Powered by Jasper Roberts - Blog


 

 

00:35 14.12.2019
„კრემლ, წაუთაქე თავში ცხინვალს! ცოტა დაემუქრე კიდეც ყველას გასაგონად, ფულს აღარ მოგცემო და ვნახოთ მერე, რას იზამს“

ანალიტიკოსი სიმონ კილაძე ეხმაურება ცხინვალის გადაწყვეტილებას, რომ ექიმი ვაჟა გაფრინდაშვილი ისევ პატიმრობაში დატოვოს:

 

„ერთია, რომ ექიმ ვაჟა გაფრინდაშვილის დაკავების გარემოებებთან დაკავშირებით, როგორც "ბი-ბი-სი" წერდა, საკმაოდ ბევრი კითხვა არსებობს, მაგრამ მეორეა ის, რომ რუსეთის წარმომადგენლების თითქოსდა იმედიანი განცხადებების ფონზე - მალე გათავისუფლდებაო, ექიმი ისევ პატიმრობაში რჩება. ესე იგი, რა გამოდის? მოსკოვი ეუბნება ცხინვალს - საერთაშორისო სკანდალია ატეხილი, ჩემი რეპუტაციაც ფუჭდება, გაათავისუფლეო, მაგრამ ცხინვალი ჯიუტობს, არ ემორჩილება და ფეხებზე იკიდებს რუსეთს? კი, მოსკოვს შეუძლია თქვას - რა ვქნა, ვეუბნები, მაგრამ სუვერენული სახელმწიფოა და თვითონ იცის თავისი საქმეო. არაერთხელ უთქვამს ასე. მაგრამ კრემლ, კარგი ახლა, რა... მაგ "სუვერენულ" სახელმწიფოს, თუ არ გიჯერებს, წაუთაქე თავში და ცოტა დაემუქრე კიდეც ყველას გასაგონად, ფულს აღარ მოგცემო და ვნახოთ მერე, რას იზამს. თუმცა, როგორც ჩანს, ორივე გარიგებულები ხართ - მე გეტყვი გაათავისუფლე, მაგრამ შენ დამოუკიდებლობანა ითამაშე და არ გაათავისუფლოო. გვატყუებთ, ხომ, თქვენი ჭკუით? მოკლედ, ექიმი ახალ წელს თავის სახლში უნდა შეხვდეს“.

ავტორ(ებ)ი : geotimes.ge