Powered by Jasper Roberts - Blog

19:17 22.12.2016
წმინდა სინოდმა წმინდანებად ორი მეფე - ბაგრატ მესამე და სოლომონ პირველი, ასევე, კათოლიკოს-პატრიარქი კალისტრატე ცინცაძე შერაცხა

წმინდა სინოდმა იღუმენიების - ნინო ამილახვარისა და თამარ მარჯანიშვილის გარდა, დღევანდელ სხდომაზე წმინდანებად ორი მეფე - ბაგრატ მესამე და სოლომონ პირველი, ასევე ქვეყნის კათოლიკოს პატრიარქი კალისტრატე ცინცაძე შერაცხა.ამის შესახებ საპატრიარქოს ტელევიზია „ერთსულოვნებასთან“ საუბარში ზუგდიდისა და ცაიშის მიტროპოლიტმა გერასიმემ განაცხადა, რომელიც წმინდა სინოდის სხდომის მდივანი იყო.„წმიდათა დასში შეირაცხნენ იღუმენია ნინო ამილახვარი, სქიმიღუმენია თამარ მარჯანიშვილი, საქართველოს მეფე ბაგრატ მესამე, იმერეთის მეფე სოლომონ პირველი და კათოლოკოს პატრიარქი კალისტრატე ცინცაძე“, - განაცხადა მიტროპოლიტმა გერასიმემ.მისივე განმარტებით, წმინდა სინოდის სხდომაზე მიღებული გადაწყვეტილებების თაობაზე საქართველოს საპატრიარქოს განცხადება მოგვიანებით გახდება ცნობილი.

ავტორ(ებ)ი : geotimes.ge