თბილისში დაგეგმილ „ქართული ოცნების“ საარჩევნო კამპანიის დასკვნით ღონისძიებას, ქუთაისიდან ავტომოყვარულები უერთდებიან.
მათი განაცხადებით, წლების განმავლობაში ითხოვდნენ ქუთაისში ავტოდრომის მოწყობას, რისი დაპირებაც რამდენიმე დღის წინ პრემიერ – მინისტრისგან მიიღეს.
ისინი „ქართულ ოცნებას“ უცხადებენ მხარდაჭერას. ქუთაისელ ავტომოყვარულებს სხვადასხვა მუნიციპალიტეტიდანაც უერთდებიან.
„ავტომოყვარულები ქუთაისში ვინც ვართ, ყველა ჩვენივე ხარჯებით შევიკრიბეთ. გვიერთდებიან ზესტაფონი, სამტრედიაც. ყველა არის დაინტერესებული წავიდეთ და ჩვენი გვერდში დგომა გამოვხატოთ ბატონი კობახიძის და გუნდის მიმართ“, – განაცხადა აქციის ერთ-ერთმა მონაწილემ შაკო სოფრომაძემ.
