უნგრეთის პრემიერ-მინისტრმა, ვიქტორ ორბანმა განაცხადა, რომ რუსეთის ხელმძღვანელობა „ჰიპერ რაციონალურია“, უკრაინა კი ვერასდროს შეძლებს ევროკავშირის, ან ნატოს წევრობას, რადგან „ჩვენ, ევროპელებს, ამისათვის საკმარისი ფული არ გვაქვს“.
ორბანმა აღნიშნა, რომ გლობალური ძალა „ირაციონალური“ დასავლეთიდან აზიისკენ და რუსეთისკენ გადაინაცვლებს.
„მომდევნო გრძელვადიან ათწლეულებში, შესაძლოა, საუკუნეებში, აზია მსოფლიოს დომინანტური ცენტრი იქნება“, – განაცხადა ორბანმა და ახსენა ჩინეთი, ინდოეთი, პაკისტანი და ინდონეზია, როგორც მსოფლიოს მომავალი დიდი ძალები.
„ჩვენ, დასავლელებმა, ამ ბლოკში რუსებიც შევიყვანეთ”, – აღნიშნა მან რუმინეთში ეთნიკური უნგრელების წინაშე სატელევიზიო გამოსვლის დროს.
