Powered by Jasper Roberts - Blog

 

 

20:03 10.05.2019
სატვირთო თვითმფრინავი, რომელიც თბილისიდან დელიში მიფრინავდა და ჯაიპურის აეროპორტში იძულებით დასვეს, უკრაინულია და კომპანია „მოტორსიჩს“ ეკუთვნის

სატვირთო თვითმფრინავი, რომელიც თბილისიდან დელიში მიფრინავდა და ჯაიპურის აეროპორტში იძულებით დასვეს, უკრაინულია. სამოქალაქო ავიაციის სააგენტოში აცხადებენ, რომ AN-12 ტიპის თვითმფრინავი არც ერთ ქართულ კომპანიას არ ეკუთვნის და არ ირიცხება საქართველოს საჰაერო ხომალდების სახელმწიფო რეესტრში. მათი ცნობით, საჰაერო ხომალდი ეკუთვნის უკრაინულ სატვირთო ავიაკომპანია „მოტორსიჩს“, რომელმაც თბილისის აეროპორტში ტექნიკური დაშვება განახორციელა და მერე გაფრინდა დელიში. მედიასაშუალება ndtv.com-ის ინფორმაციით, ინდოეთის გამანადგურებლებმა სატვირთო თვითმფრინავს AN-12, რომელიც თბილისიდან დელის მიმართულებით ყარაჩის გავლით მიფრინავდა, საჰაერო სივრცის დარღვევისთვის ჯაიპურის აეროპორტში დაჯდომა აიძულეს. ინდური მედიის მიერ გავრცელებულ ინფორმაციაში AN-12 საქართველოს სატვირთო თვითმფრინავად არის მოხსენიებული.

ავტორ(ებ)ი : geotimes.ge