველოს მოქალაქეების ტერორიზება. არახამიას ეს განცხადებას ამ სცენარის შემადგენელი ნაწილია. ეს არის პოლიტიზებული მართლმსაჯულების კლასიკური მაგალითი, როდესაც ადამიანი იმუქრება გამოძიების დაწყებით და სისხლის სამართლებრივი პასუხისმგებლობით, თუ არ იქნება შესრულებული მისი სრულიად დაუსაბუთებელი და ალოგიკური სურვილი. ეს ადამიანი პრაქტიკულად ერევა საქართველოს შიდა საქმეებში და მინდა მას შევახსენო, რომ იმისთვის რომ ის საქართველოში იყოს პოლიტიკურად აქტიური და თუ მას აქვს ამ ქვეყანაში პოლიტიკური გეგმების მას სჭირდება საქართველოს მოქალაქეობა და უნდა ისწავლოს პირველ რიგში ქართული ენა და პატივი სცეს ქართულ საზოგადოებას. იქნებ ერთხელ მაინც როდესაც აკეთებს განცხადებებს ფსევდოქართველი პატრიოტი ვინმე არახამია, კეთილ ინებოს და თუნდაც ქართულ ენაზე მიმართოს ქართულ საზოგადოებას. ამ ადამიანს ვურჩევდი პირველ რიგში იზრუნოს იმ ქვეყნის მოქალაქეებზე, რომლის მოქალაქეც ამჟამად თავად არის და რომლის მოქალაქეებიც უსამართლო ომში იმყოფებიან. ხოლო უკრაინელ ხალხს ქვეყნის გამთლიანებას და მშვიდობას ვუსურვებთ“, – განაცხადა ბრეგაძემ.

ევროპარლამენტარები ევროკავშირის ხელმძღვანელობას მოუწოდებენ, „ალტ-ინფო“ და მისი ლიდერი, კონსტანტინე მორგოშია დაასანქცირონ. ამის შესახებ ექვსი ევროპარლამენტარის საერთო წერილშია ნათქვამი.

„ჩვენ მტკიცედ მოვითხოვთ მიზანმიმართულ სანქციებს ჯგუფ „ალტ-ინფოს“ და მის უკან მყოფი ოლიგარქის, კონსტანტინე მორგოშიას მიმართ. ცნობილია, რომ „ალტ-ინფო“ ავრცელებს ლგბტქი-ფობიურ სიძულვილის ენას თავის მედია არხებზე და აქტიურად იყო ჩართული 8 ივლისს თბილისი პრაიდზე თავდასხმებში. ჩვენ მტკიცედ მოვუწოდებთ შესაბამის ორგანოებს, ებრძოლონ ლგბტქი-ფობიურ ძალადობასა და რიტორიკას საქართველოში და ვალდებულებას უზრუნველყონ განსაკუთრებით ლგბტქი ადამიანების უსაფრთხოება“, -წერია წერილში.

ევროპარლამენტარების თქმით, ლგბტქი თემის წარმომადგენლების უსაფრთხოება განსაკუთრებით მნიშვნელოვანია მას შემდეგ, რაც საქართველოს ოფიციალური პირები სასამართლო დევნის ნაკლებობის დემონსტრირებას ახდენენ 2019 და 2021 წლებში, თბილისი პრაიდის თავდასხმების დროს, რაც მოიცავდა ლგბტქი-ფობიურ ძალადობას.

წერილის ადრესატები არიან – ევროკომისიის პრეზიდენტი ურსულა ფონ ვერ ლაიენი, ევროპული საბჭოს პრეზიდენტი შარლ მიშელი, საქართველოში ევროკავშირის ელჩი პაველ ჰერჩინსკი და თანასწორობის საკითხებში ევროკომისარი ჰელენა დალი.

განცხადებას ხელს აწერს ექვსი პარლამენტარი – მარკ ანგელი, კიმ ვან სპარენტაკი, მარია ვალში, პიერ კარლესკინდი, მალინ ბიორკი და ფაბიო მასიმო კასტალდო.

თუ ვინმე ამბობს: „მარტო დავამარცხებ „ქართულ ოცნებას“ „ნაციონალური მოძრაობის“ გარეშე“ – არ გამოდის, – ამის შესახებ „სტრატეგია აღმაშენებლის“ ერთ-ერთმა ლიდერმა პაატა მანჯგალაძემ „ნაციონალურ მოძრაობასთან“ გაერთიანების საკითხზე საუბრისას განაცხადა.

მისი თქმით, არჩევნებში პროდასავლურმა ოპოზიციამ „ქართულ ოცნებას“ უნდა მოუგოს.

