“ნატო აგრძელებს საქართველოს, ბოსნია და ჰერცეგოვინისა და მოლდოვის თავის „ქსელებში“ ჩათრევას” – რუსეთის საგარეო საქმეთა სამინისტრო

95
spot_img

ნატო-ს ვილნიუსის სამიტის შედეგებს რუსეთის საგარეო საქმეთა სამინისტრო ეხმაურება. რუსეთის საგარეო უწყების განცხადებაში აღნიშნულია, რომ ალიანსი აგრძელებს საქართველოს, ბოსნია და ჰერცეგოვინისა და მოლდოვის თავის „ქსელებში“ ჩათრევას.

„ნატო-ს ექსპანსიონისტური მისწრაფებები მხოლოდ ევროატლანტიკურით არ შემოიფარგლება. მას შემდეგ, რაც შთანთქა ფინეთი და თითქმის შვედეთი, ყოველგვარი საჯარო განხილვისა და რეფერენდუმის გარეშე, ნატო ცდილობს, გადააქციოს არქტიკა სამხედრო დაპირისპირების არენად. არის აქტიური შეღწევა პოსტსაბჭოთა სივრცეში. ახლო აღმოსავლეთი და აფრიკა გამოცხადდა სტრატეგიული ინტერესების ზონად, სადაც ვაშინგტონი და მისი მოკავშირეები ცდილობენ, დააწესონ საკუთარი წესები და გამოწოვონ რესურსები დადასტურებული ნეოკოლონიალური ნიმუშების მიხედვით. ნატო ზრდის საცეცებს ინდო-წყნარი ოკეანის რეგიონში იმ ყალბი საბაბით, რომ იქ განვითარებულმა მოვლენებმა „შეიძლება, პირდაპირ იმოქმედოს ევროატლანტიკურ უსაფრთხოებაზე“. ვილნიუსში გლობალისტური აურზაურის დროს ითქვა, რომ ჩინეთსა და რუსეთს შორის მზარდი სტრატეგიული პარტნიორობა ეწინააღმდეგება „ალიანსის ღირებულებებსა და ინტერესებს“. ქვეყნების უმეტესობისთვის ის, რაც ხდება, სერიოზულ შეშფოთებას იწვევს. ალიანსის პოლიტიკა, მოქმედებები და სამხედრო მშენებლობა პირდაპირ ეწინააღმდეგება ახალი სამართლიანი მსოფლიო წესრიგის ჩამოყალიბების ობიექტურ ამოცანებს ხელოვნური გამყოფი ხაზების გარეშე“, – წერია რუსეთის საგარეო საქმეთა სამინისტროს განცხადებაში.