“ერდოღანს სურს, უკრაინაში ცეცხლის შეწყვეტის მიზნით, პუტინს შუამავლობა შესთავაზოს” – რუსული მედია

69
spot_img

ერდოღანს სურს, პუტინს შუამავლობა შესთავაზოს უკრაინაში ცეცხლის შეწყვეტის მიზნით, – ამის შესახებ რუსული მედია თურქეთის პრეზიდენტის ადმინისტრაციაზე დაყრდნობით წერს.

„ბატონი პრეზიდენტი შესთავაზებს თავის შუამავლობას კონფლიქტის მოგვარების საქმეში, გაიმეორებს თეზისს, რომ ომში არ იქნება გამარჯვებული და სამშვიდობო პროცესში არ იქნება დამარცხებული“, – აცხადებს თურქული წყარო.

თურქეთის პრეზიდენტის ადმინისტრაციაში აღნიშნავენ, რომ ანკარა ცეცხლის შეწყვეტისა და მოლაპარაკებების დაწყების მომხრეა.

როგორც წყარო აღნიშნავს, ერდოღანი „ერთადერთი მსოფლიო ლიდერია“, რომელიც სარგებლობს ვლადიმერ პუტინისა და ვოლოდიმირ ზელენსკის „გულწრფელი ნდობით“, ინარჩუნებს მათთან კონტაქტს და „ყველაფერს აკეთებს რეგიონში მშვიდობის დასამყარებლად“.

თურქეთის და რუსეთის პრეზიდენტების შეხვედრა სავარაუდოდ აგვისტოს ბოლო კვირაში გაიმართება.