„მოქალაქეს აინტერესებს ცვლილება და იმ პრობლემებიდან და სიდუხჭირიდან ამოსვლა, რომელიც შეუქმნა „ქართულმა ოცნებამ“. როდესაც ამ ისტორიულ შანსს ვკარგავ, არაგულწრფელი ვიქნები, არასამართლიანი ვიქნები თუ ვიტყვი, რომ აქეთ არის საქართველოს ისტორიული შანსი, საქართველოს გადარჩენის ამოცანა და – „კი გადავარჩენ საქართველოს, მაგრამ თუ 5 ნომერი იქნება, ვერ გადავარჩენ“ – ამას ვერ ვიტყვი, მაგრამ არ იფიქროთ, რომ სხვის ბოსტანში ვისროდე კენჭებს, ან ქვებს. „ლელოც“ ძლიერი პლატფორმა უნდა იყოს და იმას, რასაც ჩვენ ვერ დავფარავთ ჩვენი ერთობით თუნდაც, დანარჩენზე გავიდეს „ლელო“ , გახარიაც იყოს. „ქოციდან“ წამოსული ადამიანი შეიძლება ნაცების და ჩვენს პლატფორმაზე არ მოვიდეს. ჩვენ გვჭირდება პლატფორმები. პროდასავლურმა ოპოზიციამ უნდა მოვუგოთ „ქართულ ოცნებას“.

თუ საკითხი მოითხოვს იმას – ქვეყანა გადარჩეს, თუ ჩემი პირველი ნომერი – მირჩევნია საქართველო გადარჩეს. მთავარი პრობლემაა „ქართული ოცნება“, მე მართლა მინდა ყველა პროდასავლურმა ოპოზიციამ აიღოს მაქსიმალური შედეგი, რომ ჯამში მოვუგოთ „ქართულ ოცნებას“, თუ ვინმე ამბობს, რომ – მარტო დავამარცხებ „ქართულ ოცნებას“ „ნაციონალური მოძრაობის“ გარეშე – არ გამოდის, რადგან მაშინ ერთმა პარტიამ უნდა აიღოს 50%-ზე მეტი და ღმერთმა ქნას საქართველოში არსებობდეს პარტია, რომელიც „ნაციონალური მოძრაობის“ გარეშე აიღებს 50%-ს და მარტო დაამარცხებს „ქართულ ოცნებას“.

მერაბიშვილთან დაკავშირებითაც ვიტყვი, არ ვმალავ რამდენჯერმე „ნაციონალური მოძრაობა“ იყო „სტრატეგია აღმაშენებელში“ მოსული და რამდენჯერმე ჩვენ ვიყავით – მე მაგალითად, მაგიდასთან არ მინახავს ხაბეიშვილს დაერეკოს ვინმესთან მნიშვნელოვანი საკითხების გადაწყვეტის დროს. ქარის წისქვილებს დონ კიხოტივით ვებრძოლო – „მერაბიშვილი, სად არის, სად არის?!“, არ მინახავს“, – განაცხადა პაატა მანჯგალაძემ.

„საზოგადოებას უნდა ვუთხრათ, რომ ევროპარლამენტარები ჩვეულებრივი მოკვდავები არიან, რომლებთან მიმართებითაც ლობიზმის კანონი მოქმედებს, ანუ მათი დაფინანსება ჩვეულებრივად შეიძლება.“, – ამის შესახებ „ხალხის ძალის“ ერთ-ერთმა ლიდერმა, დეპუტატმა მიხეილ ყაველაშვილმა მედიასთან განაცხადა.

მისი თქმით, „ხალხის ძალამ“ სწორედ მსგავსი პროცესები ამხილა და არ მოერიდა არავის კრიტიკას, მათ შორის, არც ევროპარლამენტარების.

„თქვენი აზრით, რა ავალდებულებს ამ 44 ევროპარლამენტარს, როცა ხელს აწერენ მოწოდებას, რომ სააკაშვილი ევროკავშირის რომელიმე ქვეყანაში გადაიყვანონ სამკურნალოდ? რა აიძულებთ, რომ ღირსებას, რეპუტაციას, თავიანთ სახელს გვერდზე დებენ? მოდი, საზოგადოებას სიმართლე ვუთხრათ: ეს არის ის, რამაც მარტის მოვლენები გამოიწვია, როცა გამჭვირვალობის შესახებ კანონზე ამბები ატყდა. როგორ შეიძლება უბრალო მოქალაქეს ნებისმიერი ინსტიტუციის გამჭვირვალობა არ სურდეს, რომელიც მის ქვეყანაში ფუნქციონირებს? მაგრამ, იმ არასამთავრობო ორგანიზაციებმა, რომლებიც სხვადასხვა აქტივობას გეგმავენ, გადაწყვიტეს, რომ თურმე მათი საქმიანობა არ შეიძლება საზოგადოებისთვის ცნობილი იყოს და ამიტომ გამოიწვიეს ასეთი ვნებათაღელვა.

