„აი როგორ ხდება ტყუილის შეთხზვა! – ნიკო კახეთელიძე (ფოტო)

245
spot_img

ამ წუთას გადავამოწმე, რაჭის ეროვნული პარკი შეიქმნა ახლახანს გერმანული KFW-ს დაფინანსებით და რეინჯერების შერჩევა ჯერ კიდევ მიმდინარეობს, – ამის შესახებ საკრებულოს წევრი და გარემოს დაცვის კომისიის თავმჯდომარე ნიკო კახეთელიძე სოციალურ ქსელში წერს.

„აი როგორ ხდება ტყუილის შეთხზვა! ამასთანავე ეს „მოჩხლართული” ამბავი ხვდება არასამთავრობო ორგანიზაციების ანგარიშებში და ხდება ტყუილის ტირაჟირება.

1. ის რომ მეწყერის შეკავება შეუძლებელი იყო ამას არ უარყოფენ.

2. „რეინჯერებმა” 27-ში შეატყობინეს შეგუბების და მეწყრული პროცესების შესახებ“ ვის შეატყობინეს? რეინჯერი არის დაცული ტერიტორიების სააგენტოს თანამშრომელი და შეტყობინებაც უნდა გაეკეთებინათ ამ სააგენტოში. სად არის ეს შეტყობინება? საიდან გაიგო რომ შეატყობინეს? ამ შემთხვევაში რეინჯერები სად არიან? გვარი, სახელი? ვინმე კაპანაძეს ეს ინფორმაცია ლოგიკურად ხომ უნდა ჰქონდეს. ვინ არიან თქვას!

3. “მდინარე სადღაც გუბდებოდა”. სად გუბდებოდა? ვერ დაინახეს? შეტყობინებაში არ მიუთითეს სად გუბდებოდა?

4. ამ წუთას გადავამოწმე, რაჭის ეროვნული პარკი შეიქმნა ახლახანს გერმანული KFW-ს დაფინანსებით და რეინჯერების შერჩევა ჯერ კიდევ მიმდინარეობს. ჯერ არ დანიშნულა არავინ. გავაგრძელო?

აი ეს ფაქტი არის არაკაცობა და დიდი ტყუილის ფრაგმენტი. ამით შეცდომაში შეყავთ ყველა. დანარჩენი ფრაგმენტებიც გამოჩნდება…“, – წერს ნიკო კახეთელიძე.

შოვში მეწყერი 3 აგვისტოს ჩამოწვა. ამ დროისთვის არსებული ოფიციალური მონაცემებით, სტიქიის შედეგად 16 ადამიანია დაღუპული, 20 ადამიანს კი ეძებენ.