Powered by Jasper Roberts - Blog

 

 

14:11 05.04.2018
გურმანთა ასტროლოგია - ანუ როგორია თქვენი იდეალური სადილი ზოდიაქოს ნიშნიდან გამომდინარე

ზოდიაქოს ნიშანი მმართველ პლანეტასთან ერთად, ხასიათის შტრიხების თავისებურების გარდა ამა თუ იმ ადამიანში კულინარიულ მიდრეკილებებსაც განაპირობებს. ამიტომ, იმის მიხედვით თუ კონკრეტულად როდის დაიბადეთ, გეძლევათ შესაძლებლობა, სწორად დაგეგმოთ თქვენი კვების რაციონი და კულინარიული მიდრეკილებები.



ვერძი
ვერძების უმრავლესობა, საკუთარი დინამიკური ხასიათიდან და აქტიური ცხოვრების წესიდან გამომდინარე ხშირადაა სწრაფი კვების ობიექტების სტუმარი. ვერძისთვის კვება სასიცოცხლო ენერგეტიკული მარაგის შევსებისთვის აუცილებელი საშუალებაა, აქედან გამომდინარე, ამ ადამიანებს იშვიათად ახასიათებთ კვების პროცესზე ხანგრძლივი დროის დახარჯვა. 
იდელური სადილი - მაკდონალდსის ქსელის რომელიმე რესტორანი. 



კურო 
აი, რაც შეეხება კუროს, მისთვის საკვები და ზოგადად კვების რიტუალი, მთელი ფილოსოფიაა. ამიტომ კუროების უმრავლესობა იშვიათად იკვებება გარეთ და უჩევნია საკუთარი ხელით მომზადებული, ოჯახური სადილით გაინებივროს თავი. კუროებს ხორციანი საკვები უყვართ, აქედან გამომდინარე, იშვიათად შეხვდებით ჭეშმარიტ კუროს, რომელიც ბოსტნეულის სალათი ურჩევნია, შებოლილ ლორს ან ჩაქაფულს.
იდეალური სადილი - ოჯახური ცხელი კერძი, მყუდრო საღამო ბუხრის პირას.



ტყუპი
ტყუპს, ვერძების მსგავსად არასოდეს ყოფნით დრო საიმისოდ, რომ იგი სრულფასოვან კვებაში დახარჯონ, ამიტომ ბევრი ტყუპი აღმერთებს ე. წ. "პირის საცმაცუნო" სასუსნავებს - ჩიპსებს, მიწის თხილს, კრეკერებს და ა.შ. ამასთან ერთად, თუკი მის პირად რუკაში კირჩხიბის ან კუროს გავლენა შეინიშნება, მოქნილობა რომლითაც მერკურით მართული ზოდიაქოს ეს ნიშანია დაჯილდოებული, ხშირად აძლევს მას იმის საშუალებას, რომ თავადაც წამის უსწრაფესად მოამზადოს ნებისმიერი სახის საკვები (ნუ დაგავიწყდებათ, მოქნილი ხელების გამო არაერთი მეფოკუსე და ილუზიონისტია დაბადებული ტყუპის ზოდიაქოს ნიშნით).
იდეალური სადილი - ლანჩი მეგობრებთან ერთად ან ფეხბურთის მატჩის ყურება ლუდის და ჩიპსების თანხლებით.

კირჩხიბი

რაც შეეხება კირჩხიბს, თუკი გავითვალისწინებთ იმას, რომ კირჩხიბის ზოდიაქოს მართვის სფერო სამედიცინო ასტროლოგიის თვალსაზრისით კუჭია, გასაკვირი არ უნდა იყოს ის ფაქტი, რომ კირჩხიბებისთვის საკვების თემა და ზოგადად სამზარეულო წმიდათა წმიდა რამაა. ამიტომ, კიბო, როგორც წესი, არასოდეს მოიწამლავს თავს სხვისი მომზადებული კერძით. კირჩხიბებს ძირითადად თხიერი საკვები უყვართ. აქედან გამომდინარე, ისინი ხშირად ანიჭებენ უპირატესობას ყოველგვარი სახის სუპებს და ბულიონებს. 
იდეალური სადილი - ტრადიციული საოჯახო სადილი მრგვალ მაგიდასთან, ბებიის ნაქონი სერვიზით.



