“ევროკავშირი ვერ განავითარებს ნორმალურ ურთიერთობას ჩინეთთან, თუ პეკინი არ გამოიყენებს თავის გავლენას რუსეთზე”

53
spot_img

ევროკავშირი ვერ განავითარებს ნორმალურ ურთიერთობას ჩინეთთან, თუ პეკინი არ გამოიყენებს თავის გავლენას რუსეთზე, რათა დაარწმუნოს ის, გაიყვანოს შეიარაღებული ძალები უკრაინიდან და დაასრულოს ომი, – ამის შესახებ ევროკავშირის უმაღლესმა წარმომადგენელმა, ჯოზეფ ბორელმა, ევროპარლამენტში გამართულ მოსმენაზე განაცხადა.

„ჩვენ ბევრი ვისაუბრეთ ამაზე და კვლავ ვაგრძელებთ საუბარს. გეოპოლიტიკური თვალსაზრისით, თავიდან უნდა ავიცილოთ ცივი ომი დასავლეთსა და აღმოსავლეთს შორის“, – აღნიშნა ბორელმა.

ევროკავშირის უმაღლესმა წარმომადგენელმა ხაზგასმით განაცხადა, რომ ნეიტრალური პოზიციის დაკავება შეუძლებელია, რადგან თუ არ განვასხვავებთ აგრესორს და მსხვერპლს, ეს აგრესორის მხარეს დადგომას ნიშნავს.

შეგახსენებთ, მანამდე ჩინეთში განაცხადეს, რომ ქვეყანა არ მიყიდის იარაღს რუსეთ-უკრაინის ომში ჩართულ მხარეებს და დაარეგულირებს სამხედრო საქონლის ექსპორტს.