“კრემლზე თავდასხმა რუსი ოლიგარქების კოლექტიური დაკვეთით განხორციელდა”

122
spot_img

უკრაინის მმართველი პარტიის, „ხალხის მსახურის“ თავმჯდომარე დავით არახამია კრემლზე უპილოტო საფრენი აპარატით განხორციელებულ თავდასხმას რუს ოლიგარქებს უკავშირებს.

„ბევრი ვერსია არსებობს კრემლის თავზე დრონების შესახებ. ჩემს პირად მოსაზრებას გამოვთქვამ ინსაიდერებზე დაყრდნობით – კრემლზე თავდასხმა განხორციელდა რუსი ოლიგარქების კოლექტიური დაკვეთით, რომლებიც პუტინის რეჟიმის გამო სანქცირებულთა სიაში მოხვდნენ. ეს „განაწყენებულთა კლუბის“ პირველი კოლექტიური თამაშია“, – წერს არახამია TELEGRAM-ზე.

შეგახსენებთ, 3 მაისს რუსეთის პრეზიდენტის პრესსამსახურმა გაავრცელა განცხადება, რომ ღამით უკრაინამ კრემლში პუტინის რეზიდენციაზე დრონებით თავდასხმა სცადა. აფეთქების ამსახველი ვიდეოკადრები ინტერნეტსივრცეში გავრცელდა.

უკრაინის ხელისუფლება მომხდართან კავშირს უარყოფს.