ესპანეთის მთავრობა პორნოგრაფიაზე წვდომისთვის “პასპორტების” შემოღებას გეგმავს -politico

18
spot_img

ესპანეთის მთავრობა პორნოგრაფიაზე წვდომისთვის „პასპორტების“ შემოღებას გეგმავს, რათა მოზარდებისთვის ასეთ კონტენტზე წვდომა შეზღუდოს.

ამის შესახებ Politico ესპანურ El País-ზე დაყრდნობით წერს.

გამოცემის ინფორმაციით, ქვეყნის მთავრობამ წარადგინა აპლიკაცია Cartera Digital Beta („ციფრული საფულე Beta“). პორნოს ყურების მსურველებს ამ აპლიკაციაში დარეგისტრირება და საკუთარი სრულწლოვანების დადასტურება მოუწევთ.

მონაცემების შემოწმების შემდეგ, მომხმარებლები ყოველთვიურად 30 გენერირებულ კრედიტ-კოდს მიიღებენ, რომლებიც მათ წვდომას გაუხსნით ვებგვერდებზე, სადაც უფროსებისთვის კონტენტია განთავსებული. აუცილებლობის შემთხვევაში, გათვალისწინებულია დამატებითი კრედიტების მიღების შესაძლებლობაც.

ამასთან, მთავრობაში აღნიშნავენ, რომ არ მიადევნებენ თვალყურს აპლიკაციის მომხმარებელთა აქტივობას, ამიტომ პერსონალური მონაცემების დაცვა გარანტირებული იქნება.

აღსანიშნავია, რომ 2027 წლის ოქტომბრიდან ევროკავშირში ამოქმედდება კანონი, რომელიც პორნოვებგვერდებს დაავალდებულებს, არასრულწლოვანებს მათ კონტენტზე წვდომა აუკრძალონ. თუმცა ესპანეთში გადაწყვიტეს, რომ ლოდინი არ უნდათ და Cartera Digital Beta-ს ამოქმედებას ზაფხულის ბოლოსკენ გეგმავენ.