Powered by Jasper Roberts - Blog

 

 

20:08 22.09.2019
„თუ გამომიცეკვოს, შენ ეცეკვე ჩემ მაგივრად და თუ რამე გაქვს მოპარული, ყველაფერს გაპატიებო - ეგ იყო და ეგ, ბოლო და უკანასკნელი ქორწილი ზურასთვის, მერე დაპატიჟებაზეც გიჭერდა“

სააკაშვილის ხელისუფლების ყოფილი მინისტრი კობა სუბელიანი სოციალურ ქსელში ძველ ამბავს იხსენებს და წერს:

 

“ვალერი ცერცვაძემ დამპატიჟა ქორწილში და ადეიშვილის გვერდზე გამამწესა რატომღაც. ვზივარ, ლუკმა არ გადამდის. თან შიგადაშიგ ზურა რაღაცეებს მეკაიფება – ჰა, ასფალტს როგორ იპარავთ ახლა და ეგეთებს მეუბნება სიცილ სიცილით. კი, ვიცი, რო ხუმრობს, მარა მაინც რა იცი რა ხდება. ხო და უცებ აჭარული შემოსცხეს და ვიღაცა მკლავებგაშლილი ტიპი საეჭვო ტრაექტორიით წამოვიდა ჩვენსკენ ცეკვაცეკვით. ზურას გულმა უგრძნო, რომ მის გამოცეკვებას აპირებდა, თუ რა იყო, არ ვიცი, მომიცუცქდა და ყურში მეუბნება – იმან თუ გამომიცეკვოს, შენ ეცეკვე ჩემ მაგივრად და თუ რამე გაქვს მოპარული, ყველაფერს გაპატიებო. ზურა, ცეკვა არ ვიცი რანაირად ვიცეკვო, მეთქი (მართლა არ ვიცი). კი მარა მართლა არაფერი მოგიპარიაო? არ ვიცი ცეკვა, ზურა, სერიოზულად გეუბნები, მეთქი. აბა რო მღერიხარო?! (ჯერ ერთი რას ვმღერი, მარა მაინც) მერე რა, სად ცეკვა და სად სიმღერა – ახსნა დავუწყე რა შუაშია, ცეკვა სიმღერას რა საერთო აქვს ერთმანეთთან მეთქი. აუ, ჩემი, ეს მართლა სვანიაო ჩაილაპარაკა. სანამ ჩვენ ამ გარჩევებში ვიყავით, კი უსვა იმ მოცეკვავემ ერთიდაიგივე ადგილას ფეხი ჰაერში გაჩერებული და ერთადგილას გამოკიდებული ,,ვერტალიოტივით” გადაალაპლაპა პარკეტი. რო გადაეწურა იმედი, გაგვცილდა ცეკვაცეკვით და გაწბილებული სახით. ეგ იყო და ეგ, ბოლო და უკანასკნელი ქორწილი ზურასთვის. მერე დაპატიჟებაზეც გიჭერდა ”

ავტორ(ებ)ი : geotimes.ge