ქობულეთში დენის დარტყმის შედეგად 2 წლის ბავშვი დაიღუპა. შემთხვევა სოფელ ხუცუბანში მოხდა.
შინაგან საქმეთა სამინისტროს ცნობით, ფაქტზე გამოძიება სისხლის სამართლის კოდექსის 116-ე მუხლით დაიწყო, რაც გაუფრთხილებლობით სიცოცხლის მოსპობა გულისხმობს.
ქობულეთში დენის დარტყმის შედეგად 2 წლის ბავშვი დაიღუპა. შემთხვევა სოფელ ხუცუბანში მოხდა.
შინაგან საქმეთა სამინისტროს ცნობით, ფაქტზე გამოძიება სისხლის სამართლის კოდექსის 116-ე მუხლით დაიწყო, რაც გაუფრთხილებლობით სიცოცხლის მოსპობა გულისხმობს.
რადიკალი გიჟი სოციალისტი კამალა ჰარისი უფრო ადვილი დასამარცხებელია, ვიდრე ჯო ბაიდენი, – ამის შესახებ აშშ-ის პრეზიდენტობის კანდიდატმა, დონალდ ტრამპმა პენსილვანიის შტატში მხარდამჭერებთან შეხვედრის დროს განაცხადა.
აშშ-ის პრეზიდენტობის კანდიდატის თქმით, ქვეყნის ეკონომიკას პრობლემები აქვს და კამალა ჰარისის პრეზიდენტად არჩევის შემთხვევაში ვითარება გაუარესდება.
პენსილვანიის შტატი მნიშვნელოვან როლს ასრულებს აშშ-ის საარჩევნო კამპანიაში. დღეს აშშ-ის კიდევ ერთი პრეზიდენტობის კანდიდატი კამალა ჰარისი პენსილვანიაში ავტობუსის ტურს მოაწყობს დემოკრატიული პარტიის ეროვნული ყრილობის დაწყებამდე.
„გუშინდელ გამოსვლაში კამალა გახდა სრული კომუნისტი. მოუსმინეთ მას? მას ჩვენი ქვეყნის განადგურება სურს. კატასტროფული ინფლაციის გამოწვევის შემდეგ ამხანაგმა კამალამ გამოაცხადა, რომ სურს სოციალისტური ფასების კონტროლის დაწესება. ამას აქამდე არასდროს უმუშავია. ეს არის მადუროს გეგმა, ვენესუელა. მადუროს გეგმა, ისევე როგორც ძველი საბჭოთა კავშირის. მათ სცადეს ეს. როგორ განვითარდა სიტუაცია საბჭოთა კავშირში? Ვენესუელა გახდა რუსეთის უფრო პატარა ვერსია. ჩვენ ვერ დავუშვებთ ამ გიჟ სოციალისტს. ის აპირებს, ჩვენი ქვეყანა დაანგრიოს და ჩვენს ეკონომიკას უფრო მეტად დაანგრევს, ვიდრე დანგრეულია. დამსხვრეული ეკონომიკა გვაქვს. მიწოდების ჯაჭვები გაქრა“, – განაცხადა დონალდ ტრამპმა.
„დემოკრატიის ეროვნული ფონდი“ (NED) აფინანსებს „ორგანიზებული კრიმინალისა და კორუფციის გამოძიების პროექტს“ (OCCRP) და „საერთაშორისო გამჭვირვალობას“, რომელთა სახელით ბიძინა ივანიშვილისა და მისი ოჯახის „რუსულ ქონებაზე“ ყალბი სტატია გამოქვეყნდა. ინფორმაცია ამის თაობაზე, თავად ორგანიზაციების ვებგვერდებზეა განთავსებული.
აღსანიშნავია, რომ NED-ის საქმიანობასთან დაკავშირებით, ვრცელი სტატია გამოაქვეყნა ჩინეთის სახალხო რესპუბლიკის საგარეო საქმეთა სამინისტრომაც, სადაც საუბარია, თუ რას წარმოადგენს და რეალურად რა საქმიანობას ეწევა აღნიშნული ორგანიზაცია.
ჩინეთის საგარეო უწყების სტატიაში ნათქვამია, რომ NED-ი მოქმედებს, როგორც აშშ-ის ხელისუფლების „თეთრი ხელთათმანები“, ის დიდი ხანია, დაკავებულია სხვა ქვეყნებში ხელისუფლებების დამხობით, სხვა ქვეყნების შიდა საქმეებში ჩარევით, საზოგადოების შეცდომაში შეყვანით და იდეოლოგიური ინფილტრაციით.
