Powered by Jasper Roberts - Blog

 

 

15:11 25.03.2018
ვისაც უნდა უმაღლესი სულიერი მიღწევა, ის უნდა იყოს ყველას მონა - მეუფე შიო

საქართველოს კათოლიკოს–პატრიარქის მოსაყდრემ, მეუფე შიომ საკვირაო ქადაგების სიონის ტაძარში აღავლინა. მან სახარებიდან იქადაგა, თუ რას ასწავლიდა იესო ქრისტე თავის მოციქულებს წარმატებისა და ძალაუფლების შესახებ:


„ჩვენს შორის, ქრისტიანებს შორის ძალიან გავრცელებულია და ისეთივე მისწრაფებები გვაქვს, როგორც დანარჩენ სამყაროს. ჩვენ ბავშვებს ვზრდით, რომ იყვნენ წარმატებული, იყვნენ ლიდერები, ჰქონდეთ ხელმწიფება, პირველობა და სხვები ემსახურებოდნენ მას. ამაზე უფალი ამბობს, რომ ასეთი ნუ იქნები! როგორც სახარება ამბობს, ის წარმატება, რომელიც სოფელსა ამას ესმის, სინამდვილეში არის წარუმატებლობა, ხოლო წარმატება არის პირიქით. უფალი ამბობს, რომ საშუალო წარმატება არის, იყო ყველას მსახური. ვისაც უნდა უმაღლესი წარმატება, უმაღლესი სულიერი მიღწევა, ის უნდა იყოს მონა. ჩვენ დავფიქრდეთ, ვართ თუ არა ასეთი?! ჩვენ გვინდა, რომ კერპს, რომელიც საკუთარი თავისგან გვაქვს შექმნილი, ველოლიავოთ, გავწმინდოთ და შევინახოთ“, - განაცხადა მეუფე შიომ ქადაგებისას. მან ასევე ბრძანა, რომ თუკი ადამიანს სიყვარული არ აქვს, ის ვერავის მსახური ვერ იქნება, მით უფრო მთელი ერის.

ავტორ(ებ)ი : geotimes.ge