Powered by Jasper Roberts - Blog

 

 

21:37 08.11.2019
„ჩამოვთვლი ფილმებს, რომელთა მასობრივი ჩვენებაც აიკრძალა ევროპულ ქვეყნებში - სულაც არ ტეხავს, სახელმწიფო ჩაერიოს და აკრძალოს ფილმების მასობრივი ჩვენება, რომლებიც ეწინააღმდეგება მის რელიგიურ მრწამსს“

იურისტი დავით მარდალეიშვილი სოციალურ ქსელში ეხმაურება ფილმის „და ჩვენ ვიცეკვეთ“ საჯარო ჩვენებას და წერს:


“პრადვინუტების” გასაგონად, ვინც თვლის, რომ წარსულში ჩარჩენილმა ქართველებმა მოვიგონეთ ფილმების აკრძალვა და გოიმობაა, ჩამოვთვლი ფილმებს, რომელთა მასობრივი ჩვენებაც აიკრძალა ევროპულ ქვეყნებში: სტენლი კუბრიკის კინოშედევრი “მექანიკური ფორთოხალი”, რამდენიმე წლის განმავლობაში, ყველა ქვეყანაში აკრძალული იყო, აშშ-ს გარდა; “ტეხასური ხოცვა ბენზოხერხით”, დღესაც აკრძალულია დიდ ბრიტანეთში; “ადამიანის მრავალფეხა”, აკრძალულია მთელს ევროპაში; საბავშვო ფილმი “უცხოპლანეტელი”, აკრძალული იყო ფინეთში, შვედეთში და ნორვეგიაში, იმ მიზეზით, რომ მასში, უფროსი თაობა უარყოფითი პერსონაჟებით იყო წარმოდგენილი; “გროტესკი” და “სერბული ფილმი”, აკრძალულია მთელს მსოფლიოში, ღია პორნოსცენებისა და ზღვარსგადასული ძალადობის გამო. ეს ძალიან მცირე ნაწილია, აკრძალული ფილმებისა! ასე რომ, სულაც არ ტეხავს, სახელმწიფო ჩაერიოს და აკრძალოს ისეთი ფილმების მასობრივი ჩვენება, რომლებიც ეწინააღმდეგება მის რელიგიურ მრწამსს, პოლიტიკას, თუ იდეოლოგიას, მითუმეტეს, როდესაც ესენი სწორ იდეალებზეა დამყარებული“ – წერს დავით მარდალეიშვილი.

ავტორ(ებ)ი : geotimes.ge