ამავე სტატიაში, NED-ის საქმიანობასთან დაკავშირებით, მოყვანილია ამერიკელი ავტორების სტატიებიც. მაგალითად, 2021 წლის სექტემბერში რეპორტიორმა სტივენ კინზერმა გამოაქვეყნა სტატიები, სადაც ნათქვამია, რომ NED-ი თანამშრომლობს CIA-სა და USAID-თან, რათა მხარი დაუჭიროს ამბოხებულებს სხვა ქვეყნებში, იმ რეჟიმების დასამხობად, რომლებიც აშშ-ს არ მოსწონს. ავტორი აცხადებს, რომ „NED-ის მისიაა, დაამხოს არამეგობრული უცხო ქვეყნების მთავრობები და ხელისუფლებაში მოიყვანოს რეჟიმები, რომლებიც უფრო მეტად შეესაბამება ამერიკის ინტერესებს“.
ამერიკის შეერთებული შტატების სახელმწიფო მდივანი, ენტონი ბლინკენი დღეს ისრაელში ჩავა. ინფორმაციას Reuters-ი ავრცელებს.
გამოცემის ცნობით, ისრაელში ბლინკენი პრემიერ-მინისტრ ბენიამინ ნეთანიაჰუსა და სხვა მაღალჩინოსნებს შეხვდება.
ბლინკენის ვიზიტი იმ ფონზე მოხდება, როდესაც კატარში, აშშ-ს, კატარისა და აგვიპტეს შუამავლობით, ცეცხლის შეწყვეტის შესახებ მოლაპარაკებები განახლდა.
პრემიერ-მინისტრ ბენიამინ ნეთანიაჰუს ოფისის განცხადებაში აღნიშნულია, რომ ისრაელის მოლაპარაკებების ჯგუფმა გამოთქვა “ფრთხილი ოპტიმიზმი” შეთანხმების მიღწევის კუთხით შესაძლო პროგრესთან დაკავშირებით.
„ჰამასის“ სპიკერმა ჯიჰად ტაჰამ განუცხადა ტელეკომპანია Al Jazeera-ს შაბათს, რომ ისრაელმა დაამატა პირობები ცეცხლის შეწყვეტის მოლაპარაკებებში და დაადანაშაულა ნეთანიაჰუ მათ გამოყენებაში მცდელობის შეფერხებისთვის. ჰამასის“ პრესსპიკერმა, სამუ აბუ ზუჰრიმ კი განაცხადა, რომ ოპტიმიზმი იმასთან დაკავშირებით, რომ ცეცხლის შეწყვეტის შესახებ შეთანხმების მიღწევა მალე მოხდება, „ილუზიას“ წარმოადგენს. მისივე თქმით, ისრაელი შეთანხმების მიღწევის შანსებს ხელს უშლის და მის ძალისხმევას მხარს ვაშინგტონი უჭერს
ერთიანობა – ნაციონალური მოძრაობის“ ლიდერები თინა ბოკუჩავა და გიორგი ვაშაძე, რამდენიმე დღიანი ვიზიტით აშშ-ში, ჩიკაგოში, დემოკრატიული პარტიის ყრილობაზე გაემგზავრნენ, სადაც კამალა ჰარისი, როგორც “დემოკრატიული პარტიის” პრეზიდენტობის კანდიდატი, ოფიციალურად წარედგინება. ინფორმაციას ამის შესახებ პარტიის პრესსამსახური ავრცელებს.
როგორც ვაშაძე აცხადებს, ამ ვიზიტის ამოცანა აშშ-სთან ურთიერთობების გაღრმავებაა.
“უმნიშველოვანესი ვიზიტი, რომელიც გვექნება აშშ-ში. ამოცანაა, რომ აღვადგინოთ ურთიერთობა ამერიკასთან. დავესწრებით კამალა ჰარისის წარდგენას.
დავესწრებით დემოკრატების დიდ შეკრებას, სადაც წარმოდგენილი იქნებიან მოქმედი პრეზიდენტი ჯო ბაიდენი, ყოფილი პრეზიდენტი ობამა, ჰილარი კლინტონი, ბილ კლინტონი და რაც მთავარია იქნება ძალიან ბევრი ამერიკელი ინვესტორი, რომელიც ჩვენ გვჭირდება საქართველოში იმისთვის, რომ მაღალ ანაზღაურებადი სამუშაო ადგილები შევქმნათ.