ლომი
ზოდიაქოს ყველაზე მეფურ ნიშანს ლომს საკვებიც მეფური და პომპეზური ესაჭიროება. ამიტომ გასაკვირი არაა ის ფაქტი, რომ ძვირად ღირებული რესტორნებისა და კვების ობიექტების ყველაზე ხშირი კლიენტების რიცხვს, სწორედ ლომები შეადგენენ. ლომებისთვის ამგვარ დაწესებულებებში საკვების მირთმევის რიტუალი, სხვა არაფერია, თუ არა კიდევ ერთი მიზეზი ე.წ. "სელფ-პიარის" მოსაწყობად. ამიტომ ისინი, მონდომებით ითვისებენ ფეშენებელური რესტორნების არსენალში არსებული ხიზილალის, იშვიათი სახეობის ზღვის პროდუქტების, ზეთისხილისა და ხორცეულის მარაგს... 
იდელური სადილი - სადილი ქალაქის ფეშენებელურ რესტორანში, რამდენმე რესპექტაბელურ კომპანიონთან ერთად.



ქალწული
ქალწული იმ იშვიათ გამონაკლისთა რიცხვშია ზოდიაქოს ნიშნებს შორის, რომელსაც თამამად შეუძლია დისერტაციაც კი დაწეროს ჯანსაღი კვების საკითხებზე. ნებისმიერმა ქალწულმა, ზუსტად იცის რას ჭამს, როდის და რა დოზით. აქედან გამომდინარე, სამსახურში ფაფით სავსე რეზერვუარებით მოსიარულე თანამშრომლებს შორის, როგორც წესი 90% ქალწულია. ასევე ბევრია ზოდიაქოს ან ნიშნით დაბადებულ ადამიანებს შორის ვეგეტარიანელი და არატრადიციული მედიცინის მიმდევარი. 
იდელური სადილი - ვეგეტარიანულ რესტორანში, სადაც სიმყუდროვეა და საკვებსაც მის თვალწინ ამზადებენ.



სასწორი
სასწორების უმრავლესობა, ტკბილეულის სიყვარულით გამოირჩევა. პლანეტა ვენერა, რომელიც ზოგადად სილამაზისა და ჰარმონიის მფარველია, სასწორებს დახვეწილი საკვების მიმართ სიყვარულს ანიჭებს. ამიტომ, ამ ადამიანებს, როგორც წესი, ჯერ კერძის ვიზუალური იმიჯი აინტერესებთ და უკვე მერე მისი გემოვნური თვისებები. ამასთან ერთად, სასწორის კიდევ ერთი დამახასიათებელი თვისება, საკვებთან მიმართებაში არის ის, რომ იგი არასოდეს მიირთმევს საჭმელს ულამაზო თეფშით ან მოუხერხებელ, არაჰიგიენურ გარემოში. 
იდეალური სადილი - ჭიქა ლატე და დიდი, ფერადი ტორტის ნაჭერი.



მორიელი
მძაფრი შეგრძნებების მოყვარულ მორიელებს, საკვებიც შესაბამისი კატეგორიის ესაჭიროებათ. აქედან გამომდინარე, ზოდიაქოს ამ ნიშნის წარმომადგენლებისთვის ყველაზე შესაფერისი ცხარე, მჟავე ან პიკანტური სანელებლებით შენელებული ნებისმიერი ქვეყნის სამზარეულო იქნება. ამასთან ერთად, ნუ დაგვავიწყდება ისიც, რომ მორიელი წყლის სტიქიის ნიშანია და სპირტიანი სასმელების მიმართ სიყვარულითაც არანაკლებ გამოირჩევა. ვისკი, ხერესი, ჯეკ დენიელსი - ეს მცირე ჩამონათვალია იმ მაღალალკოჰოლური სპირტიანი სასმელების სიიდან, რომლის მიღებაც მორიელებს საკვებთან ერთად მოსწონთ. 
იდეალური სადილი - აღმოსავლური რესტორანი, სადილი პირდაპირ მის თვალწინ შემწვარი მწვადით და ცხარე საწებლით



