Powered by Jasper Roberts - Blog


 

 

21:51 08.12.2019
სურსათის ეროვნულმა სააგენტომ ოზურგეთის სოფელ დვაბზუს სასაკლაოზე ვადაგასული ხორცი აღმოაჩინა, რომელიც დილით უნდა შესულიყო აჭარის საბავშვო ბაღებში

სურსათის ეროვნული სააგენტოს გურიის რეგიონულმა სამმართველომ ოზურგეთის სოფელ დვაბზუს სასაკლაოზე, შპს „სოფოს“ მიერ ნაქირავებ ფართში ვადაგასული ხორცი აღმოაჩინა. სააგენტოს სამმართველოს უფროსის, მანანა ერქომაიშვილის განცხადებით, ხორცი აჭარის საბავშვო ბაღებისთვის იყო განკუთვნილი. „ეს არის შპს „სოფოს“ მიერ ნაქირავები ფართი, სადაც ხდება დაფილვა. ეს შპს ამარაგებს აჭარისა და ოზურგეთის საბავშვო ბაღებს. ამ შემთხვევაში ხორცი, რომელიც არის ვადაგასული, ეტიკეტისა და საბუთების გარეშე, ხვალ დილით უნდა შესულიყო აჭარის საბავშვო ბაღებში“, – განაცხადა მანანა ერქომაიშვილმა.

ამ წუთებში ადგილზე იმყოფებიან სურსათის ეროვნული სააგენტოს წარმომადგენლები. მობილიზებულია პოლიცია. დაწყებულია გამოძიება.

ავტორ(ებ)ი :