Powered by Jasper Roberts - Blog

12:18 18.03.2017
ბათუმის მოვლენებთან დაკავშირებით კიდევ 8 პირი დააკავეს

ბათუმში, 11-12 მარტს განვითარებულ მოვლენებთან დაკავშირებით სისხლის სამართლის ბრალდებით კიდევ 8 პირი დააკავეს. აღნიშნული ინფორმაცია საქართველოს შინაგან საქმეთა სამინისტროში დაადასტურეს. 


უწყების ინფორმაციით, დაკავებულებს ბრალი სისხლის სამართლის კოდექსის 225-ე მუხლით და 353-ე მუხლებით ედებათ, რაც მასობრივ არეულობას და პოლიციელზე ან ხელისუფლების სხვა წარმომადგენელზე, ანდა საჯარო დაწესებულებაზე თავდასხმას გულისხმობს. 


11-12 მარტს, ბათუმში განვითარებულ მოვლებებთან დაკავშირებით, სისხლის სამართლის ბრალდებით დაკავებულ 6 პირს სასამართლომ წინასწარი პატიმრობა უკვე შეუფარდა, ერთი არასრულწლოვანი კი გუშინ 3000 ლარის სანაცვლოდ გათავისუფლდა.

ავტორ(ებ)ი : geotimes.ge