საზოგადოებას უნდა ვუთხრათ, რომ ეს 44 ევროპარლამენტარი ჩვეულებრივი მოკვდავები არიან, რომლებთან მიმართებითაც ლობიზმის კანონი მოქმედებს, ანუ მათი დაფინანსება ჩვეულებრივად შეიძლება. ამერიკაში ეს საკითხი არ იმალება, ევროპის დეპუტატებთან კი გასარკვევია. დარწმუნებული ვარ, რომ თუ ჩავეძიებით, ევროპელებთანაც ვნახავთ, რომ პოლიტიკური პროცესის ლობიზმში მათთვის გადახდილია თანხები. ეს ადამიანები სხვადასხვა საკითხზე არიან ხელმომწერები იმიტომ, რომ ჩართულნი არიან ლობიზმში და მათთვის გადახდილია თანხა. მათ სულ არ ანაღვლებთ, საქართველოში როგორ შეაფასებენ. ფიქრობენ, რომ არავინ იცნობს მათ საქართველოში, შეგროვებულია მასალა, რაზეც ხელი უნდა მოაწერონ და რა უჭირს, თუ ამაში თანხას აიღებენ? თან, ეს ყველაფერი იქ კანონიერად არის და მხარის დაჭერა თანხის სანაცვლოდ შესაძლებელია. ამაზე ღიად უნდა ვისაუბროთ. დარწმუნებული ვარ, ჩვენს საზოგადოებას აღარ გაუჭირდება, რომ მარტივად შეაფასოს ყველაფერი.

„ხალხის ძალა“ არ მოვერიდეთ კრიტიკას, მათ შორის, ევროპარლამენტარების და ყველაფერს თავისი სახელი ვუწოდეთ. სიმართლეზე დავიწყეთ საუბარი და ყველაფერი მკაფიო გავხადეთ. აშშ-ის FARA-ს კანონით ისიც გავიგეთ, რომ საკმაოდ სოლიდური თანხა ჰქონდათ გადახდილი პიარ-ჯგუფისთვის. სააკაშვილზე დადგმული რეპორტაჟები გავიდა CNN-ზე და BBC-ზე, რისთვისაც  მან წინასწარგანზრახვით, წვერი მოუშვა, „ბომჟს“ რომ დამსგავსებოდა. ამ სიუჟეტებს მთელ მსოფლიოში ყველა მედიასივრცე აქვს მოვლილი. ეს შეკვეთილი სიუჟეტებიც ვამხილეთ. შესაბამისად, აღარაფერი დარჩა ღირებული და ავტორიტეტი, რომელთანაც დაპირისპირება არ შეიძლება. დღეს მით უმეტეს, სოციალურ ქსელების ეპოქაში, შეუძლებელია რაიმეს დამალვა.“, – განაცხადა მიხეილ ყაველაშვილმა.

ამ ანგარიშების ნახვის შემდეგ, მგონი აღარავის უნდა ჰქონდეს კითხვა, რომ კამპანია „თავისუფლება მიშას“ თავის თავში გულისხმობს საქართველოს წინააღმდეგ წარმოებულ კამპანიას, – ამის შესახებ პარლამენტის ევროინტეგრაციის კომიტეტის თავმჯდომარე მაკა ბოჭორიშვილმა გიული ალასანიასა და მიხეილ სააკაშვილის მიერ დაქირავებულ ლობისტურ კომპანიებთან დაკავშირებით განაცხადა.

ბოჭორიშვილის განმარტებით, „ყველაფერი, რაც გაკეთდა ვითომცდა მიხეილ სააკაშვილის გათავისუფლებისთვის, აზიანებს საქართველოს ინტერესებს, საქართველოს სახელმწიფოს“.

„დღეს როცა ვსაუბრობთ ჩვენი ქვეყნის ევროპულ მომავალზე და შემაფერხებელ გარემოებად როდესაც გვისახელებენ მხოლოდ და მხოლოდ წარმოდგენებს საქართველოს შესახებ, და მცდარ წარმოდგენებს, ახლა უკვე ცხადია, საიდან ჩნდება ასეთი აღქმები ქვეყანაზე. ამას ხელს უწყობს და ამაში ფულს ხარჯავს კონკრეტული ძალა, რათა არათუ მხოლოდ მიხეილ სააკაშვილის გათავისუფლებაზე იზრუნონ, არამედ ამისთვის მაქსიმალურად დააზიანონ ქვეყნის ინტერესები და საერთაშორისო მაშტაბით შელახონ ქვეყნის რეპუტაცია“, – განაცხადა მაკა ბოჭორიშვილმა.

აშშ-ის იუსტიციის დეპარტამენტმა გიული ალასანიასა და მიხეილ სააკაშვილის მიერ დაქირავებული ლობისტური კომპანიებისა და მათი საქმიანობის შესახებ მონაცემები გამოაქვეყნა. დოკუმენტებით დგინდება, რომ ლობისტურმა კომპანიებმა „აკერმანმა“ (Akerman) და „ჯიპი ინთერნეშენალმა“ (GP International) ექვსთვიანი საანგარიშო პერიოდის განმავლობაში სხვადასხვა სახის აქტივობა განახორციელეს, რომლებიც შეეხება ევროპარლამენტის რეზოლუციებს, სანქციებს საქართველოს წინააღმდეგ, სააკაშვილის შეწყალების მოთხოვნით საქართველოს პრეზიდენტთან შეხვედრის მცდელობას, აგრეთვე პოლონელ ექიმებს.