ასევე მოვიტანოთ ეკონომიკური განვითარება, ჩვენ ეს შეგვიძლია და ამ მიზნით მივდივართ, რომ მოვემზადოთ 26 ოქტომბრის გამარჯვებისთვის.
მოვემზედოთ იმისთვის, რომ საქართველოში ბევრი ამერიკული ინვესტიცია შემოვიდეს, რომ ვიცხოვროთ ნორმალურად და გავაღრმაოთ ურთიერთობა ჩვენს სტრატეგიულ პარტნიორებთან”,- განაცხადა ვაშაძემ.
საქართველოს თავდაცვის სამინისტროს ინიციატივით, თუშეთში, აბანოს უღელტეხილზე საქართველოს ეროვნული გმირის გიორგი ანწუხელიძის მემორიალური სვეტი გაიხსნა.
ღონისძიებას თავდაცვის ძალების მეთაურის მოადგილე, ბრიგადის გენერალი ირაკლი ჭიჭინაძე, თავდაცვის ძალების მთავარი სერჟანტი, მთავარი სერჟანტი გიორგი გოგოჭური, ეროვნული გმირის ოჯახის წევრები და თავდაცვის ძალების წარმომადგენლები დაესწრნენ. მათ მემორიალურ სვეტთან კიდევ ერთხელ გაიხსენეს გიორგი ანწუხელიძის გმირობა და პატივი მიაგეს მის ხსოვნას.
ფრანგი მსახიობი ალენ დელონი გარდაიცვალა. ამის შესახებ მისმა ოჯახმა განაცხადა.
როგორც ადგილობრივი მედია წერს, „მისმა სამმა შვილმა კვირა დილით (18 აგვისტოს) სამწუხარო ამბავი გამოაცხადა: ალენ დელონი გარდაიცვალა 88 წლის ასაკში. საინფორმაციო სააგენტო AFP-სთვის მიცემულ განცხადებაში ალენ ფაბიენი, ანუშკა და ენტონი ითხოვენ არასაჯაროობას მათთვის ამ უკიდურესად მძიმე დღეებში“
ლეგენდარული ფრანგი მსახიობი საკუთარ სახლში დუშიში, პარიზის სამხრეთით გარდაიცვალა.
ატომური ენერგიის საერთაშორისო სააგენტოს გენერალური დირექტორი რაფაელ მარიანო გროსი აცხადებს, რომ უკრაინის ზაპოროჟიეს ბირთვულ ელექტროსადგურზე უსაფრთხოების მდგომარეობა უარესდება.
ზაპოროჟიეს ელექტროსადგური, რომელსაც რუსეთის ძალები 2022 წლიდან აკონტროლებენ, ევროპის უმსხვილესი ბირთვული სადგურია.
„ჩვენ კვლავ ვხედავთ ბირთვული უსაფრთხოების ესკალაციას და საფრთხეებს, რომელთა წინაშეც ელექტროსადგური დგას. მე უკიდურესად შეშფოთებული ვრჩები და კიდევ ერთხელ მოვუწოდებ ყველა მხარეს, მაქსიმალური თავშეკავებისკენ და სადგურის დასაცავად შედგენილი ხუთი კონკრეტული პრინციპის მკაცრი დაცვისკენ“, – განაცხადა გროსიმ.
მანამდე ზაპოროჟიეს ბირთვული სადგურის რუსულმა ადმინისტრაციამ განაცხადა, რომ უკრაინამ დრონით იერიში განახორციელა გზაზე, რომელსაც ბირთვული ობიექტის პერსონალი იყენებს.
ბირთვული ენერგიის საერთაშორისო სააგენტოს წარმომადგენლებმა მოინახულეს აღნიშნული ზონა და აღნიშნეს, რომ ზიანი, სავარაუდოდ, დრონით არის გამოწვეული. დარტყმის შედეგად დაზიანდა ობიექტის ორ ძირითად ჭიშკარს შორის მდებარე გზა. შემთხვევის შედეგად არავინ დაშავებულა და თავად სადგურის აღჭურვილობა არ დაზიანებულა.
