“მომეცით საშუალება, დებატებში მივიღო მონაწილეობა” – სააკაშვილი

106
spot_img

მომეცით საშუალება დებატებში მივიღო მონაწილეობა და ხალხმა გადაწყვიტოს, თქვენ ხართ მართლები, თუ – მე. თუ გინდათ, რკინის „ბრასლეტი“ დამადეთ, რომ არსად გაგექცეთ, – ამის შესახებ საქართველოს ყოფილმა პრეზიდენტმა მიხეილ სააკაშვილმა საკუთარ სასამართლო პროცესზე განაცხადა, რომელსაც კლინიკა „ვივამედიდან“ დისტანციურად ჩაერთო.

როგორც სააკაშვილი განმარტავს, ქართველმა ხალხმა უნდა გადაწყვიტოს, ვინ არის მართალი.

„მინდა ვუთხრა ჩემ მეგობარ უკრაინელებს, მე ვარ უკრაინის საპატიო მოქალაქე, რა თქმა უნდა, ქართველი და ვამაყობ იმ ქართველებით, რომლებიც იცავენ უკრაინას და ვამაყობ ჩემი პრეზიდენტით, ჩემი უშუალო ხელმძღვანელით, პრეზიდენტ ზელენსკით. დიდი მადლობა მას მხარდაჭერისთვის. რატომ გეშინიათ, ღია მიმართვა რომ იყოს, მომეცით საშუალება დებატებში მივიღო მონაწილეობა და ხალხმა გადაწყვიტოს, თქვენ ხართ მართლები, თუ – მე. თუ გინდათ, რკინის „ბრასლეტი“ დამადეთ, რომ არსად გაგექცეთ. რატომ ეშინიათ იმისა, რომ სააკაშვილს ღიად შეხვდნენ დებატებში, ხალხმა გადაწყვიტოს, თქვენ ხართ მართლები, თუ – მე ვარ მართალი, ჩვენი გზა იყო სწორი, თუ – თქვენი გზაა სწორი, ეს ჩიხია უბედურება, თუ ჩვენ გვჭირდება სხვა ახალი რაღაც, ეს ქართველმა ხალხმა გადაწყვიტოს. ნუ ართმევთ ქართველ ხალხს საშუალებას, თვითონ გააკეთონ არჩევანი, ღია დებატებში შევიდე, ღია თამაშში შევიდე… ვითხოვ ერთადერთს – ღია კამათს! ქართველმა ხალხმა და საერთაშორისო თანამეგობრობამ გადაწყვიტოს, ვინ არის ჩვენ შორის მართალი. ვისაც ეშინია პოზიციის გამოხატვის, მე გეუბნებით, ნუ გეშინიათ ხალხნო, ვერაფერს დაგაკლებენ, თქვენ ხომ იცით, რომ ძალიან ბევრი მომხრე მყავს პირადად მე“, – განაცხადა სააკაშვილმა.