“აფხაზეთი კავკასიის ნაწილია” – ასლან ბჟანია

147
spot_img

აფხაზეთის კავკასიის განუყოფელი ნაწილია. ამის შესახებ სოხუმის დე ფაქტო ლიდერმა, ასლან ბჟანიამ განაცხადა. ინფორმაციას Apsadgil.info ავრცელებს.

ბჟანიამ ამის შესახებ რუსეთის ქალაქ მინერალნიე ვოდიში განაცხადა, სადაც საინვესტიციო გამოფენა მიმდინარეობს.

„ჩვენ გვაქვს საერთო საინვესტიციო სივრცე, სადაც მსგავსი წესები მოქმედებს. ამიტომ ჩვენი დელეგაცია დღეს აქ იმყოფება და მსგავს ღონისძიებებს დიდი მნიშვნელობა აქვთ“, – განაცხადა ბჟანიამ.

ბჟანიამ განაცხადა, რომ არსებობს საავიაციო მიმოსვლის აღდგენის პროექტი, რისთვისაც სოხუმის აეროპორტის აღდგენა უნდა დაიწყოს. ასევე მან ოკუპირებული რეგიონის გაზიფიკაციის და ტურიზმის განვითარების იმედი გამოთქვა.