პარლამენტის დიასპორისა და კავკასიის საკითხთა კომიტეტის თავმჯდომარემ, ბექა ოდიშარიამ დანიის საელჩოს მიერ დაფინანსებულ „დემოკრატიულ ფესტივალზე“ ისაუბრა და აღნიშნა, რომ ამ ღონისძიებას არც დემოკრატიასთან და არც ფესტივალთან საერთო არაფერი აქვს.
„მეტად ანტიდემოკრატიული, ქართველი ხალხის მიერ აღიარებული მწვალებელი და მკვლელი რეჟიმის შემქმნელი სააკაშვილის ხსნის, გათავისუფლების და გათეთრების კამპანიას, რატომ მოიფიქრეს და მოიგონეს საერთოდ ეს პლატფორმა და სახელწოდება, რომელიც აბსოლუტურად ხელოვნურია და მას არც ფესტივალთან და არც დემოკრატიასთან არანაირი კავშირი არ აქვს. იქ წარმოდგენილი პუბლიკის მიხედვით თუ ვიმსჯელებთ, როგორ შეიძლება მას რამე ფესტივალი უწოდო, ან კიდევ მიზნებს თუ გავეცნობით, დემოკრატიული.“ – განაცხადა ბექა ოდიშარიამ.
ე.წ. დემოკრატიის ფესტივალთან დაკავშირებით არა ერთი შეკითხვის მიუხედავად, დანიის საელჩომ„ქრონიკის“ არ უპასუხა. დიპლომატიურმა წარმომადგენლობამ დანიის საგარეო საქმეთა სამინისტროს მსგავსად, გადაგვამისამართა ორგანიზაციასთან, რომელიც აფინანსებს ღონისძიებას, სადაც ოპოზიციური პარტიების საარჩევნო სიმბოლიკა და მიხეილ სააკაშვილის გათავისუფლების მოთხოვნის ბანერი იყო გამოფენილი.
ვერძი
კვირა საკმაოდ დინამიკურია, მოგეჩვენებათ, თითქოს დაბრკოლებების გადალახვით დარბიხართ ყოველდღე. ყველაფერი ისე არ მიდის, როგორც გსურთ, მაგრამ ყველაზე დაჟინებული და თავდაჯერებული შეძლებს სასურველი შედეგის მიღებას. ამ პერიოდის ძირითადი პრობლემები ფულს, უფრო სწორად შემოსავალს უკავშირდება. იქნება ნაკლები შემოსავალი და გაიზრდება ხარჯი. მატერიალური საკითხები შეიძლება პარტნიორული ურთიერთობის გართულების მიზეზი გახდეს.
კურო
მოგიწევთ რამდენიმე მნიშვნელოვანი ამოცანის გადაჭრა. ერთი მათგანი ფინანსური საკითხების მოგვარებაა, მეორე კი ურთიერთობა ერთ-ერთ კონფლიქტურ კოლეგასთან. დაქირავებულ თანამშრომლებს საშუალება ექნებათ გამოავლინონ თქვენი შესაძლებლობები და ნიჭი, რაც საშუალებას მოგცემთ მიიღოთ დიდი ხნის ნანატრი დაწინაურება. გირჩევთ, უფრო ყურადღებიანი იყოთ სამსახურებრივი მოვალეობების მიმართ და არ მოსთხოვოთ არაფერი უფროსებს.
ტყუპი
სტრესმა შეიძლება გამოიწვიოს ურთიერთობებისა და საქმეების გართულება. პირად ცხოვრებაში სირთულეების გადალახვა მოგიწევთ. შეყვარებულების უმეტესობა, ისევე როგორც დაქორწინებული წყვილები, რთულ პერიოდს განიცდით. გაიხსენეთ წარსული, ალბათ ბევრ სასარგებლო ფაქტსა და ამბავს გაიხსენებთ, რაც დაგეხმარებათ თავიდან აიცილოთ პრობლემები. შესაძლოა, განქორწინებულ მეუღლეებს ბავშვებთან პრობლემები შეგექმნათ და აქ პრობლემა მხოლოდ ემოციური კი არა, ფინანსურიცაა.
