ვეტერანების საქმეთა სახელმწიფო სამსახურის დირექტორმა, გენერალ-მაიორმა კობა კობალაძემ, შეხვედრა გამართა იმ ვეტერანებთან და ვეტერანთა შვილებთან, რომელთაც სხვადასხვა სპოსრტულ ასპარეზობაში, სამსახურის ფინანსური თანადგომით მიიღეს მონაწილეობა როგორც საქართველოში, ისე, ქვეყნის ფარგლებს გარეთ და საპრიზო ადგილები მოიპოვეს.

კობა კობალაძემ მოზარდ და ვეტერან სპორსტმენებს მიღწეული უმაღლესი შედეგები მიულოცა, წარმატებები და გამარჯვებები უსურვა, სიმბოლური საჩუქრები გადასცა და მომავალში, კიდევ უფრო მეტ მხარდაჭერას დაჰპირდა:

‘'ვეტერანების საქმეთა სახელმწიფო სამსახურმა,თავისი თანამონაწილეობით, საკმაოდ საინტერესო პროექტი შესთავაზა საზოგადოებას და თითოეულ ჩვენგანს_ჩვენი თანამებრძოლები, გამოჩენილი ადამიანები, ვინც თავისი ქვეყნისთვის იბრძოდნენ, ქვეყანას თავს სწირავდნენ და, ამავე დროს, იყვნენ სპორსტმენები, დღეს, ჩვენი ხელშეწყობით, საერთაშორისო ასპარეზზე დაიწყეს პროფესიონალური მიმართულებით ასპარეზობა. დღეს, გვქონდა საშუალება, დაგვეჯილდოებინა ისინი, რამეთუ მათ საკმაოდ მაღალ და დიდ გამარჯვებებს მიაღწიეს ჭიდაობასა და სპორტის სხვა სახეობაში. ამავე დროს, ჩვენთვის ძალიან საამაყოა ის, რომ მოდის თაობა, რომელიც ღირსეულად გვენაცვლება თითოეულ ჩვენგანს_ არა მარტო სამშობლოს სიყვარულში არ გვიდებენ ტოლს, არამედ სპორტშიც არიან სამაგალითოები და დღეს, ზუსტად ის ბავშვები, არიან აქ, რომლებიც, ასევე, მსოფლიოს მასშტაბით სხვადასხვა ტურნირებზე მონაწილეობდნენ და არიან გამარჯვებულები; ამ ყველაფერში უდიდესი წვლილი შეიტანა ვეტერანების საქმეთა სახელმწიფო სამსახურმა და სახელმწიფომ მთლიანად. მინდა, კიდევ ერთხელ, მათ, ყველას ვუსურვო წარმატება, ბევრი გამარჯვება.. რაც შეეხება ჩვენს თანამებრძოლებს_ ჩვენ, წინ, კიდევ ბევრი გეგმა გვაქვს განსახორციელებელი,''-განაცხადა კობა კობალაძემ.შეხვედრას,ასევე, ესწრებოდნენ ვეტერანების საქმეთა სახელმწიფო სამსახურის დირექტორის მოადგილეები_მირონ ჩიგოგიძე და ჯანდრი უბირია, დირექტორის მრჩეველი, ვლადიმერ იმნაძე, საერთაშორისო თანამშრომლობის, პროტოკოლისა და საზოგადოებასთან ურთიერთობის სამმართველოს კოორდინატორი, კობა ლიკლიკაძე, მონიტორინგისა და აუდიტის სამმართველოს უფროსი, ეროვნული კატეგორიის მსაჯი ჭიდაობა ძიუდოში, ომის ვეტერანი და ვეტერანი სპორტსმენი, გიორგი ედილაშვილი, აფხაზეთის ძიუდოს აკადემიის დირექტორი, კობა გეგია.