Powered by Jasper Roberts - Blog

    

 

 

12:13 12.03.2018
"ნამდვილი ამბავია... საკუთარი ყურით ბორის წიფურიასგან მოსმენილი..."-ბესიკ დუღაშვილი

მხატვარი ბესიკ დუღაშვილი ფეისბუქის საკუთარ გვერდზე შემდეგი შინაარსის სტატუსს აქვეყნებს:

 

"ნამდვილი ამბავია...

საკუთარი ყურით ბორის წიფურიასგან მოსმენილი..


ერთხელ თბილისში ჩამოსულა რომელიღაც ემირი. ემირს ძალიან ყვარებია ნადირობა და ქართველებისგან მიუღია პირობა რომ აუცილებლად წაიყვანდნენ სანადიროდ დათვზე. მოკლედ დაფაცურნდენ მასპინძლები, უნდათ რომ ემირს ასიამოვნონ. ფიქრობენ სად უნდა წაიყვანონ ისეთ ადგილას რომ, თან ახლოს იყოს თბილისთან და თან ნანადირევის გარეშეც არ ჩაიაროს ნადირობამ. და მოიფიქრეს რომ, მისულიყვნენ ბორის წიფურიასთან (წიფურია მაშინ ცირკის დირექორი იყო) რადაც არ უნდა დაჯდომოდათ გამოესყიდათ დათვი ცირკიდან, შემდეგ დაახლოებით კუს ტბის მიმდებარე ტერიტორიაზე გაეშვათ და წინასწარ ჩასაფრებული, ემირისკენ გაედევნათ. წიფურიას რომ აუხსნეს, - თქვენ ხომ არ გაგიჟდითო? - უარზე იყო. მაგრამ დიდი ხვეწნის შემდეგ დაიყოლიეს. 


მოკლედ ყველაფერი გეგმის მიხედვით გააკეთეს. დათვი გაუშვებს, ემირი ჩასვეს „ნომერში“ და არიან მომზადებულები. ამ დათვს უბოდიალია აქეთ-იქით, შეხვედრია ვიღაც ველოსიპედიანი ბიჭი, ამ ბიჭს რომ დაუნახავს დათვი შეშინებულა, მიუგდია ველოსიპედი და გაქცეულა. წარმოიდგინეთ ემირის რეაქცია, როდესაც შესძახეს თქვენსკენ წამოვიდაო, ელოდება მურა დათვს, ველურს, გამხეცებულს და ამ დროს ხედავს რომ დათვი ზის ველოსიპედზე და მოდის ჭრიჭინ-ჭრიჭინით. როგორც ამბობდნენ ემირი 2 თვე ფსიქოლოგიური რეაბილიტაციის კურსებს გადიოდა ოჯახის დაჟინებული მოთხოვნით,"-წერს ბესიკ დუღაშვილი.

ავტორ(ებ)ი : geotimes.ge