კირჩხიბი
კვირის მთავარი პრობლემა სხვა ქალაქებისა თუ ქვეყნების პარტნიორებთან ურთიერთობის გაუარესება იქნება. თანამშრომლობის გზაზე არაერთი პრობლემა წამოიჭრება. თუ ასეთი სიტუაციები ადრე უკვე გქონდათ და შეძელით მათი გადალახვა, ახლაც იოლად გაუმკლავდებით. მეწარმეები და უფროსები მოემზადეთ შემოწმებისთვის. მეტი ყურადღება გამოავლინეთ ოჯახის წევრების მიმართ. ნუ ჩაიკეტებით საკუთარ თავში, ისაუბრეთ გახსნილად ერთგულ ადამიანებთან.
ლომი
გადადეთ მნიშვნელოვანი საკითხების გადაწყვეტა, მერკური თქვენს ნიშანში რეტროგრადულად მოძრაობს. აქედან გამომდინარეობს ნერვიულობა, დაბნეულობა, კომუნიკაციის სირთულეები და დიალოგის წარმართვის შეუძლებლობა. სამსახურში პრობლემების თავიდან ასაცილებლად, ფრთხილად შეასრულეთ თქვენი მოვალეობები და არ ჩაერიოთ კოლეგების ინტრიგებში. შეიძლება მოულოდნელად რაღაც საიდუმლოდ გაიგოთ, რაც სასურველია საიდუმლოდვე შეინახოთ. გახსოვდეთ, რომ ფარული მტრები და არაკეთილსინდისიერები ჯერ ისევ აქტიურობენ!
ქალწული
დიდი ფულის ხარჯვის პერიოდია, ფინანსები დაგეხარჯებათ ოჯახზე, შვილებზე, კარგი იქნება, თუ შვებულებაზე, საკუთარი თავის განებივრებაზე. გირჩევთ, გარკვეული თანხა ყველაზე გაუთვალისწინებელი მოვლენისთვის გქონდეთ გადადებული. ყველა სიტუაცია, რომელიც წარმოიშოება ამ კვირაში, აუცილებლად გაგრძელდება სექტემბერში. ეს კვირა დაუთმეთ ოჯახის კეთილდღეობაზე ზრუნვას, ნათესავებთან გამგზავრებას, ძველ ნაცნობებთან შეხვედრას.
სასწორი
თქვენი მთავარი საზრუნავი დასვენების ორგანიზება იქნება. თუ ჯერ დასვენებას ვერ ახერხებთ, გაითვალისწინეთ, რომ სამსახურში შეიძლება იყოს სხვადასხვა სახის გართულებები, რომელთა “დალაგება” დიდი ალბათობით თქვენ მოგიწევთ. პერიოდული დასვენება დაგეხმარებათ შეინარჩუნოთ ფიზიკური და ფსიქიკური ჯანმრთელობა. ჯანმრთელობის მდგომარეობა სტაბილურია, მაგრამ ქრონიკული დაავადებების გართულების ალბათობაც არსებობს.
მორიელი
ფრთხილად იყავით მგზავრობისას და ავტომობილის მართვის დროს, არ დაარღვიოთ მოძრაობის წესები. შეყვარებულებს შორის ურთიერთობა გარკვეულწილად გაუარესდება, რადგან თვის მეორე ნახევარში შესაძლოა გაირკვეს ზოგიერთი საიდუმლო, როგორც თქვენი, ასევე საყვარელი ადამიანის. ბევრს ექნება პრობლემები ნათესავებთან და ერთ შემთხვევაში ეს იქნება სერიოზული ჩხუბი, მეორეში კი – უახლოესი ნათესავების პრობლემების მოგვარება, დახმარება სიტყვით, საქმით და, შესაძლოა, ფულითაც.
მშვილდოსანი
ამ კვირამ შეიძლება მოგიტანოთ ბევრი იღბლიანი დამთხვევა, რომელიც მკვეთრად შეცვლის თქვენს ცხოვრებას. ასე რომ, არ დანებდეთ, დასვით თქვენთვის საინტერესო კითხვები და მოემზადეთ ცხოვრების ახალი ეტაპისთვის. ვისაც არ ეშინია რუტინის და მზად არის იმუშაოს 24 საათის განმავლობაში, შეუძლია კარგი ფულის გამომუშავება. დაჟინებულობა და გართობაზე უარის თქმა დაგეხმარებათ კარგი მოგების მიღებაში. აგვისტოს მეორე ნახევრის ბოლომდე მიღწეული შედეგებით კმაყოფილი დარჩებით. პირად ცხოვრებაში ყველაფერი კარგად მიდის.
