“ევროპული ქვეყნები მზად არიან უკრაინასთან დაკავშირებით მოლაპარაკებებისთვის, ზელენსკი კი უკიდურეს პოზიციას იკავებს” – ლუკაშენკო

111
spot_img

„ევროპული ქვეყნები მზად არიან უკრაინასთან დაკავშირებით მოლაპარაკებებისთვის, ზელენსკი კი უკიდურეს პოზიციას იკავებს“, –  ამის შესახებ ბელარუსის ლიდერმა ალექსანდრ ლუკაშენკომ ჟურნალისტებთან შეხვედრისას განაცხადა.

„ახლა უნდა დავიწყოთ მოლაპარაკებები. ევროპული ქვეყნები და პირველ რიგში საფრანგეთი, მზად არიან უკრაინასთან დაკავშირებით მოლაპარაკებებისთვის. ზელენსკის პოზიციაა, იბრძოლოს ტერიტორიების გათავისუფლებისთვის თუნდაც ბოლო უკრაინელამდე, აშშ-ის პოზიცია კი შუალედურია, კონტრშეტევის შემდეგ ისინი მზად იქნებიან მოლაპარაკებისთვის“, – აცხადებს ლუკაშენკო.

მისი თქმით, ბელარუსისა და რუსეთისთვის აბსოლუტურად მიუღებელია უკრაინის დასავლეთი ტერიტორიების პოლონეთის ან სხვა დასავლური ქვეყნების მიერ დაკავების შესაძლებლობა.

„ჩვენ განვიხილეთ ეს თემა რუსეთის პრეზიდენტთან – სრული ურთიერთგაგებაა. ეს არის ძალიან საშიში გზა უკრაინაში კონფლიქტის ესკალაციისთვის. თუ მათ აქვთ სურვილი, შეიჭრან უკრაინის ტერიტორიაზე და დაიბრუნონ „ისტორიული ტერიტორიები“, ეს ჩვენთვის მიუღებელია“, – დასძენს ბელარუსის ლიდერი.