მშვილდოსანი
მშვილდოსანს ყველაფერი იზიდავს, რაც უცხო და ეგზოტიკურია. ამიტომ ახალ-ახალი თავგადასავლების მიმართ სიყვარულს ზოდიაქოს ამ ნიშნის ქვეშ დაბადებული ადამიანები, საკვებთან მიმართებაშიც არანაკლები ინტენსივობით ამჟღავნებენ. აქედან გამომდინარე, ნებისმიერი მშვილდოსანი სიამოვნებით დათანხმდება კულინარიული კურსის გავლას, სხვადასხვა ქვეყნის სამზარეულოს შესწავლის კუთხით და ამა თუ იმ კერძის მზადებაში თავადაც აქტიურად მიიღებს მონაწილეობას. 
იდეალური სადილი - სიამოვენით ისადილებდა ტაილანდურ ნავზე, ღია ცის ქვეშ, რაღა თქმა უნდა, მეგობრების გარემოცვაში.



თხის რქა 
მმართველი პლანეტა სატურნი, თხის რქების უმრავლესობას, დაბადებისთანავე კონსერვატორული აზროვნებითა და წესიგის უზომო სიყვარულით აჯილდოებს. აქედან გამომდინარე, თხის რქების უმრავლესობას, საკვებთან მიმართებაში საკმაოდ პრეტენზიული მიდგომა გააჩნია, რაც იმაში ვლინდება, რომ ეს ადამიანები მაქსიმალურად ცდილობენ დაიცვან რეჟიმი კვებისას, ჭამონ ყოველთვის ტრადიციული (მათთვის ნაცნობი ინგრედიენტებით მომზადებული) კერძები და იშვიათად გაინებივრონ თავი ალკოჰოლით ან თამბაქოს აქტიური მოხმარებით. 
იდეალური სადილი - ოჯახის წევრებთან ერთად, ტრადიციული პირველი, მეორე, მესამე - დესერტის გათვალისწინებით.



მერწყული
მერწყულებს ორიგინალურ აზროვნებასთან ერთად, ექსცენტრიკულობით გამორჩეული მმართველი პლანეტა ურანი კვებასთან დაკავშირებული უცნაური მიდრეკილებებითაც აჯილდოებს. აქედან გამომდინარე, ნებისმიერი სტანდარტული მერწყული აღფრთოვანებული დარჩება, თუ მას ვინმე ეგზოტიკური კერძის დასაგემოვნებლად დაპატიჟებს. ასეთივე ეგზოტიკური გარემოთი გამორჩეულ რომელიმე რესტორანში. სადაც მეგობრულ უშუალო გარემოში, თურქულად ფეხმორთხმულს საშუალება ექნება მიირთვას სხვადასხვა სახის აღმოსავლური ტკბილეული, ჩირი და თხილეულის ასორტი, რაც ზოდიაქოს ამ ნიშნის წარმომადგენლებს ასე ძალიან უყვართ.
იდეალური სადილი - ინდური რესტორანი, აღმოსავლური ტკბილეული, ჩაი, ჩილიმი - საინტერესო საუბრები ზოგადსაკაცობრიო საკითხებზე მეგობრებთან ერთად.



თევზები
თევზების ყველაზე დიდი სისუსტე, მმართველი პლანეტა ნეპტუნის ხასიათიდან გამომდინარე სასმელია. არა აქვს მნიშვნელობა ეს ვისკი იქნება, ლუდი, კონიაკი თუ უბრალოდ მაგარი ჩაი ლიმონით. თევზები ყველაფერს ერთნაირი სიამოვნებით მიირთმევენ და არცთუ იშვიათად ხდება ისე, რომ ზომა-წონის შეგრძნება ეკარგებათ, როცა საქმე სასმელს ეხება. რაც შეეხება საკვებს, ამ მხრივ თევზების ზოდიაქოს ნიშნით დაბადებული ადამიანები, როგორც წესი, ნაკლებად პრეტენზიულთა კატეგორიას განეკუთვნებიან და ხშირად გარემოცვას უფრო დიდ ყურადღებას აქცევენ სადილობისას, ვიდრე თავად კერძის გემოს ან ხარისხს. 
იდეალური სადილი - ჭიქა ჩაი, ყავა ან აბსენტი გულითადი მეგობრების გარემოცვაში.

ავტორ(ებ)ი : astrologi.ambebi.ge