თხის რქა
ჯერ კიდევ არ არის აშკარა, მაგრამ ახლა იწყება პროფესიული საქმიანობის ახალი ეტაპი, უფრო ეკონომიკური და უფრო მატერიალური. გარემოებები მიანიშნებს იმაზე, რომ დადგა დრო თქვენი ბიზნესის გაფართოების და ასევე, რომ ამისთვის მოიძებნება ფული. ამ თემაზე მოლაპარაკება შესაძლებელია თვის მეორე ნახევარში, ბოლოსკენ და უკვე სექტემბრის დასაწყისში შედეგი დადებითი იქნება. მეგობრული წყვილები ერთად განიხილავენ სამომავლო გეგმებს და შესაძლოა ისინი დაკავშირებული ან არსებული სახლის გაუმჯობესებასთან, ან ახლის შეძენასთან.
მერწყული
თქვენი გეგმები, რა თქმა უნდა, ახდება, მაგრამ ჯერ არ უნდა ისაუბროთ გარშემო მყოფებთან. აგვისტოს მეორე ნახევარში ბევრი შეყვარებული წყვილი დაქორწინებას, თანაცხოვრებას გადაწყვეტს. ვარსკვლავები გირჩევენ – იყავით ფრთხილად და გახსოვდეთ, რომ ყველაფერი საიდუმლო ცხადი გახდება. სამსახურის საქმეებისადმი მეტი ვალდებულება გმართებთ, შეიძლება მოგიწიოთ რაღაცის გადაკეთებამ, გაუმჯობესებამ. კვირის ბოლოს დაფიქრდით შვებულების საინტერესოდ გატარებაზე.
თევზები
მოემზადეთ, რომ მიიღოთ საინტერესო შეთავაზებები ყოფილი კოლეგებისგან, ახალი ვალდებულებები იმავე ადგილას შესაბამისი ხელფასის ზრდით ან უფრო დიდ ორგანიზაციაში მუშაობის შეთავაზება. ასე რომ, სამუშაო ფრონტზე ვითარება სტაბილურია. შესამჩნევად გაუმჯობესდება რთული ურთიერთობები უფროსებთან ან სამთავრობო უწყებებთან, რაც განსაკუთრებით შესამჩნევი გახდება აგვისტოს ბოლოს. თქვენი ენერგეტიკული პოტენციალი ახლა ოდნავ შემცირებულია და ძველმა ქრონიკულმა დაავადებებმა შესაძლოა თავი შეგახსენოთ.
ლიეტუვის საგარეო საქმეთა მინისტრმა, გაბრიელიუს ლანდსბერგისმა ევროკომისრის თანამდებობაზე საკუთარი კანდიდატურის წარდგენაზე უარი თქვა. ამის შესახებ მან სოციალურ ქსელ X-ში დაწერა.
„ჩემთვის დიდი პატივი იქნებოდა, მემსახურა ლიეტუვის ევროკომისრად, თუმცა მე გავაგრძელებ ჩემი ქვეყნის სამსახურში ყოფნას, უკრაინის დახმარებას და ევროპის მომავლისთვის ბრძოლას სხვა გზებით“, – დაწერა ლანსბერგისმა.
როგორც „პოლიტიკო“ წერს, ლანდსბერგისის ეს განცხადება მასა და ლიეტუვის პრეზიდენტს, გიტანას ნაუსედას შორის განხეთქილების ფონზე გაკეთდა. ნაუსედამ უარი განაცხადა ლანდსბერგისის კანდიდატურის მხარდაჭერაზე, იმის მიუხედავად, რომ მინისტრს სხვა წამყვანი პოლიტიკოსები უჭერდნენ მხარს, მათ შორის, პრემიერ-მინისტრი ინგრიდა შიმონიტე და „ევროპის სახალხო პარტიის“ პრეზიდენტი მანფრედ ვებერი.
საგარეო საქმეთა მინისტრმა პრემიერ-მინისტრ ინგრიდა შიმონიტეს მიმართა, პრეზიდენტს ევროკომისრად წარდგენისთვის განსახილველად სხვა კანდიდატურა შესთავაზოს.
ევროკავშირის წევრმა ქვეყნებმა ევროკომისიის პრეზიდენტს, ურსულა ფონ დერ ლაიენს კომისრების თანამდებობებზე კანდიდატები 30 აგვისტომდე უნდა წარუდგინონ.